Actualitats
ETA a prepausat la siá dissolucion definitiva en contrapartida de parlar dels presonièrs e de l’agenda de dialòg
La banda a emés un comunicat un an après lo cessament definitiu de l’activitat armada e a dich qu’a ja mandat la proposicion als govèrns espanhòl e francés
Lo grop armat ETA a fach una ofèrta als govèrns espanhòl e francés pel desarmament definitiu, per mejan d’un comunicat que se publiquèt ièr, dimenge, dins lo jornal Gara e que lo jornal numeric Naiz.infoavancèt dissabte. La banda prepausa, en contrapartida de la dissolucion definitiva, de parlar de tres questions: “Las formulas e de tèrmes per far tornar a l’ostal totes los presonièrs e exiliats politics bascos; las formulas e de tèrmes del desarmament; la dissolucion de las estructuras armadas e la desmilitarizacion del Bascoat”.
ETA a dich que tant Madrid coma París an “coneissença exacta” de la proposicion e de l’engatjament de la banda, e apond que son prèstes a “escotar e analisar” las proposicions dels dos govèrns.
ETA a dich que tant Madrid coma París an “coneissença exacta” de la proposicion e de l’engatjament de la banda, e apond que son prèstes a “escotar e analisar” las proposicions dels dos govèrns.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#4 Se ETA a pas comprés que lo monde a cambiat aquò vòl dire que i aguèt un moment, abans, ont ETA era plan una armada de liberacion de la dictatura franquista (discuti pas aquí de la legitimitat de la violència, es pas lo sicut). E se Espanha s'es tornat un país democratic es perque ETA desembarrassèt los espanhòls del opusdeista Carrero Blanco, garantia de la continitat del franquisme aprèp la mòrt del dictator.
adixatz a tots ,que sòi estonat de veger que, eths leguidors d'aqueste jornal e son tots anarquistas o d'extrema gaucha o quauqu'arren atau , que m'expliqui eths comentaris qu'èi leguit que troban ETA ua bona causa tàth pais Basco e que seré ua armada de liberacion nacionau pensi que non saben pas çò qu'ei ETA .Qu'ei ua banda de tuaires qui vòn imposar ara societat Basca eth comunisme arrevolucionari e tàd aquerò qu'an tuat 829 personas deras quaus mainats bèths a uns que son estats handicapats pera vita ,entà financià's qu'an emplegat metòdes de mafia qu'ei a diser extòrssion de monèda e ath briu deth temps que son devenguts fonccionaris deth terrorisme qui an tuat entreprenaires qui balhavan tribalhs a hèra de monde e qui non volevan pas pagar eth impòst arrevolucionari imposat per aquesta banda de mauhasents .ETA n'a pas compres qu'eth monde avè cambiat ,qu' Espanha èra devenguda ua democracia e qu'eth pais Basco qu'avè ua autonomia era mes grana d'Euròpa ,si nosautis en occitania o en gasconha avèvam ua libertat coma era deths Bascos que serem plan urós .De tota faiçon n'i a pas nada arrasons politica ath dia de uei qui posca justificar de tuar .Que v'èi a diser qu'era sola causa que posca hèr ETA qu'ei de arrender eras armas e de dispareixer a james.
Ieu, prepausi la dissolucion de las armadas francesas e espanhòla en contrapartida a la dissolucion de l'armada de liberacion nacionala basca…
E tanben prepausi l'interdiccion e la penalizacion per tot partit politic qu'aja un jorn o l'autre sostengut lo GAL, amb extradicion immediata dels actors politics colpables sus la planèta Pluton ont seràn jutjat per la autoritats competentas. E per tornar a l'ostal en cas d'aquitament, que se petancen tot solets !
Perqué utilizar lo terme "banda" qu'ei hèra pejoratiu, ETA qu'ei un movement de liberacion nacionau. Que seré plan de non pas usar deus mots deus Espanholistas.
nada proposicion ni dera part de madrid tanpòc de paris eths qui an tuat en preson e no cau pas sonejar totun desmilitarisacion deth pais Basco eth pais Basco qu'ei un lòc d'Espanha desempuix tostemps ETA qu' a perdu era partida era sola causa que pòt hèr qu'ei era sua dissolucion ,arrender totas eras suas armas e dispareixer a tot james.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari