Actualitats
Albocàsser: an organizat la Dictada Occitana en remembrant los ligams istorics amb Occitània
Aquela region del País Valencian aculhiguèt una fòrta immigracion occitana après la crosada contra los catars
Albocàsser es una vila del nòrd del País Valencia qu’organiza la Dictada Occitana dempuèi cinc ans. La vila se tròba dins l’encontrada de Maestrat, un país que revendica sos ligams istorics amb Occitània: d’efièch, aculhiguèt un fum de catars que fugiguèron l’invasion francesa de la Crosada. Ongan, amb la Dictada Occitana an tanben organizat una vesita dels sits de la vila de Sant Mateu ont la preséncia dels migrants occitans marquèt l’economia e la cultura del país.
La television valenciana A Punt n’emetèt un reportatge:
La Dictada Occitana s’es convocada un an de mai dins mai d’un quarantenat de vilas de pertot en Occitània. La majoritat de las convocacions d’aquel concors ortografic de la lenga occitana se tenguèron simultanèament dissabte passat amb una participacion plan nombrosa e de mai en mai jove, amb d’enfants.
La Dictada nasquèt en 1998 d’una iniciativa del Centre Occitan de Castras (Castrés) e d’an en an d’autras municipalitats an jonch l’eveniment.
Fòra d’Occitània, la Dictada Occitana a tanben luòc a París e als Païses Catalans. A Barcelona, lo vam del CAÒC tròba totjorn lo sosten de la Generalitat de Catalonha. Las associacions Òc Valéncia e Òc Malhòrca an tanplan portat las dictadas en aqueles endreches en divèrsas escasenças.
La television valenciana A Punt n’emetèt un reportatge:
VÍDEO | El Maestrat i els Ports recorden el seu passat càtar https://t.co/Az21QAAPwP via @apunt_media
— Lluís Ahicart (@lluisahicart) 29 de gener de 2019
La Dictada Occitana s’es convocada un an de mai dins mai d’un quarantenat de vilas de pertot en Occitània. La majoritat de las convocacions d’aquel concors ortografic de la lenga occitana se tenguèron simultanèament dissabte passat amb una participacion plan nombrosa e de mai en mai jove, amb d’enfants.
La Dictada nasquèt en 1998 d’una iniciativa del Centre Occitan de Castras (Castrés) e d’an en an d’autras municipalitats an jonch l’eveniment.
Fòra d’Occitània, la Dictada Occitana a tanben luòc a París e als Païses Catalans. A Barcelona, lo vam del CAÒC tròba totjorn lo sosten de la Generalitat de Catalonha. Las associacions Òc Valéncia e Òc Malhòrca an tanplan portat las dictadas en aqueles endreches en divèrsas escasenças.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari