Quaranta sièis vilas aculhiràn dissabte que ven la Dictada Occitana
Se tracta d’una jornada de promocion de la lenga e la cultura occitanas que consistís a realizar una dictada amb de prèmis pels participants
290 personas participèron arunan a Albi, mai que mai d’escolans e de collegians
Dissabte que ven, 26 de genièr, aurà luòc la 21a Dictada Occitana dins 46 vilas en Occitània, als Païses Catalans (Barcelona, Valéncia e Albocàsser al País Valencian) e tanben a París. Dins la màger part dels cases, las dictadas se faràn al meteís moment.
Se tracta d’una jornada de promocion de la lenga e la cultura occitanas que consistís a realizar una dictada amb de prèmis pels participants. Organizada pel primièr còp en 1998 pel Centre Occitan del País Castrés, la dictada se fa cada an, normalament lo darrièr dissabte de genièr.
A l’entorn de la dictada, dins la majoritat de las vilas ont se fa, se debanaràn plusors activitats coma de musica, de balètis, de teatre, de conferéncias, etc.
Mai d’informacions
Las vilas qu'aculhiràn la dictada son Albi, Albocàsser, Anonai, Arle, Aurenja, Barcelona, Begós, Cantaron, Carnolas, Castras, Charreç, Coarasa, Foish, Gap, l’Escarea, la Trinitat, la Vercantièra, Lorda, Massiac, Mende, Menton, Montalban, Montbrun-Boscatge, Narbona, Niça (IEO e Niça Pantais), Nimes, Orlhac, Òrcs, París, Pelhon, Riom de las Montanhas, Ròcabruna, Rodés, San Ponç de Tomièras, Sant Flor, Sant Martin Grand, Seilhac, Senta Gabela, Sent Seren, Seteme dei Valons, Valéncia, Valhac, Ventuèjols, Vic de Fesensac, Vilafranca de Roergue e plusors collègis en Cantal.
Unas ochanta personas participèron l'an passat a Barcelona
Etiquetas
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 Non, es una locucion verbala panromanica: cat. "tenir lloc", es. "tener lugar", port. "ter lugar", it. "avere luogo", etc. E n'i a d'atestacions en lenga nòstra.
Aquela dictada es pas de negligir: es un dels pquques biaisses qu'avèm de mostrar que i mai de mond que çò que se ditz que s'interèssa a l'occitan.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
#2 Non, es una locucion verbala panromanica: cat. "tenir lloc", es. "tener lugar", port. "ter lugar", it. "avere luogo", etc. E n'i a d'atestacions en lenga nòstra.
#1 Vos pinholar dins lo fòrum de Jornalet vos balha d’orgasmes del tròn de dieu ?
Dumpuèi quora Foish es en Lengadòc?
#1 avètz melhor ?
E dins Erau, i a pas res? O es un oblit?
Aquela dictada es pas de negligir: es un dels pquques biaisses qu'avèm de mostrar que i mai de mond que çò que se ditz que s'interèssa a l'occitan.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari