Actualitats
Amb un bon finançament "auriam pas perdut la lenga": prèmis del cinèma catalan
La presidenta de l'Acadèmia Catalana del Cinèma, Isona Passola, reclama que torne lo finançament a TV3 e a la cultura dins la ceremònia dels prèmis Gaudí
Lo cinèma catalan aguèt son rendètz-vos dimenge de ser a l'ocasion dels prèmis Gaudí. Los actors, montaires, productors e directors d'art e fotografia se rescontrèron dins lo quadre d'una gala modèsta mas amb lo glamor abitual de guierdons del seten art.
De soslinhar dos filmes: Les distàncies (Las distàncias) de la realizaira Elena Trapé, qu'a ganhat lo prèmi del melhor filme, e Entre dos aguas (Entre doas aigas) del realizaire Isaki Lacuesta qu'a emportat sèt figurinas dont la del melhor filme en lenga non catalana.
La presidenta de l’Acadèmia del Cinèma Catalan (ACC), Isona Passola, interpelèt dins son discors los ministres d'economia de la Generalitat e tanben de l'estat espanhòl e quitament lo president de la Generalitat en foncions, Quim Torra. Al ministre espanhòl, Passola li remembrèt un fons que l'estat espanhòl ten per respectar la Carta Europèa de las Lengas Regionalas o Minorizadas. Un "fonzet" –çò diguèt– que l'estat quitèt de transferir en 2012 a causa d'un recors que lo govèrn espanhòl metèt davant lo Tribunal Constitucional contra una lei catalana qu'establissiá un minim de produccion cinematografica en catalan. D'autre caire, Passola planguèt que la television de Catalonha (TV3) "se trobèsse sus la via de garatge", e reclamèt a la Generalitat que finance coma cal aquela television per que torne produire de filmes de ficcion, de documentaris, d'animacion, etc.. "Poiriam contunhar de far de bons filmes competitius dins lo Mond e sustot auriam pas perdut la lenga, car tre qu'avèm pas TV3 nos cal anar cercar l'argent a d'autras televisions e sèm despolhats", çò defendèt Passola en justificant lo naut nombre de filmes presentats en castelhan dins aquela edicion dels Gaudí.
TV3 comencèt en 1983 e es totjorn estat un actor màger de la normalizacion del catalan, amb l'immersion lingüistica a l'escòla e la lei de normalizacion lingüistica d'aquel an. A l'ora d'ara, es una de las tòcas de la drecha espanholista que siá barrada.
Lo prèmi d'onor foguèt per Joan Pera, actor e doblaire, que foguèt lo qu'inaugurèt TV3 a l'ecran. "Tota ma vida es aicí", çò disiá amb de lagremas als uèhs en referéncia a sos companhs de mestièr.
Se poiriá justificar que los catalans sèm condemnats a l'interculturalitat, coma totes los pichons païses. Cossí que siá, l'ACC a fach una escomesa sul talent professional amb la consciéncia que per ben capitar dins l’entorn audiovisual cal quitar lo país: Juràssic World 2, Fallen Kingdom, es un filme realizat per un pichon òme barcelonés.
Zep Armentano
Vesitatz la galariá de fòtos que Zep Armentano faguèt sus plaça
De soslinhar dos filmes: Les distàncies (Las distàncias) de la realizaira Elena Trapé, qu'a ganhat lo prèmi del melhor filme, e Entre dos aguas (Entre doas aigas) del realizaire Isaki Lacuesta qu'a emportat sèt figurinas dont la del melhor filme en lenga non catalana.
La presidenta de l’Acadèmia del Cinèma Catalan (ACC), Isona Passola, interpelèt dins son discors los ministres d'economia de la Generalitat e tanben de l'estat espanhòl e quitament lo president de la Generalitat en foncions, Quim Torra. Al ministre espanhòl, Passola li remembrèt un fons que l'estat espanhòl ten per respectar la Carta Europèa de las Lengas Regionalas o Minorizadas. Un "fonzet" –çò diguèt– que l'estat quitèt de transferir en 2012 a causa d'un recors que lo govèrn espanhòl metèt davant lo Tribunal Constitucional contra una lei catalana qu'establissiá un minim de produccion cinematografica en catalan. D'autre caire, Passola planguèt que la television de Catalonha (TV3) "se trobèsse sus la via de garatge", e reclamèt a la Generalitat que finance coma cal aquela television per que torne produire de filmes de ficcion, de documentaris, d'animacion, etc.. "Poiriam contunhar de far de bons filmes competitius dins lo Mond e sustot auriam pas perdut la lenga, car tre qu'avèm pas TV3 nos cal anar cercar l'argent a d'autras televisions e sèm despolhats", çò defendèt Passola en justificant lo naut nombre de filmes presentats en castelhan dins aquela edicion dels Gaudí.
TV3 comencèt en 1983 e es totjorn estat un actor màger de la normalizacion del catalan, amb l'immersion lingüistica a l'escòla e la lei de normalizacion lingüistica d'aquel an. A l'ora d'ara, es una de las tòcas de la drecha espanholista que siá barrada.
Lo prèmi d'onor foguèt per Joan Pera, actor e doblaire, que foguèt lo qu'inaugurèt TV3 a l'ecran. "Tota ma vida es aicí", çò disiá amb de lagremas als uèhs en referéncia a sos companhs de mestièr.
Se poiriá justificar que los catalans sèm condemnats a l'interculturalitat, coma totes los pichons païses. Cossí que siá, l'ACC a fach una escomesa sul talent professional amb la consciéncia que per ben capitar dins l’entorn audiovisual cal quitar lo país: Juràssic World 2, Fallen Kingdom, es un filme realizat per un pichon òme barcelonés.
Zep Armentano
.@IsonaPassola estira les orelles als polítics i reclama un finançament digne pel cinema català al seu discurs als XI #PremisGaudí
— Premis Gaudí – Acadèmia del Cinema Català (@academiacinecat) 27 de gener de 2019
https://t.co/ayuxRaXlaQpic.twitter.com/A74abvDVKs
Vesitatz la galariá de fòtos que Zep Armentano faguèt sus plaça
| fffff | fffff | |
| Los filmes laureats — Melhor filme: Les distàncies — Melhor filme en lenga non catalana: Entre dos aguas — Melhor realizaire: Isaki Lacuesta (Entre Dos Aguas) — Melhor escenari: Celia Rico Clavellino (Viaje al Cuarto de Una Madre) — Melhor protagonista femenin: Lola Dueñas (Viaje al Cuarto de Una Madre) — Melhor protagonista masculin: Israel Gómez Romero (Entre Dos Aguas) — Melhor direccion de produccion: Eduardo Vallés, Hanga Kurucz (El fotógrafo de Mauthausen) — Melhor filme documentari: Petitet — Melhor cortmetratge: La última virgen — Melhor filme per la television: Vida privada — Melhor filme d’animacion: Memòries d’un home en pijama — Melhora direccion artistica: Rosa Ros (El fotógrafo de Mathausen) — Melhora actritz segondària: Anna Castillo (Viaje Al Cuarto de Una Madre) — Melhor actor segondari: Oriol Pla-Petra — Melhor montatge: Sergi Dies (Entre dos aguas) — Melhora musica originala: Raül Refree, Kiko Veneno (Entre dos aguas) — Melhora fotografia: Diego Dussuel (Entre dos aguas) — Melhors vestits: Mercè Paloma (El fotógrafo de Mauthausen) — Melhor son: Amanda Villavieja, Alejandro Castillo (Entre dos aguas) — Melhors efièches especials o numerics: Lluís Rivera, Ricard Barriga, Laura Pedro (Superlópez) — Melhor maquilhatge e cofatge: Caitlin Achenson, Jesús Martos (El fotógrafo de Mauthausen) — Melhor filme europèu: Cold War | ||
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari