Actualitats
Catalonha: polemica a causa de l’agent de la gàrdia civila que se trufa dels presonièrs politics
Un agent del cortègi que portava los presonièrs a Madrid enregistrèt e publiquèt un vidèo que se garçava dels presonièrs e dels manifestants
L’agent en question enregistrèt lo vidèo amb son mobil dins una de las forgonetas del cortègi que portava los presonièrs e lo publiquèt sus Twitter. Lo filmet mòstra los manifestants mentre que los agents se rison d’eles. Puèi sus Twitter apèlan los presonièrs “putschistas ultranazionalistas”.
La reaccion de la gàrdia civila es estada leugièra. An suspendut l’agent de sas foncions, mas non pas ni d’emplec ni de salari. Amb aquò, se mòstra que lo problèma es pas lo vidèo, mas lo fach que siá estat publicat.
Lo vidèo es totjorn sus Twitter:
Los golpistas ultranaZionalistas presos, parten hacia Madrid. Únicamente varias decenas de tristes, han acudido a despedirlos. Se acabaron los aquelarres junto a las carceles.
— Espíritu indomable (@Esprituindomab1) 1 de febrer de 2019
Beautiful!! #adeugolpistes
Freedom of #Catalonia from ultranationalists and secessionists pic.twitter.com/kb0gmYGfWH
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 e dens tots los cas, quiòc qu'es mòrt endebalas Garcia-Lorca, aquò solide. e la publicacion de mon vejaire e deu vòste dens aqueras paginas, aquò n'i cambia pas arren, praube.
#2 cada acte son jutjament, ce'm sembla...
vòli pas defénder aqueths gús, disi juste que me'n trufi de sas discutidas filmadas damb un telefonet (es lo ròtle de la zòna de comentaris, non ?) ; se mens.hidam plan que la flicalha ironiza de longa sus sas victimas, quand siin catalanistas, sendicalistas, vaganauts qu'an pas lo dreit de damorar dens l'estacion qu'avèn causida ende dromir, migrants qu'entrepachan de se desplaçar com vòlin...
prendi pas pausicion contre l'independentisme ni per las "fòrças de l'òrdra", mercés d'ensajar pas de me héser passar per quauqu'un mei, mercés tanben de pas héser shisclar la vòsta pseudo-sciéncia en invocant Garcia-Lorca a tot pip-pap, ende cercar legitimitat aus vòstes arguments.
aqueth article de premsa a baish prètz me sembla pas a sa plaça aquí. tòrni díder : quand lo debat politic se quilha ad aquesta hautor, a jo me balha lo racacòr. n'i a pas arren mei a mentàver dens lo monde, pas arren mei important a soscar que s'indignar de tres mòts d'un cònho en servici ?
som dens la societat de l'espectacle, i cabussam tot dia mei pregond, e aquò ven kafkaian per còps, ridicule e absolutament vuit de sens quand prenem un chic de recul. ensajatz per còps de livar lo cap dau guidon, s. Bardon, de quitar lo hiu de l'actualitat e lo monde de twitter etc.
la question catalana es un chic mei prigonda qu'açò, e defénder l'independentisme un chic mei complèxe que l'ofuscacion colectiva e lo belar gregari d'un ligòt uman branchat de longa sus son telefòne dit inteligent.
per la leiçon d'istòria e d'humanitat, mercés pasmens. sabi pas çò qu'an viscut los puples que disetz entre 36 e 76, anirèi a cercar sus wikipedia. me limiti a pais vasco, aragon e catalonha (semblatz pensar que la dictadura pertoquèt pas la rèsta de l'estat) ?
Lo pecaire se non ten ni l'ESO (Ensenhament Secundari Obligatori).
#1 Aicí, donc, segon vos, res a senhalar, tot es normal, ordinari, sense cap ombra pus mendre de causòta que non seriá remarcabla ? Es normal e ordinari que los membres de las fòrças de l'òrdre democaritic d'un estat membre d'Euròpa carregue e publique de vejaires e de punts de vista franquistas en tot impunitat, sense se far fotre defòra de son emplec ?
Sabètz, al mens, la vida meravelhosa, quièta e pasibla qu'an viscuda los ciutadans demoratas e progressistas entre 1936 e 1976, en Euskadí, Aragon e Païses Catalans, al mens ?
Sabètz qu'es la meteissa fòrma de "fòrças de l'òrdre" qu'an assassinat e sacat al carnièr de poètas non-violents coma Federico Garcia-Lorca, a costat de tantes autres republicans ?
A vos veire reagir aital, me dona lo sentiment que Garcia-Lorca es mòrt per res, e mon còr sagna pel sieu… E non èra un Catalan independentista, aqueste !
interessant, interessant.
enfin pas tròp ; s'i passa pas arren a Occitània ?
e aqueth garda civiu n'a pas dreit a son vejaire per que la premsa internacionala se'n hèci lo reclam de biaish trufandèc o arrautjat ?
l'espectacularizacion deu debat politic, sui pas segur que balhi las claus aus lectors ende comprénder lo monde, e puslèu lo contrari non ? quala amira per atau un article alara ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari