Actualitats
Es mòrt Enric d’Orleans, pretendent al tròne de França
Èra descendent del fraire de Loís XIV, de Felip Egalitat e del darrièr rei de França, Loís Felip Ir
Enric d’Orleans, comte de París e duc de França e pretendent al tròne de França, moriguèt diluns passat a 85 ans. Los dreches monarquics de la corona de França son principalament disputats entre tres ostals: lo de Borbon, lo d’Orleans e los Bonaparte. Enric èra de la branca dels orleanistas. Ara son filh Jean es lo nòu pretendent.
Enric d’Orleans èra descendent del fraire de Loís XIV, e tanben de Felip Egalitat, qu’aviá votat en favor de l’execucion de Loís XVI, que moriguèt tanben un 21 de genièr, mas en 1793. En mai d’aquò, Enric èra descendent del darrièr rei de França, Loís Felip Ir.
En 1966, venguèt lo cap de l’Ostal de França malgrat una fòrta disputa amb son paire a causa de son divòrci e de son maridatge civil amb una femna divorciada. Mas lo paire finiguèt que lo confirmèt dins l’òrdre dinastic de la succession.
Nascut lo 14 de junh de 1933 al maine d’Anjau a Sint-Pieters-Woluwe, près de Brussèlas. Passèt son enfança en Marròc, Espanha e Portugal. Malgrat que la lei de l’exili pertoquèsse lo cap de l’Ostal de França, el coma prince foguèt autoritzat de vesitar l’estat francés per contunhar sos estudis. Faguèt partida de l’armada francesa, d’ont seriá oficièr e membre de l’Estat Major.
Enric d’Orleans èra descendent del fraire de Loís XIV, e tanben de Felip Egalitat, qu’aviá votat en favor de l’execucion de Loís XVI, que moriguèt tanben un 21 de genièr, mas en 1793. En mai d’aquò, Enric èra descendent del darrièr rei de França, Loís Felip Ir.
En 1966, venguèt lo cap de l’Ostal de França malgrat una fòrta disputa amb son paire a causa de son divòrci e de son maridatge civil amb una femna divorciada. Mas lo paire finiguèt que lo confirmèt dins l’òrdre dinastic de la succession.
Nascut lo 14 de junh de 1933 al maine d’Anjau a Sint-Pieters-Woluwe, près de Brussèlas. Passèt son enfança en Marròc, Espanha e Portugal. Malgrat que la lei de l’exili pertoquèsse lo cap de l’Ostal de França, el coma prince foguèt autoritzat de vesitar l’estat francés per contunhar sos estudis. Faguèt partida de l’armada francesa, d’ont seriá oficièr e membre de l’Estat Major.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#7 vist l'eatge de la piòta en question, la penso puèi pas tròp manjabla.
#6 & #5 Aqueste arlèri pòt ben remontar a Raimon IV, a Saladin o a Ramsès II, m'en tondi ! Se vòl rei de França ! Que volètz que de faga, ieu, d'un piòt atal ?
#5 Enric de Navarra, òc. Mas pas pron d'aquò, es… un dels darriers descendents dels comtes de Tolosa, via Blanca de Castilha, la maire d'aqueu paure colhon de Lois IX, ela mema felena d'Alienor, ela-mema felena de Felipa, molher de Guilhem IX, ela-mema filha d'un Guilhem de Tolosa e neça de Raimond IV. Aquò dich, tot lo monde es descendent d'Alienor, dels Habsborg als Windsor, doncas aquò pròva pas ren.
Tot aquò per de dire de far dins lo people et lo glamor. Qu'o valèm ben.
#4 Pr'aquò aqueste triste Borbon es descendent d'un occitan, rei de Navarra! (e benlèu d'un cèrt Archimbautz!) Mas vertat que de Queribus estant, Navarra e Borbon son pas gaire vesinas.
Sabem pas se son cosin (lo Felip VI, el tanben descendent del "Roy Soleil") a mandat un pichon messatge a la familha o si se desplaçarà pel sebeliment.
Un pauc de "people" sus Jornalet es plasent!
Qualqu'un a de novèlas d'autras "stars"?
Non me coneissi reis que d'Aragon, Catalonha e Occitania. Tal val dire que cap Borbon Four Roses, cap Malaparte ni cap arlèri de New Orleans non pòt regnar subre mon si ! Çò que fa règde clar de ieu un anarquista assumit. Òsca la Republica de 36, a Barcelona, amb lo pòble, mercés al pòble e per lo pòble, dins sa lenga e sa dignitat. Ma messa es dita…, qu'es eretica e occitana.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari