Actualitats
Macron reüssís a far aprovar la lei que restrenh lo drech de manifestacion
L’an sostenguda los Republicans, mas s’i son abstenguts cinquanta deputats de La Republica en Marcha, un fach inedit. Los partits d’esquèrra critican un atemptat contra la libertat e lo drech de manifestacion
Lo president francés, Emmanuel Macron, a obtengut que l’Assemblada Nacionala de son país apròve una lei que restrenh lo drech de manifestacion. Amb aquesta lei, nomenada “antitrencaires”, Macron respond a las manifestacions multitudinàrias dels Gilets Jaunes dels darrièrs meses. La lei l’a sostenguda lo partit drechista Los Republicans, mas a rescontrada l’abstencion de cinquanta deputats del partit de Macron, La Republica en Marcha, un fach inedit. Per contra, los partits d’esquèrra an criticat durament la lei perque pensan qu’es contrària a la libertat e un atemptat contra lo drech de manifestacion. Ara lo tèxt deu èsser aprovat al Senat e tornar a l’assemblada.
De s’amagar la cara serà un delicte
La lei prepausa de crear de fichièrs de manifestants e de far de cordons policièrs a l’entorn de las mobilizacions. Lo principal argument es que las manifestacions pacificas se devon poder far sens crànher de possibles afrontaments ni mai de violéncias. E mai, dona la facultat als prefèctes d’enebir de manifestacions a “cèrtas personas” amb un òrdre administratiu, e prevei de sancions d’un an de preson e 15 000 èuros de multa contra los manifestants que s’amagan la cara “sens cap de rason legitima”.
Lo govèrn de Macron argumenta que la lei enfortirà e garentirà lo mantenement de l’òrdre public pendent las manifestacions.
De s’amagar la cara serà un delicte
La lei prepausa de crear de fichièrs de manifestants e de far de cordons policièrs a l’entorn de las mobilizacions. Lo principal argument es que las manifestacions pacificas se devon poder far sens crànher de possibles afrontaments ni mai de violéncias. E mai, dona la facultat als prefèctes d’enebir de manifestacions a “cèrtas personas” amb un òrdre administratiu, e prevei de sancions d’un an de preson e 15 000 èuros de multa contra los manifestants que s’amagan la cara “sens cap de rason legitima”.
Lo govèrn de Macron argumenta que la lei enfortirà e garentirà lo mantenement de l’òrdre public pendent las manifestacions.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Ara han mostrat lo que son Macrona e los partits de dretas dels banquiers privats. Una colha de fachas explotadors dels trabalhadors. Visca los Gecs Jaunes !!!!!!!!!!
Camarades deputats,ministres e autres dirigeants, avetz pas compris.
çò que volam, quò es vòstre demission perque s'em norits de corupcion e de messonjas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari