Actualitats
Veneçuèla: Guaidó s’es autoproclamat president e Trump l’a reconegut
Nicolás Maduro se revendica president legitim e acusa los Estats Units d’aver organizat un còp d’estat
Lo cap de l’oposicion de Veneçuèla, Juan Guaidó, se proclamèt ièr president de la republica a la fin d’una granda manifestacion e aguèt sul pic la reconeissença dels Estats Units, de Canadà, Brasil, Paraguai, Colómbia, Peró, Eqüator, Argentina, Còsta Rica, Chile e Guatemala. Totun, Nicolás Maduro se revendiquèt president legitim, acusèt los Estats Units d’aver organizat un còp d’estat e expulsèt del país los diplomatas estatsunidencs. Las administracions de Bolívia, Mexic, Turquia e Russia mostrèron sul pic lor sosten a Maduro.
Guaidó es lo president de l’Assemblada de Veneçuèla. En seguida d’una protèsta a Chacao, dins la banlèga de Caracas, diguèt: “Juri d’assumir formalament las competéncias de la presidéncia de Veneçuèla”. De milièrs de veneçolans manifestèron per carrièras lor sosten a Guaidó e lor oposicion a Maduro per sortir de la crisi politica e umanitària que la viu lo país. De lor costat, de milièrs de partisans de Maduro manifestèron tanben lor sosten al president.
Dins un discors televisat del palais de Miraflores estant, Maduro denoncièt l’operacion coma un còp d’estat. “Volèm pas tornar al sègle XX de las intervencions estrangièras. Lo pòble de Veneçuèla ditz de non als plans putschistas”, çò diguèt Maduro en insistissent per dire que los Estats Units “dirigisson l’operacion” per metre en plaça un “govèrn mariòta” que favorisca los intèresses estatsunidencs. En mai d’aquò, Maduro anoncièt la rompedura de totas las relacions amb aquel país e ne fòrabandiguèt totes los diplomatas e politicians.
La crisi politica de Veneçuèla s’accentuèt lo 10 de genièr passat, quand Maduro comencèt un segond mandat que l’oposicion e una granda partida de la comunautat internacionala reconeisson pas perque considèran que las eleccions foguèron una frauda. L’Assemblada de Veneçuèla definiguèt Maduro coma un “usurpaire” e decidiguèt de prene lo poder executiu. Es dins aquel sens que Guaidó s’autoproclamèt ièr president del país.
Ara Veneçuèla es intrada dins una crisi del pronostic totalament malsegur.
Per comprene aquela situacion, cal soslinhar que la crisi economica que la patís lo país es enòrma, mai que mai a causa de la tombada del prètz del petròli e de las sancions economicas internacionalas, çò qu’a provocat una manca de produches basics, mai que mai de manjar.
En mai d’aquò, la protèsta permanenta de l’oposicion, que ten lo sosten de divèrses païses dont en particular los Estats Units, a menat lo país a una longa guèrra civila de bassa intensitat que causa d’afrontaments grèus e de mòrts.
Ara, amb Trump e Bolsonaro, la pression internacionala contra Maduro es mai fòrta.
De soslinhar que las resèrvas de petròli de Veneçuèla son probable las pus grandas del Mond.
Guaidó es lo president de l’Assemblada de Veneçuèla. En seguida d’una protèsta a Chacao, dins la banlèga de Caracas, diguèt: “Juri d’assumir formalament las competéncias de la presidéncia de Veneçuèla”. De milièrs de veneçolans manifestèron per carrièras lor sosten a Guaidó e lor oposicion a Maduro per sortir de la crisi politica e umanitària que la viu lo país. De lor costat, de milièrs de partisans de Maduro manifestèron tanben lor sosten al president.
Dins un discors televisat del palais de Miraflores estant, Maduro denoncièt l’operacion coma un còp d’estat. “Volèm pas tornar al sègle XX de las intervencions estrangièras. Lo pòble de Veneçuèla ditz de non als plans putschistas”, çò diguèt Maduro en insistissent per dire que los Estats Units “dirigisson l’operacion” per metre en plaça un “govèrn mariòta” que favorisca los intèresses estatsunidencs. En mai d’aquò, Maduro anoncièt la rompedura de totas las relacions amb aquel país e ne fòrabandiguèt totes los diplomatas e politicians.
La crisi politica de Veneçuèla s’accentuèt lo 10 de genièr passat, quand Maduro comencèt un segond mandat que l’oposicion e una granda partida de la comunautat internacionala reconeisson pas perque considèran que las eleccions foguèron una frauda. L’Assemblada de Veneçuèla definiguèt Maduro coma un “usurpaire” e decidiguèt de prene lo poder executiu. Es dins aquel sens que Guaidó s’autoproclamèt ièr president del país.
Ara Veneçuèla es intrada dins una crisi del pronostic totalament malsegur.
Per comprene aquela situacion, cal soslinhar que la crisi economica que la patís lo país es enòrma, mai que mai a causa de la tombada del prètz del petròli e de las sancions economicas internacionalas, çò qu’a provocat una manca de produches basics, mai que mai de manjar.
En mai d’aquò, la protèsta permanenta de l’oposicion, que ten lo sosten de divèrses païses dont en particular los Estats Units, a menat lo país a una longa guèrra civila de bassa intensitat que causa d’afrontaments grèus e de mòrts.
Ara, amb Trump e Bolsonaro, la pression internacionala contra Maduro es mai fòrta.
De soslinhar que las resèrvas de petròli de Veneçuèla son probable las pus grandas del Mond.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
L'estat que ten mai reservas petroliferas del mond és ? : Venezuela ! mira per ont. Los iancos volen aquesta reserva e la cia presiona a Trump que lo bloquejarà se non fa guerras imperialas. Vet aquí la causa.
Aprèp la dictatura tragi-comica de l'ubuèsc Maduro vaqui lo cop d'estat yanqui de Guaido-Trump..
La pèsta remplaça lo colerà. Paure poble de Veneçuèla que vai de Charybde en Sillà, pecaire !
Quò es un episòde de la guerra civila que se fai aus USA mas que vòl pas dire son nom e qu'a de la repercucion dins tots los pais satelites daus Etats Unis (que comprenan tan ben Euròpe, Israel). Una guerra civila entre de las fòrças poderosas e fortunadas. Es temps de veire pus lonh que lo bot de son nas. Las accusacions de corupcion e la condamnacion daus uns son mas la partida visibla d'aquela guerra. Tots los caps d'estats satelites son mas lo pòrte paraula d'aquelas fòrças que s'opausan.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari