Actualitats
An presentat lo sit de las dictadas en linha per practicar l’ortografia de l’occitan
Un total de 90 dictadas en linha (60 en aranés e 30 en estandard de basa lengadociana) permeton de trabalhar autodidacticament l’ortografia de la lenga occitana
La Generalitat de Catalonha presentèt lo 16 de genièr passat una nòva ressorsa per aprene e practicar la lenga occitana: s’agís d’un esplech que prepausa 90 dictadas autocorrectivas que permeton de trabalhar autodidacticament l’ortografia de la lenga occitana. Las dictadas, classadas per tipes de dificultat ortografica e per nivèls de lenga, son principalament en aranés mas tanben n’i a qualques unas en lengadocian referencial. Atal, los araneses a un accès dobèrt a la rèsta de lor lenga del temps que la ressorsa es utila tanben pels qu’aprenon l’occitan estandard de basa lengadociana.
Lo sit lo presentèt la directriz generala de la Politica Lingüistica, Ester Franquesa, acompanhada del president de l’Institut d’Estudis Araneses – Acadèmia Aranesa de la Lenga Occitana, Jusèp Loís Sans, e del secretari general del CAÒC, Joan Cardona.
Long de l’eveniment, la cap del Servici de Ressorsas Lingüisticas, Àngels Guerrero, e lo responsable de l’Airal de Coordinacion, Xavier Moral, faguèron una demostracion del foncionament de l’esplech.
Enfin, lo jornalista Ferriòl Macip expliquèt l’elaboracion de la ressorsa, mai que mai la causida de las dificultats ortograficas. Amb el, los responsables de l’oralizacion de las dictadas, Elisa Salomon e Rafèu Sichel-Bazin, expliquèron las dificultats de la mesa en votz e contèron qualques anecdòtas suls enregistraments.
Las dictadas en linha permeton d’escotar, d’escriure e d’autocorregir interactivament lo tèxt en fasent servir d’ordenadors, de tauletas o de telefòns mobils. Al total, i a 90 dictadas dels nivèls elementari (B1) e intermediari (B2) segon lo Quadre Europèu Comun de Referéncia. Las dictadas son concebudas per trabalhar 15 menas de dificultats ortograficas e 60 son en aranés e 30 en lengadocian referencial.
Los tèxtes los an elaborats l’ensenhaira Montse Pedarròs, l’escrivan Xavier Gutiérrez, lo lingüista corrector de Jornalet, Gerard Joan Barceló, e lo jornalista e escrivan, tanben collaborador de Jornalet, Manèl Zabala.
Vesitatz lo sit sus llengua.gencat.cat/dictades.
Lo sit lo presentèt la directriz generala de la Politica Lingüistica, Ester Franquesa, acompanhada del president de l’Institut d’Estudis Araneses – Acadèmia Aranesa de la Lenga Occitana, Jusèp Loís Sans, e del secretari general del CAÒC, Joan Cardona.
Long de l’eveniment, la cap del Servici de Ressorsas Lingüisticas, Àngels Guerrero, e lo responsable de l’Airal de Coordinacion, Xavier Moral, faguèron una demostracion del foncionament de l’esplech.
Enfin, lo jornalista Ferriòl Macip expliquèt l’elaboracion de la ressorsa, mai que mai la causida de las dificultats ortograficas. Amb el, los responsables de l’oralizacion de las dictadas, Elisa Salomon e Rafèu Sichel-Bazin, expliquèron las dificultats de la mesa en votz e contèron qualques anecdòtas suls enregistraments.
Las dictadas en linha permeton d’escotar, d’escriure e d’autocorregir interactivament lo tèxt en fasent servir d’ordenadors, de tauletas o de telefòns mobils. Al total, i a 90 dictadas dels nivèls elementari (B1) e intermediari (B2) segon lo Quadre Europèu Comun de Referéncia. Las dictadas son concebudas per trabalhar 15 menas de dificultats ortograficas e 60 son en aranés e 30 en lengadocian referencial.
Los tèxtes los an elaborats l’ensenhaira Montse Pedarròs, l’escrivan Xavier Gutiérrez, lo lingüista corrector de Jornalet, Gerard Joan Barceló, e lo jornalista e escrivan, tanben collaborador de Jornalet, Manèl Zabala.
Vesitatz lo sit sus llengua.gencat.cat/dictades.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
" lengadocian referencial" qui devien " estandard occitan de basa lengadocian" hahaha, qu'ei dificil d'estar tant auneste en tòrcent atau. Qu'esperam lo miélher au lengadocian en lengadòc mes non ei estat, non ei, e non serà pas jamèi l'estandard deus aranés, deus biarnés e deus gascons en generau.
Alavtez ? Non son de Catalans, aqueles ciutadans que tant s'afanan per promòure la dignitat intellectuala de la nòstra lenga, en Aranés e en lengadocian ? Plan mercés a eles, e sosten ferverós als preisonièrs politics catalans !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari