Actualitats
Rugbi de XIII: per Candelosa, lo grizzly demòra dins sa tuta
Nèu sus de pelenas anglesas e pluèja en Occitània e Catalonha: lo rugbi en version d’ivèrn èra a l’onor en aquesta primièra dimenjada de febrièr
Alan Roch
Elèit 1: Lo reviscolament de Lesinhan
Al Molin, lo dèrbi entre los locals e los limosencs, invincibles dempuèi la debuta de la sason, èra lo cap d’aficha de la jornada de campionat. Los limosencs faguèron illusion un quart d’ora. Se pensèt que los Grizzlies se congostarián d’adòba de singlars. Mas la partida virèt puèi a l’avantatge dels locals: lo grizzly s’èra aconsomit. Al planchòt final: 34-4 pels locals! Al repais d’avantpartida, se presentèt lo plan de la tribuna novèla (de tornar bastir aprèp l’incendi de l’estiu): una tribuna de fusta, sens cap de postèls per geinar la vision dels espectators. L’installacion de l’esclairatge permetrà lo debanament de partidas en nocturne.
D’autres Orses èran plan escarrabilhats. Calguèt, sus lor pelena de Sant Estève, un ensag dins la darrièra minuta e lo recors al punt en aur (ensag de Lucàs Albèrt) als Dragonets per batre Sent Gaudenç: 24-20.
A Domèc, jos una docha permanenta, Carcassona XIII e sos estrangièrs (lo papó Garry Lo, lo neozelandés Tony Tumusa e l’australian Jamie Anderson) marquèron un ensag dins lo primièr temps e tres dins lo segond per batre los Cavals Fòls de Palau: 20-0.
A Avinhon, los vesitaires de Vilanòva s’impausèron dins lo darrièr quart d’ora: 20-12.
Pas de partida entre Tolosa e Albi, que la municipalitat tolosana aviá interdit de jogar.
La dimenjada qu’arriba se jogaràn las partidas: Albi-Avinhon, Palau-Lesinhan, Limós-Tolosa, Vilanòva-Dragonets e Sent Gaudenç-Carcassona.
Super League: debuta negativa per Wigan e los catalans
La partida Saint Helens- Wigan dobrissiá dijòus de ser la sason de Superliga. Lo campion Wigan, ja penalizat de dos punts al classament per despassament de la massa salariala, demòra amb aquestes punts negatius aprèp la desfaita 22-12.
Los catalans s’afirmavan coma prèstes, mai que las annadas d’abans, aprèp una preparacion de tria. Los Tigres de Castleford los entornèron a la rason: abséncias en defensa, manca de realisme en ataca e desfaita 20-4.
A 6 segondas de la fin, Hull FC marquèt l’ensag decisiu per ganhar lo dèrbi contra Hull KR: 18-16. A Huddersfield, los Diables Roges de Salford mangèron tot crus los locals: 34-14.
Dissabte, lo doble finalista malaürós de la sason passada, Warrington dominèt Leeds: 26-6. Dimenge, lo nòuvengut, Londres (ont jòga lo fenolhedés Elòi Pelissièr), demostrèt que caldriá comptar amb el e que seriá pas la victima aisida anonciada: victòria fàcia a Wakefield: 42-24.
En cap d’aficha de la segonda jornada: Hull FC-Castleford se jogarà dijòus e Wigan-
Leeds divendres. Dissabte, a 6 oras del vèspre, los Dragons Catalans reçaupràn a Brutus los Gigants d’Huddersfield.
Championship: fals despart per Tolosa
Per la primièra partida de la sason de Championship, a Leigh, los Tolosans corriguèron long de la partida darrièr l’avantatge dels locals per pèrdre fin finala 24-16. A Rochdale, la pelena èra jos la nèu e la partida contra Dewsbury se joguèt pas. Dissabte, los occitans reçaupràn Widnes, davalat de Superliga, a Blanhac.
Alan Roch
Al Molin, lo dèrbi entre los locals e los limosencs, invincibles dempuèi la debuta de la sason, èra lo cap d’aficha de la jornada de campionat. Los limosencs faguèron illusion un quart d’ora. Se pensèt que los Grizzlies se congostarián d’adòba de singlars. Mas la partida virèt puèi a l’avantatge dels locals: lo grizzly s’èra aconsomit. Al planchòt final: 34-4 pels locals! Al repais d’avantpartida, se presentèt lo plan de la tribuna novèla (de tornar bastir aprèp l’incendi de l’estiu): una tribuna de fusta, sens cap de postèls per geinar la vision dels espectators. L’installacion de l’esclairatge permetrà lo debanament de partidas en nocturne.
D’autres Orses èran plan escarrabilhats. Calguèt, sus lor pelena de Sant Estève, un ensag dins la darrièra minuta e lo recors al punt en aur (ensag de Lucàs Albèrt) als Dragonets per batre Sent Gaudenç: 24-20.
A Domèc, jos una docha permanenta, Carcassona XIII e sos estrangièrs (lo papó Garry Lo, lo neozelandés Tony Tumusa e l’australian Jamie Anderson) marquèron un ensag dins lo primièr temps e tres dins lo segond per batre los Cavals Fòls de Palau: 20-0.
A Avinhon, los vesitaires de Vilanòva s’impausèron dins lo darrièr quart d’ora: 20-12.
Pas de partida entre Tolosa e Albi, que la municipalitat tolosana aviá interdit de jogar.
La dimenjada qu’arriba se jogaràn las partidas: Albi-Avinhon, Palau-Lesinhan, Limós-Tolosa, Vilanòva-Dragonets e Sent Gaudenç-Carcassona.
Super League: debuta negativa per Wigan e los catalans
La partida Saint Helens- Wigan dobrissiá dijòus de ser la sason de Superliga. Lo campion Wigan, ja penalizat de dos punts al classament per despassament de la massa salariala, demòra amb aquestes punts negatius aprèp la desfaita 22-12.
Los catalans s’afirmavan coma prèstes, mai que las annadas d’abans, aprèp una preparacion de tria. Los Tigres de Castleford los entornèron a la rason: abséncias en defensa, manca de realisme en ataca e desfaita 20-4.
A 6 segondas de la fin, Hull FC marquèt l’ensag decisiu per ganhar lo dèrbi contra Hull KR: 18-16. A Huddersfield, los Diables Roges de Salford mangèron tot crus los locals: 34-14.
Dissabte, lo doble finalista malaürós de la sason passada, Warrington dominèt Leeds: 26-6. Dimenge, lo nòuvengut, Londres (ont jòga lo fenolhedés Elòi Pelissièr), demostrèt que caldriá comptar amb el e que seriá pas la victima aisida anonciada: victòria fàcia a Wakefield: 42-24.
En cap d’aficha de la segonda jornada: Hull FC-Castleford se jogarà dijòus e Wigan-
Leeds divendres. Dissabte, a 6 oras del vèspre, los Dragons Catalans reçaupràn a Brutus los Gigants d’Huddersfield.
Championship: fals despart per Tolosa
Per la primièra partida de la sason de Championship, a Leigh, los Tolosans corriguèron long de la partida darrièr l’avantatge dels locals per pèrdre fin finala 24-16. A Rochdale, la pelena èra jos la nèu e la partida contra Dewsbury se joguèt pas. Dissabte, los occitans reçaupràn Widnes, davalat de Superliga, a Blanhac.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari