De scientifics australians an descobèrt que l’illa de Sandy, teoricament plaçada dins l’ocean Pacific entre la Nòva Caledònia e l’èst d’Australia, existís pas malgrat qu’apareis dins las mapas dempuèi l’an 2000.
L’error cartografica foguèt descobèrta per una còla de scientifics de l’Universitat de Sydney quand navegavan sus las coordenadas on caliá que l’illa i foguèsse, sens la veire pas e quitament quand los aparelhs mesuravan una prigondor de 1400 mètres.
L’illa apareis amb cèrta regularitat sus las cartas metereologicas e dins de publicacions scientificas dempuèi l’an 2000.
Per contra, l’illa apareis pas dins cap de carta de l’Estat francés, qu’a la jurisdiccion de la zòna. Mas se volètz encara veire ont es plaçada l’inexistenta illa de Sandy la podetz cercar per Google Maps o per Google Earth.
Après la confirmacion que l’illa existís pas, los cercaires estudièron lo fons marin del mar del Coralh e liurèron las nòvas donadas a las autoritats competentas per far las modificacions de las mapas mondialas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a paríer de païses qu'exístan pas sus 'a mapa, mas que son ben reals : coma Occitània !
Manqueré pas mei que los cartografas realizèssen que París n'existís pas tanpauc.
Podèm tostemps saunejar...
Seriá que lo oceans an pojat bravament dempuèi l'an 2000? Lo Martí ben qu'o sabiá que dins sa cançon "L'an 01" ne'n parla pas d'aquela illa de Sandy.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari