Actualitats
Reüssida de l’Universitat Internacionala d’Ivèrn de la Val d’Aran
L’eveniment a inclús de conferéncias sus l’arquitectura, l’escultura, la pintura e los bens immòbles, e de vesitas de las glèisas e del patrimòni aranés
L’Universitat Internacionala d’Ivèrn de la Val d’Aran, s’es acabada amb un bilanç fòrça positiu. L’eveniment sostitolat “Aran me fecit” (“Aran m’a fach(a)”, en latin) a prepausat un cors magistral sul patrimòni religiós aranés entre lo 25 e lo 27 de genièr passat ont an participat 6O personas sortidas d’Aran, de Comenge e de Catalonha.
Lo cors a inclús de conferéncias sus l’arquitectura, l’escultura, la pintura e los bens immòbles e de vesitas de las glèisas e del patrimòni aranés. L’eveniment l’a completat l’exposicion “Aran me fecit” sus l’art sagrat aranés que se pòt vesitar fins al 27 d’abril venent dins la glèisa de Sant Joan d’Arties (Arties e Garòs).
Per menar l’eveniment a bon tèrme, lo Conselh General d’Aran a tengut la collaboracion dels Musèus dera Val d’Aran, de l’Universitat de Navarra, de l’Universitat Rovira i Virgili, de la School of Architecture de l’Universitat Internacionala de Catalonha, del Musèu Nacional d’Art de Catalonha, de l’Universitat de Barcelona, de l’Evescat d’Urgelh, de la classa d’extension universitària de las personas vièlhas d’Aran e de l’Institut d’Estudis Araneses-Académia Aranesa de la Lenga Occitana.
Patrimòni de l’Umanitat
L’Universitat Internacionala d’Ivèrn de la Val d’Aran ven de refortir l’ipotèsi que las esculturas romanicas aranesas foguèron fachas dins un obrador del país: se pòt parlar, doncas, d’una Escòla d’Aran. Amb aquel apòrt se fa un pas endavant dins la preparacion de la candidatura al patrimòni de l’Umanitat.
La Val d’Aran alestís sa candidatura per que tot lo país venga Patrimòni de l’Umanitat per l’UNÈSCO. Arunan, l’escrivan e erudit aranés Jèp de Montoya, qu’es assessor de Cultura e Patrimòni del Govèrn d’Aran, explicava a la redaccion de Jornalet lo trabalh realizat per que tot lo país de cap de Garona foguèsse declarat Patrimòni de l’Umanitat per l’UNÈSCO.
Lo cors a inclús de conferéncias sus l’arquitectura, l’escultura, la pintura e los bens immòbles e de vesitas de las glèisas e del patrimòni aranés. L’eveniment l’a completat l’exposicion “Aran me fecit” sus l’art sagrat aranés que se pòt vesitar fins al 27 d’abril venent dins la glèisa de Sant Joan d’Arties (Arties e Garòs).
Per menar l’eveniment a bon tèrme, lo Conselh General d’Aran a tengut la collaboracion dels Musèus dera Val d’Aran, de l’Universitat de Navarra, de l’Universitat Rovira i Virgili, de la School of Architecture de l’Universitat Internacionala de Catalonha, del Musèu Nacional d’Art de Catalonha, de l’Universitat de Barcelona, de l’Evescat d’Urgelh, de la classa d’extension universitària de las personas vièlhas d’Aran e de l’Institut d’Estudis Araneses-Académia Aranesa de la Lenga Occitana.
Patrimòni de l’Umanitat
L’Universitat Internacionala d’Ivèrn de la Val d’Aran ven de refortir l’ipotèsi que las esculturas romanicas aranesas foguèron fachas dins un obrador del país: se pòt parlar, doncas, d’una Escòla d’Aran. Amb aquel apòrt se fa un pas endavant dins la preparacion de la candidatura al patrimòni de l’Umanitat.
La Val d’Aran alestís sa candidatura per que tot lo país venga Patrimòni de l’Umanitat per l’UNÈSCO. Arunan, l’escrivan e erudit aranés Jèp de Montoya, qu’es assessor de Cultura e Patrimòni del Govèrn d’Aran, explicava a la redaccion de Jornalet lo trabalh realizat per que tot lo país de cap de Garona foguèsse declarat Patrimòni de l’Umanitat per l’UNÈSCO.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Fòrça gràcies ath Jornalet e a Ferriol Macip en particular, peth trabalh desvelopat pendent aguesti 7 ans d' existéncia en prò dera grana lengua, cultura e realitat occitana e e pera estima que mòstre pera Val d' Aran, estant tostemp atent a tot çò que se passe en aguest territòri, sigue d' actualitat, sus era sua istòria o era sua identitat. ...
Mil viatges gràcies!!!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari