Actualitats
Es lèst lo primèr numèro de la revista de Jornalet en papièr
Conten una seleccion dels melhors articles publicats long de sas primèras sèt annadas e abans de decidir se ne farem estampar 500 exemplars o 1000, aviam una campanha de micromecenatge a la faiçon d’una prevenda
Es lèst lo primièr numèro de la revista en papièr que i cap una seleccion dels melhors articles publicats per Jornalet, long de sas primièras sèt annadas, 2012-2018. Al total, la revista compta 84 paginas ont se tròba doas informacions de cada an, una de nacionala e una d'internacionala, sèt entrevistas e catòrze articles d'opinion. Escricha en una lenga de qualitat, la revista conten d'articles en totes los dialèctes occitans.
Per far la seleccion avèm pres en compte las avaloracions dels legeires, los comentaris e los nombres de vesitas.
La revista la mandarem gratuitament a totas las gents qu'an sostengut Jornalet. Se’n prevei un exemplar per totes aqueles qu'an fach un don o son de sòcis de las associacions que mantenon lo jornal numeric occitan, es a dire los Amics del Jornalet del costat nòrd dels Pirenèus, e l'ADÒC del costat sud.
Lo prètz de venda al public es de 10 èuros. E ara, abans de decidir se ne farem estampar 500 exemplars o 1000, aviam una campanha de micromecenatge a la faiçon d’una prevenda. Se sèm pro de mond per ne reservar un exemplar, farem virar la rotativa fins qu'ajam estampat un milièr d'exemplars. Cresèm qu'es un document que totes los amoroses de la lenga occitana voldràn aver, e per aquela rason entamenam aquesta campanha.
Detalh de l'interior:
Ensenhador:
Per far la seleccion avèm pres en compte las avaloracions dels legeires, los comentaris e los nombres de vesitas.
La revista la mandarem gratuitament a totas las gents qu'an sostengut Jornalet. Se’n prevei un exemplar per totes aqueles qu'an fach un don o son de sòcis de las associacions que mantenon lo jornal numeric occitan, es a dire los Amics del Jornalet del costat nòrd dels Pirenèus, e l'ADÒC del costat sud.
Lo prètz de venda al public es de 10 èuros. E ara, abans de decidir se ne farem estampar 500 exemplars o 1000, aviam una campanha de micromecenatge a la faiçon d’una prevenda. Se sèm pro de mond per ne reservar un exemplar, farem virar la rotativa fins qu'ajam estampat un milièr d'exemplars. Cresèm qu'es un document que totes los amoroses de la lenga occitana voldràn aver, e per aquela rason entamenam aquesta campanha.
Detalh de l'interior:
Ensenhador:
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Gniiiiiiii !
#9 E ben, precisament, lo melhor mejan d'obténer un exemplar es de soscrire a https://www.totsuma.cat/projecte/1685/ajudatz-nos-a-aumentar-lo-tiratge-de-jornalet-en-papier-en-reservant-vostres-exemplars
Grandmercé per vòstre interès!
felicitacions .Contunhatz dins aquèla dralha . Ont se cal adreçar per lo crompar ?
Un concentrat de falses occitanistas egocentrics sul papièr levat qualqu'uns, quina chança ! E utile, volètz pas far en luòc de demandar un còp de mai d'argent al monde que n'an pas cap ?
Bona iniciatiua.
Felicitacions per aguesti sèt ans.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari