Actualitats
Manifestacion contra l’assassinat de l’occitan a Tolosa
Deman, dimècres 30 de genièr, a 14h30, al Rectorat de Tolosa, los defensors de l’ensenhament de l’occitan cridaràn lor colèra
Ièr, lo Centre Regional dels Ensenhaires d’Occitan de l’acadèmia de Tolosa (CRÈO Tolosa) rendèt publica la fin de la dotacion especifica que finança l’occitan dins los collègis e licèus. Ara ven l’ora de la mobilizacion generala per salvar un dels darrièrs bastions de l’ensenhament de l’occitan amb gaireben 15 000 escolans que benefícian d’entre 1 e 3 oras d’occitan per setmana. I a tanben un cinquantenat d’ensenhaires d’occitan dins l’acadèmia mondina.
La terribla novèla es pas encara coneguda dins totes los establiments, mas cal saber que la logica de liquidacion generala de l’occitan es en camin pertot. Dins las acadèmias de Lemòtges, Clarmont e Grenòble, l’occitan dins los licèus e collègis es anecdotic. A Montpelhièr e Ais, l’occitan a fòrça reculat davant las atacas dels diferents rectors. Lo 60% dels escolans del segondari es dins l’acadèmia de Tolosa. L’occitan es tanben fòrt a Niça, mas patís fòrça la reforma mortifèra dels licèus.
Lo CRÈO Tolosa viu tanben mal las messorgas que li faguèt la rectritz lo 21 de decembre de 2018, quand parlèt de “santuarizacion” de l’occitan dins l’acadèmia.
Lo CRÈO Tolosa apèla donc totes los que son estacats a la lenga d’òc a manifestar davant lo Rectorat de Tolosa, 75 Carrièra St Ròc, a 14h30, dimècres 30 de genièr de 2019. Drapèls, bandeiròlas, pancartas e tot çò que fa de rambalh son benvenguts. Cal venir nombroses per mostrar que l’occitan existís e vòl encara viure longtemps.
La luta que s’anóncia es essenciala, la cal pas mancar.
Pas de lenga sens ensenhament.
Pas d’Occitània sens l’occitan.
Nicolau Rei-Bèthvéder
president CRÈO Tolosa
Mapa dels collègis e licèus amb l’occitan
La terribla novèla es pas encara coneguda dins totes los establiments, mas cal saber que la logica de liquidacion generala de l’occitan es en camin pertot. Dins las acadèmias de Lemòtges, Clarmont e Grenòble, l’occitan dins los licèus e collègis es anecdotic. A Montpelhièr e Ais, l’occitan a fòrça reculat davant las atacas dels diferents rectors. Lo 60% dels escolans del segondari es dins l’acadèmia de Tolosa. L’occitan es tanben fòrt a Niça, mas patís fòrça la reforma mortifèra dels licèus.
Lo CRÈO Tolosa viu tanben mal las messorgas que li faguèt la rectritz lo 21 de decembre de 2018, quand parlèt de “santuarizacion” de l’occitan dins l’acadèmia.
Lo CRÈO Tolosa apèla donc totes los que son estacats a la lenga d’òc a manifestar davant lo Rectorat de Tolosa, 75 Carrièra St Ròc, a 14h30, dimècres 30 de genièr de 2019. Drapèls, bandeiròlas, pancartas e tot çò que fa de rambalh son benvenguts. Cal venir nombroses per mostrar que l’occitan existís e vòl encara viure longtemps.
La luta que s’anóncia es essenciala, la cal pas mancar.
Pas de lenga sens ensenhament.
Pas d’Occitània sens l’occitan.
Nicolau Rei-Bèthvéder
president CRÈO Tolosa
Mapa dels collègis e licèus amb l’occitan
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#9 lou prouvençau es pas touca.
#20 De manifestants venguts d'Esponho nous descreziblariou.
#17 Chau apoundre que souvent faire d'occitan interdis de faire de lati e reciproucomen. Li parents chausissou toujour lou lati.
#16 Coumo que siajo lis occitanisto au pas ris fat per doubri de classo en 5èmo e 4èmo. Quand i avio de classos l'administraciou bilabo pas d'ourari e Mercadier, del rectourat, fazio pas ris.
Lou coulegi rapugabo l'argent del rectourat per chicon mai.
Dounc ço que se passo es la counsequencio de ço que se passabo ja. D'argent foro-viat de soun usaje nourmau.
Lou journau termino amm' aquelo fraso :
L’inquiétude va jusqu’à la transmission de la langue », rajoute d’ailleurs Clamenç Pech. Car si pour la préservation de la langue, l’école avait pris le relais de la maison, qui prendra le relais de l’école ?
Mas perqué i o pas de trasmissiou en familho ? Perqué lou filh d'un proufessour d'occitan parlo espanhòu mas pas la lingo d'oc ?
Perqué lou rectourat impauso d'ensenha l'occitañol e pas lou rouergat, lou carcinòl, lé toulousan, ed gascoun ded Coumenge ?
https://www.lepetitjournal.net/31c-comminges/2019/01/30/vers-la-fin-de-loccitan-dans-les-colleges-et-lycees/?fbclid=IwAR0IpQV49cV9VyGMrb2icn-AQPm1Swsg-lQIllPLIaBVb52TmNsOyeZdinc#.XFH4cC9dpug.facebook
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari