Actualitats
Crida a manifestar contra la supression de l’ensenhament de l’occitan
Lo CRÈO Tolosa crida a una manifestacion unitària lo 17 de febrièr que ven a Tolosa. La sostenon la FÈLCO e Calandreta
Contunha la mobilizacion per l’occitan dins l’educacion publica. Davant las menaças de supression de l’ensenhament public de l’occitan, lo Centre Regional dels Ensenhaires d’Occitan de Tolosa (CRÈO Tolosa) crida a una granda manifestacion unitària a l’escala d’Occitània tota lo 17 de febrièr a Tolosa. La protèsta l’organizan amb lo supòrt de la Federacion de las Calandretas e de la Federacion dels Ensenhaires de Lenga e Cultura d’Òc (FÈLCO). La redaccion de Jornalet sosten tanben la manifestacion.
D’autobuses per i anar
Lo CRÈO Tolosa organiza d’autobuses per se gandir a la manifestacion dels uèch departaments que cabon dins l’acadèmia de Tolosa. Atal se prepausarà d’autobuses a Albi, Castras, Sant Gaudenç, Aush - Samatan – l’Isla de Baish e tanben en Roergue. Lo prètz del viatge serà liure e se pagarà çò que se considerarà just.
L’ora es gravissima
“L’ora es gravissima”, çò explicava Jornalet lo president del CRÈO Tolosa, Nicolau Rei-Bèthvéder. “Pels provisors de licèu e principals dels collègis nos arriban los messatges del rectorat e del ministèri. Son clars: vòlon chaplar l’occitan en licèu e collègi dins los uèit departaments de l’acadèmia de Tolosa”, una de las onze subdivisions escolaras que cabon en Occitània dins l’estat francés.
L’acadèmia de Tolosa a mes fin a la dotacion especifica que finança l’occitan dins los collègis e licèus e daissa sens occitan gaireben 15 000 escolans. Tanben son pertocats una cinquantena d’ensenhaires d’occitan dins l’acadèmia mondina.
Dins la rèsta d’Occitània administrada per França, la situacion es pas melhora. Dins las acadèmias de Lemòtges, Clarmont e Grenòble, l’occitan dins los licèus e collègis es anecdotic. A Montpelhièr e Ais, l’occitan a fòrça reculat davant las atacas dels diferents rectors. D’anóncias de barraduras son estadas fachas en Provença ont lo rector se trufa “d’una lenga que se parla pas”. L’explicacion de la fin de l’occitan es lo pretèxt de la reforma Blanquer dels licèus. Lo 60% dels escolans del segondari es dins l’acadèmia de Tolosa.
L’occitan es tanben fòrt a Niça, mas patís fòrça la reforma mortifèra dels licèus. Lo quite cònsol màger, Christian Estrosi, a sasit lo ministre de l’educacion francés Jean-Michel Blanquer.
La vertat es que i a al Ministèri de l’Educacion de París una volontat evidenta de metre fin a l’ensenhament de la lenga nòstra.
D’autobuses per i anar
Lo CRÈO Tolosa organiza d’autobuses per se gandir a la manifestacion dels uèch departaments que cabon dins l’acadèmia de Tolosa. Atal se prepausarà d’autobuses a Albi, Castras, Sant Gaudenç, Aush - Samatan – l’Isla de Baish e tanben en Roergue. Lo prètz del viatge serà liure e se pagarà çò que se considerarà just.
L’ora es gravissima
“L’ora es gravissima”, çò explicava Jornalet lo president del CRÈO Tolosa, Nicolau Rei-Bèthvéder. “Pels provisors de licèu e principals dels collègis nos arriban los messatges del rectorat e del ministèri. Son clars: vòlon chaplar l’occitan en licèu e collègi dins los uèit departaments de l’acadèmia de Tolosa”, una de las onze subdivisions escolaras que cabon en Occitània dins l’estat francés.
L’acadèmia de Tolosa a mes fin a la dotacion especifica que finança l’occitan dins los collègis e licèus e daissa sens occitan gaireben 15 000 escolans. Tanben son pertocats una cinquantena d’ensenhaires d’occitan dins l’acadèmia mondina.
Dins la rèsta d’Occitània administrada per França, la situacion es pas melhora. Dins las acadèmias de Lemòtges, Clarmont e Grenòble, l’occitan dins los licèus e collègis es anecdotic. A Montpelhièr e Ais, l’occitan a fòrça reculat davant las atacas dels diferents rectors. D’anóncias de barraduras son estadas fachas en Provença ont lo rector se trufa “d’una lenga que se parla pas”. L’explicacion de la fin de l’occitan es lo pretèxt de la reforma Blanquer dels licèus. Lo 60% dels escolans del segondari es dins l’acadèmia de Tolosa.
L’occitan es tanben fòrt a Niça, mas patís fòrça la reforma mortifèra dels licèus. Lo quite cònsol màger, Christian Estrosi, a sasit lo ministre de l’educacion francés Jean-Michel Blanquer.
La vertat es que i a al Ministèri de l’Educacion de París una volontat evidenta de metre fin a l’ensenhament de la lenga nòstra.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Força gent meravelhosa defensora de la lenga occitana. Urrà !!!
#3
A l'ora onte ne sèm, vèsi pas cossi es possible qu'un posquessa anar botar un polça debàs cap a vostre comentarii e son ligam
#2 Qu'avetz tanben un debat nacionau Gilets Jaunes suu net e l'occitan qu'i ei present.
https://midi-pyrenees.plateforme-gilets-jaunes.fr/consultations/proposez-vos-revendications-votez/consultation/proposez-votez-debattez-sur-vos-revendications/opinions/pour-quelles-revendications-doit-on-se-battre-une-seule-revendication-par-proposition/pour-que-loccitan-devienne-une-langue-officielle-reconnue-et-enseignee-partout-en-occitania?
I pòdi pas anar.
Se cal bolegar sus la peticion e lo "grand débat" tanben. Es çò qu'ai fach.
Sul "débat" avèm pas cap d'illusion; emai se pòt parmar de propaganda macroniana: mas podèm pas mancar una sola escasença de nos exprimir.
Que v'espiaram de l'academia de Bordèu enlà, lavetz...Bona manifestacions, amics occitans!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari