Actualitats
Tolosa: nafrat un membre de l’Observatòri de las Practicas Policièras
E mai portèsse un casco, a recebut qualques ponches de sutura sul front. L’OPP assegura que s’agís d’un tir policièr, çò que la prefectura desmentís
La polícia nafrèt dissabte passat a Tolosa un membre de l’Observatòri de las Practicas Policièras (OPP), çò rapòrta l'Universitat Populara de Tolosa. L’òme recebèt un impacte sul front mentre qu’observava la manifestacion dels Gilets Jaunes sul Baloard Carnot de la Ciutat Mondina devèrs 16h50. Sul pic foguèt menat a l’espital gràcias a la còla d’Street Medic e dels pompièrs. L’OPP assegura que s’agís d’un tir policièr, çò que la prefectura desmentís.
La victima, qu’es tanben membre de la Liga dels Dreches de l’Òme, portava un casco quand foguèt nafrat, mas a totun recebut qualques ponches de sutura.
Segon d’autres observaires de l’OPP que se trobavan dins lo sector, a aquel moment “[avián] constatat un usatge desproporcionat de lacrimogèn en direccion dels manifestants presents sul balard e qualques tirs d’LDB”. En mai d’aquò, l’Observatòri assolida que la persona tocada èra “identificada coma tala amb sa casubla jaune e blau”, çò rapòrta France 3. En mai d’aquò, un dels jornalistas d’aquela meteissa cadena de television que se trobava sus plaça enregistrèt de manifestants lançant de projectils contra los policièrs que lor bandissián de gas lacrimogèn.
Creat a Tolosa per constatar l’inflacion dels mejans policièrs
L’Observatòri de las Practicas Policièras (OPP) se creèt a Tolosa en març de 2017 de la man de la Liga des Dreches de l’Òme e de la Fondacion Copernic. Aqueles collectius volián constatar l’inflacion dels mejans policièrs desplegats a las manifestacions contra la Lei Trabalh o lo projècte de centre comercial Val Tolosa, e comprene lo clima de violéncia remarcat dins maitas manifestacions tolosanas.
Puèi, en setembre de 2017, l’OPP decidiguèt de desplegar d’observaires a cada manifestacion declarada en prefectura a Tolosa. Dempuèi lo començament del movement dels Gilets Jaunes, l’OPP denóncia “l’usatge desproporcionat de la fòrça pels servicis de polícia e especialament pels policièrs en civil”.
Las balas de defensa (LBD)
Las balas de defensa (LBD), tanben apeladas flashballs, son un dels dels projectils emplegats per la polícia francesa. Aqueles projectils de 40 mm de cauchó son benlèu l’arma pus perilhosa dins l’arsenal de las fòrças de l’òrdre francesas qu’an ja provocat de feridas fòrça grèvas coma la pèrda d’un uèlh.
L’OPP reclama la supression d’aquelas municions e d’autras “armas subletalas”.
La victima, qu’es tanben membre de la Liga dels Dreches de l’Òme, portava un casco quand foguèt nafrat, mas a totun recebut qualques ponches de sutura.
Segon d’autres observaires de l’OPP que se trobavan dins lo sector, a aquel moment “[avián] constatat un usatge desproporcionat de lacrimogèn en direccion dels manifestants presents sul balard e qualques tirs d’LDB”. En mai d’aquò, l’Observatòri assolida que la persona tocada èra “identificada coma tala amb sa casubla jaune e blau”, çò rapòrta France 3. En mai d’aquò, un dels jornalistas d’aquela meteissa cadena de television que se trobava sus plaça enregistrèt de manifestants lançant de projectils contra los policièrs que lor bandissián de gas lacrimogèn.
Creat a Tolosa per constatar l’inflacion dels mejans policièrs
L’Observatòri de las Practicas Policièras (OPP) se creèt a Tolosa en març de 2017 de la man de la Liga des Dreches de l’Òme e de la Fondacion Copernic. Aqueles collectius volián constatar l’inflacion dels mejans policièrs desplegats a las manifestacions contra la Lei Trabalh o lo projècte de centre comercial Val Tolosa, e comprene lo clima de violéncia remarcat dins maitas manifestacions tolosanas.
Puèi, en setembre de 2017, l’OPP decidiguèt de desplegar d’observaires a cada manifestacion declarada en prefectura a Tolosa. Dempuèi lo començament del movement dels Gilets Jaunes, l’OPP denóncia “l’usatge desproporcionat de la fòrça pels servicis de polícia e especialament pels policièrs en civil”.
Las balas de defensa (LBD)
Las balas de defensa (LBD), tanben apeladas flashballs, son un dels dels projectils emplegats per la polícia francesa. Aqueles projectils de 40 mm de cauchó son benlèu l’arma pus perilhosa dins l’arsenal de las fòrças de l’òrdre francesas qu’an ja provocat de feridas fòrça grèvas coma la pèrda d’un uèlh.
L’OPP reclama la supression d’aquelas municions e d’autras “armas subletalas”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Cada gec jaune val per mil gerdarmas de Vichí colaboracionistas amb los nazis.
Cronica de la societat ultraliberala ordinària…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari