Actualitats
Tolosa se recordarà divendres de sas libertats comunalas
Lo 6 de genièr de 1189, lo comte Ramon V remetèt los poders civils al pòble de Tolosa, après una revolucion borgesa
La vila de Tolosa commemorarà divendres que ven, 25 de genièr, lo 830n anniversari de la signatura d’una carta istorica. Lo 6 de genièr de 1189, lo comte Ramon V remetèt los poders civils al pòble de Tolosa, après una revolucion borgesa. Lo poder lo prenguèron los capítols, los dotze oficièrs municipals de la Ciutat Mondina que bastirián lo Capitòli. La Republica de Tolosa representèt lo pòble tolosan fins a sa dissolucion pendent la Revolucion Francesa.
A l’ocasion d’aquel anniversari, la Sala dels Illustres del Capitòli de Tolosa aculhirà una ceremònia de commemoracion organizada per la comuna de Tolosa e Convergéncia Occitana, qu’ongan fa una crida a una participacion nombrosa “per far descobrir al grand public l'istòria de Tolosa e las valors occitanas, en particular las idèas de Convivéncia".
Al programa d'ongan i a una animacion musicala de Les Mâles aux Choeurs de Tolosa, que seràn acompanhats pels calandrons tolosans.
Rendètz-vos dins la Sala dels Illustres del Capitòli, 25 de genièr a 12h30. Trobatz l'eveniment sus Facebook.
<br /><br /><a href="https://www.jornalet.com/socis" target="blank"><img alt="abonar los amics de Jornalet" id="Abonar los amics de Jornalet" src="https://www.jornalet.com/imatges/images/SOCI.jpg" /></a>
A l’ocasion d’aquel anniversari, la Sala dels Illustres del Capitòli de Tolosa aculhirà una ceremònia de commemoracion organizada per la comuna de Tolosa e Convergéncia Occitana, qu’ongan fa una crida a una participacion nombrosa “per far descobrir al grand public l'istòria de Tolosa e las valors occitanas, en particular las idèas de Convivéncia".
Al programa d'ongan i a una animacion musicala de Les Mâles aux Choeurs de Tolosa, que seràn acompanhats pels calandrons tolosans.
Rendètz-vos dins la Sala dels Illustres del Capitòli, 25 de genièr a 12h30. Trobatz l'eveniment sus Facebook.
<br /><br /><a href="https://www.jornalet.com/socis" target="blank"><img alt="abonar los amics de Jornalet" id="Abonar los amics de Jornalet" src="https://www.jornalet.com/imatges/images/SOCI.jpg" /></a>
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Republica de Tolosa, "Republica" sense verguetas ...
La representacion del pòble amb un areopag borgés, amb una dinastia comptala.
Republica oligarquica, non pas coma Venècia,
Monarquia. parlamentària, que òc !
Val mai aquò que la vergonhosa celebracion de la "creacion" de l'universitat de Tolosa qualques annadas a. La dicha "universitat" èra pas que l'Inquisicion amagada jos las pelhandras de facultatr de teologia.
Visca Tolosa ciutat gloriosa e poderosa !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari