Actualitats
Tolosa: crida a manifestar dimècres venent davant lo rectorat
Davant la supression de l’ensenhament de l’occitan, lo CRÈO Tolosa vòl una audiéncia amb la rectritz e convida totòm a manifestar “en bramant mai fòrt”
Mentre que tot s’aprèsta per la manifestacion del 17 de febrièr, Tolosa viurà dimècres venent un autre acamp de protèsta contra la supression de l’ensenhament de l’occitan dins l’educacion publica davant lo rectorat per aver una audiéncia amb la rectritz.
D’efièch, dimècres 13 de febrièr, lo rectorat de l’Acadèmia de Tolosa, una de las onze subdivisions escolaras que tòcan Occitània dins l’estat francés, aculhirà una amassada dels caps d’establiments, dels representants sindicals e dels directors academics dels servicis nomenats DASEN. Dins aqueste contèxt, la còla del Centre Regional dels Ensenhaires d’Occitan de Tolosa (CRÈO Tolosa) vòl una audiéncia amb la rectritz e convida totòm a manifestar davant lo rectorat “en bramant mai fòrt”.
Per tant, lo CRÈO Tolosa demanda d’invitar de parents, d’estudiants e qui que siá e de portar de drapèls occitans, de caçairòlas e de fiulets e de trompetas per far de rambalh.
Lo rendètz-vos es dimècres que ven, lo 13 de febrièr, a 14h davant lo rectorat de Tolosa. Al numèro 75 de la Carrièra de Sant Ròc.
D’efièch, dimècres 13 de febrièr, lo rectorat de l’Acadèmia de Tolosa, una de las onze subdivisions escolaras que tòcan Occitània dins l’estat francés, aculhirà una amassada dels caps d’establiments, dels representants sindicals e dels directors academics dels servicis nomenats DASEN. Dins aqueste contèxt, la còla del Centre Regional dels Ensenhaires d’Occitan de Tolosa (CRÈO Tolosa) vòl una audiéncia amb la rectritz e convida totòm a manifestar davant lo rectorat “en bramant mai fòrt”.
Per tant, lo CRÈO Tolosa demanda d’invitar de parents, d’estudiants e qui que siá e de portar de drapèls occitans, de caçairòlas e de fiulets e de trompetas per far de rambalh.
Lo rendètz-vos es dimècres que ven, lo 13 de febrièr, a 14h davant lo rectorat de Tolosa. Al numèro 75 de la Carrièra de Sant Ròc.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Uèi es lo jorn J, lo dia D: i pòdi pas anar mas espèri una bona capitada. Lo Blanquer a començat de bolegar un pauc las linhas, mas pel moment es pas que per nos enfumar.
Lo que fa l'estat francès es un genocidi cultural ,un horror, una salvatjada. Lo Diéu dels Catars qu' es lo mateis qu' els dels catòlics e cristians, nos ajudarà a que la lenga nostra mori pas e sia salvada per la luita dels occitans conscient e cultes que la defensan amb vam.
#3 L'un n'empacha pas l'aute. Mes i a quinze dias, qu'i demorèm tota la vrespada, alavetz que'ns vagarà de har petar los tons petards E de cantar drin s'ei parièr :-)
Non, es pas per far un concert ! Cal portar de fotrals de petards e tanben de fumigens se vos volètz far ausir dins los bastiments !!!
Que prenerèi l'armonica e la guitarra. Cau portar de qué har brut :-)
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari