Actualitats
L’aranés Emílio Medan nomenat membre del Forum Civic e Social pel Debat Constituent
L’organisme que deu elaborar las basas constitucionalas de la nòva republica compren ara lo cònsol màger de Les per téner compte del fach binacional occitanocatalan
S’es creat en Catalonha lo Forum Civic e Social pel Debat Constituent, presidit per Lluís Llach. L’organisme a la tòca “d’elaborar las basas constitucionalas del futur politic de Catalonha a partir dels debats de ciutadans realizats sus tot lo territòri”. Per lo menar a bon tèrme s’es creat un conselh assessor qu’es constituit de representants de divèrsas sensibilitats politicas e nacionalas. Lo fach nacional occitan d’Aran es assegurat amb la nominacion al conselh d’Emílio Medan, cònsol màger de Les (Quate Lòcs).
Segon Lluís Llach, après una primièra fasa de participacion ciutadana, quand l’organisme serà integrat per qualques milièrs de ciutadans e tanben quand las basas constitucionalas seràn creadas, “se liurarà a las fòrças politicas que deuràn convocar una Assemblada o un Parlament Constitutiu”.
L’organisme entamenarà son prètzfach en doas fasas . La primièra començarà l’estiu venent amb l’organizacion sus tot lo territòri de debats ciutadans amb lo collectatge dels avises e de las contribucions dels ciutadans. Dins la segonda fasa, se bastirà un pache nacional pel debat constituent amb la participacion de las associacions, de las organizacions e dels collectius pus significatius de la societat.
Una republica binacionala occitanocatalana
Lo vejaire que Medan pòrta dins aquel conselh es qu’Aran fa pas partida de la nacion catalana, mas de l’occitana, e que per tant la nòva republica que s’es a bastir deu èsser binacionala.
Interrogat per Jornalet l’11 de setembre passat, Medan nos expliquèt qu’a son vejaire “Aran ei ua auta nacion [a respècte de Catalonha] que forme part de çò qu’aué administratiuament se coneishe coma era comunitat autonòma catalana, mès son dos pòbles diferents”.
A prepaus del ròtle d’Aran dins una nòva republica independenta, defendèt lo drech dels araneses a decidir lor avenir: “Eth pròpri Parlament de Catalonha aprovèc ena Lei d’Aran qu’es aranesi en aqueth moment, en moment que Catalonha se constituisque en un estat independent, auràn era possibilitat de decidir se vòlen formar part d’aquera republica binacionau o vòlen hèr ua auta causa que se les pogue proposar”, çò precisèt.
Medan es un dels impulsors del Manifèst de Les, presentat a Vielha en agost de 2017 amb la preséncia de Jordi Turull, qu’es ara un dels nòu presonièrs politics catalans. Aquel manifèst reclamava que las institucions aranesas s’engatgèsson mai pel referendum d’independéncia del 1r d’octòbre per la sobeiranetat plena d’Aran.
Coma cònsol màger de Les, Medan foguèt perseguit en justícia per aver sostengut lo referendum d’independéncia lo 1r d’octòbre.
Un organisme multicolòr
En mai d’Emílio Medan e de son president Lluís Llach, lo burèu del Forum Civic e Social pel Debat Constituent es compausat de politicians e intellectuals sortits de totas las sensibilitats independentistas o d’esquèrra coma Marta Rovira, Jordi Domingo, Antonio Baños, Carmina Castellví, Albano Dante Fachin, Jaume López, Angels Martínez, Albert Noguera, Montserrat Palau, Miquel Puig, Gabriela Serra, Beatriz Talegón, Ada Ferrer, Francina Alsina, Josep M. Ganyet, M. Dolors Feliu, e Montserrat Castellà.
La deputada aranesa al Parlament de Catalonha, Anna Geli, a manifestat sus Twitter son gaug de la nominacion de Medan:
Segon Lluís Llach, après una primièra fasa de participacion ciutadana, quand l’organisme serà integrat per qualques milièrs de ciutadans e tanben quand las basas constitucionalas seràn creadas, “se liurarà a las fòrças politicas que deuràn convocar una Assemblada o un Parlament Constitutiu”.
L’organisme entamenarà son prètzfach en doas fasas . La primièra començarà l’estiu venent amb l’organizacion sus tot lo territòri de debats ciutadans amb lo collectatge dels avises e de las contribucions dels ciutadans. Dins la segonda fasa, se bastirà un pache nacional pel debat constituent amb la participacion de las associacions, de las organizacions e dels collectius pus significatius de la societat.
Una republica binacionala occitanocatalana
Lo vejaire que Medan pòrta dins aquel conselh es qu’Aran fa pas partida de la nacion catalana, mas de l’occitana, e que per tant la nòva republica que s’es a bastir deu èsser binacionala.
Interrogat per Jornalet l’11 de setembre passat, Medan nos expliquèt qu’a son vejaire “Aran ei ua auta nacion [a respècte de Catalonha] que forme part de çò qu’aué administratiuament se coneishe coma era comunitat autonòma catalana, mès son dos pòbles diferents”.
A prepaus del ròtle d’Aran dins una nòva republica independenta, defendèt lo drech dels araneses a decidir lor avenir: “Eth pròpri Parlament de Catalonha aprovèc ena Lei d’Aran qu’es aranesi en aqueth moment, en moment que Catalonha se constituisque en un estat independent, auràn era possibilitat de decidir se vòlen formar part d’aquera republica binacionau o vòlen hèr ua auta causa que se les pogue proposar”, çò precisèt.
Medan es un dels impulsors del Manifèst de Les, presentat a Vielha en agost de 2017 amb la preséncia de Jordi Turull, qu’es ara un dels nòu presonièrs politics catalans. Aquel manifèst reclamava que las institucions aranesas s’engatgèsson mai pel referendum d’independéncia del 1r d’octòbre per la sobeiranetat plena d’Aran.
Coma cònsol màger de Les, Medan foguèt perseguit en justícia per aver sostengut lo referendum d’independéncia lo 1r d’octòbre.
Un organisme multicolòr
En mai d’Emílio Medan e de son president Lluís Llach, lo burèu del Forum Civic e Social pel Debat Constituent es compausat de politicians e intellectuals sortits de totas las sensibilitats independentistas o d’esquèrra coma Marta Rovira, Jordi Domingo, Antonio Baños, Carmina Castellví, Albano Dante Fachin, Jaume López, Angels Martínez, Albert Noguera, Montserrat Palau, Miquel Puig, Gabriela Serra, Beatriz Talegón, Ada Ferrer, Francina Alsina, Josep M. Ganyet, M. Dolors Feliu, e Montserrat Castellà.
La deputada aranesa al Parlament de Catalonha, Anna Geli, a manifestat sus Twitter son gaug de la nominacion de Medan:
Me represente tota aguesta taula. Especiaument damb era participación deth baile mès valent e comprometut dera #ValdAran tamb eth dret d’autodeterminacion! Gràcies @EmilioMedanAne! #VotarNonEiDelicte ! https://t.co/2h7pgRHDaX
— Anna Geli (@geli_anna) 8 de febrer de 2019
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Be! Tots a remar cap al nostre objectiu, la llibertat, el mateix que volen els Aranesos,
Si tothom a Cat. s'unís , i si a Occitània fes el mateix, com guanyaríem!
Visca la Terra...Lliure!
L'Ernest, "El Tàrrega".
E non fa longtemps, demandavetz encara se segon los vòstres lectors, Catalunya respectava l'occitan o non ! Imaginatz, lectors, un fait constitucional de tala mena, dins l'imperium francés (de dreita o d'esquèrra) ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari