Despí ’o 1982, cada doas ò tres annaias, l’Académie des Langues Dialectales de Monaco organisa un collòqui lingüistic a Mónego que tracta de l’espaci dai lengas romanicas en general e dau monegasco (vesin dau ligurian) e de l’occitan en particular.

Aquesta annaia, vaicí ’o programa dai comunicacions dau 14en collòqui que si debanèt ’o sabta 24 de novembre de 2012 sala dau Ponant, Centre de Rencontres Internationales (Teatre Princesse Grace), 12 avengua d’Ostende a Mónego.

Dins’a matinaa, Passet Claude, Secretari general dubriguèt  ’o collòqui, presentacion dau site Internet de l’Acadèmia e dau novel obratge de Mma. Paulette Cherici-Porello (Mantenaira dau Felibrige).
 
MMmmas. Mollo Eliane e Salvo Dominique presentèron “‘O monegasco e’us multimèdias seguit d’intervencions de MM. Bon Dominique, Carrasco Jean-François e Maggi Stéphane.
 
Betti Steve parlèt dau Niçard e dai multimèdias.
 
Mma. Diemoz Federica parlèt de l’Educacion e dubertura ai lengas patrimonialas.
 
M. Ranucci Jean-Claude parlèt d’a Lenga d’Òc administrativa dau mitan dau sègle XVI a travers ’us documents comunals d’a Bolèna-Vesubiá (Val d’a Vesubiá).
 
M. Gasiglia Rémy faguèt de Remarcas sus ’o dialecte niçard a ’a fin dau sègle XVII partent de doas cançons inedichas de 1696.
 
M. Kristol Andrès presentèt  ’o francoprovençal e l’atge dai fragmentacions dialectalas das espacis galo-romans:’o testimòni toponimic.
 
L’après-disnar, Mma. Audo Gianotti Silvia parlèt de Dario Fo entre “grommelot” e dialecte: ’o joglar d’un Prèmi Nobel.
 
Mma. Berengier Pierrette presentèt  ‘o trabalh de mesa a jorn dau Trésor du Félibrige per ’o Conselh de l’Escrich Mistralenc, en vista d’una version informatisaia
 
M. Bouvier Jean-Claude parlèt de Ce qu’apren’a dialectologia sus’ a formacion dai plurals en -ei/-i en provençal.
 
M. Forner Werner parlèt dai conjugasons “Cantema cantama”.
 
M. Revest Laurenç presentèt ’Ai caracteristicas linguisticas de l’occitan alpin (ò gavòt) maritime d’a Vesubiá, dau sud d’a Tiniá, d’a meiana valaia dau Var e d’Esteron.
 
En demai, M. Carrera i Baiget Aitor presentèt Una question fonetica entre ’o gascon e ’o lengadocian. ’A protèsi de [a] denant R- en occitan dau Val d’Aran e dau Comenge aut vesin.
 
Per mai d’infos, www.ald-monaco.org e info@ald-monaco.org
 
 
 
 
Roman Rocabruna