Actualitats
Pas d'Occitània sens occitan
L'occitanisme manifèsta uèi a Tolosa per salvar l'occitan dins l'educacion publica
Tolosa aculhís uèi una granda manifestacion per la lenga occitana, après que l’administracion francesa a mostrat sa volontat de suprimir la lenga nòstra de l’educacion publica. La crida a manifestar a lo sosten majoritari de l’occitanisme e es previst que fòrça mond de pertot en Occitània, dels Alps als Pirenèus, se recampen uèi tre 14h jos lo lèma “Pas d’Occitània sens occitan”.
Lo cortègi partirà a 14h de la plaça del Capitòli e passarà per la Carrièra de la Poma, la Plaça de Sant Jòrdi, la Carrièra Bolbona e la Plaça de Sant Estève. Aquí se depausarà una crida a la prefectura. Puèi contunharà per la carrièra de Mètz, la Carrièra d’Alsàcia-Lorena, la Carrièra Lafaieta e finirà tornarmai al Capitòli.
Alidé Sans, Coriandre e fòrça autres artistas
Durant lo cortègi, un camion sonorizat portarà la musica en dirècte del grop Coriandre. Tanben i aurà la batucada de Les Souris Volantes, d’esquilaires de Comenge, de jogaires de clarin e d’autbòi, e de grailaires albigeses e tolosans.
A la fin de la manifestacion, après lo parladís e la cantada comuna de l’imne occitan, i aurà d’animacions musicalas d’Alidé Sans e Paulin Cortial, Coriandre, Brancaleone,
D’autres artistas plan coneguts an donat lor sosten a la manifestacion dont lo cantador Francis Cabrel, Mouss e Hakim del grop Zebda, Eric Carrière e Francis Ginibre dels Chevaliers du Fiel, Matthis Lebel de l’Stade Toulousain, lo cantador Pierre Perret, lo president de la Liga de Rugbi d’Occitània Alain Doucet, Fred Testot d’Omar & Fred e l’escrivan e escultaire Pierre Bergounioux.
Sosten dels elegits
Qualques elegits an anonciat lor preséncia a la manifestacion dont l’eurodeputat ecologista roergàs José Bové. Tanben i seràn presents los conselhièrs regionals Gérard Onesta, M. Aude Lumeau Perceptis e Patric Roux; e lo conselhièr departamental Bernard Bagnéris. De son caire, Jean-Michel Lattes de la comuna de Tolosa assistirà en representacion del cònsol màger, Jean-Luc Moudenc. I aurà tanben qualque representant del Conselh General d’Aran.
E mai, l’organizacion a recebut fòrça letras de sosten de senators, deputats, cònsols màgers e d’autres elegits occitans, e mai que mai de parents d’escolans e d’ancians escolans. De soslinhar que la presidenta regionala Carole Delga recebrà una delegacion dels ensenhaires lo 4 de març que ven.
Gaireben tot l’occitanisme crida a manifestar
La protèsta es organizada pel Centre Regional dels Ensenhaires d’Occitan de Tolosa (CRÈO Tolosa) amb lo supòrt de la Federacion de las Calandretas e de la Federacion dels Ensenhaires de Lenga e Cultura d’Òc (FÈLCO). En mai d’aquò cridan a manifestar un fum de collectius occitanistas dont l’Institut d’Estudis Occitans (IEO), lo PNO, Libertat, lo Partit Occitan, Bastir Occitània, Òc-Bi, Felibritge Mantenença Lengadòc, Assemblada Occitana, Convergéncia Occitana, Ostau Biarnés, Ostau Comengés, Carnaval Gascon, Escota e Minja, Païs de Catinou, Lo Congrès Permanent de la Lenga Occitana, CCOR, Cap a l’Òc, ADÒC, CAÒC, Jornalet, Òc Malhòrca, Aquí l’òc, Felibritge mantenença Gasconha Naut Lengadòc, CÈLO, SFAIEO, Caminòc, l’Institut d’Estudis Aranesi-Acadèmia Aranesa dera lengua occitana e la Direccion Generala de la Politica Lingüistica de la Generalitat de Catalonha.
Finançament participatiu
Per finançar l’organizacion de la manifestacion, e las divèrsas accions que mena a bon tèrme lo CRÈO Tolosa per reconquerir los mejans especifics per l’ensenhament de l’occitan, s’es aviat un finançament participatiu. Trantalhetz pas per far vòstre don sul sit OkPal.
D’autobuses
L’organizacion a mes en plaça d’autobuses per i anar, e atal arriban uèi a Tolosa de buses procedents de las vilas d’Albi, Castras, Fois, Montalban, Montpelhièr, Sant Africa... e de las encontradas d’Armanhac, Bearn, Bigòrra, Carcin ,Comenge, Savés. En Catalonha s’es organizat de coveituratges.
L’ora es gravissima
“L’ora es gravissima”, çò explicava a Jornalet lo president del CRÈO Tolosa, Nicolau Rei-Bèthvéder. “Pels provisors de licèu e principals dels collègis nos arriban los messatges del rectorat e del ministèri. Son clars: vòlon chaplar l’occitan en licèu e collègi dins los uèit departaments de l’acadèmia de Tolosa”, una de las onze subdivisions escolaras que cabon en Occitània dins l’estat francés.
L’acadèmia de Tolosa a mes fin a la dotacion especifica que finança l’occitan dins los collègis e licèus e daissa sens occitan gaireben 15 000 escolans. Tanben son pertocats una cinquantena d’ensenhaires d’occitan dins l’acadèmia mondina.
Dins la rèsta d’Occitània administrada per França, la situacion es pas melhora. Dins las acadèmias de Lemòtges, Clarmont e Grenòble, l’occitan dins los licèus e collègis es anecdotic. A Montpelhièr e Ais, l’occitan a fòrça reculat davant las atacas dels diferents rectors. D’anóncias de barraduras son estadas fachas en Provença ont lo rector se trufa “d’una lenga que se parla pas”. L’explicacion de la fin de l’occitan es lo pretèxt de la reforma Blanquer dels licèus. Lo 60% dels escolans del segondari es dins l’acadèmia de Tolosa.
L’occitan es tanben fòrt a Niça, mas patís fòrça la reforma mortifèra dels licèus. Lo quite cònsol màger, Christian Estrosi, a sasit lo ministre de l’educacion francés Jean-Michel Blanquer.
La vertat es que i a al Ministèri de l’Educacion de París una volontat evidenta de metre fin a l’ensenhament de la lenga nòstra.
Lo cortègi partirà a 14h de la plaça del Capitòli e passarà per la Carrièra de la Poma, la Plaça de Sant Jòrdi, la Carrièra Bolbona e la Plaça de Sant Estève. Aquí se depausarà una crida a la prefectura. Puèi contunharà per la carrièra de Mètz, la Carrièra d’Alsàcia-Lorena, la Carrièra Lafaieta e finirà tornarmai al Capitòli.
Alidé Sans, Coriandre e fòrça autres artistas
Durant lo cortègi, un camion sonorizat portarà la musica en dirècte del grop Coriandre. Tanben i aurà la batucada de Les Souris Volantes, d’esquilaires de Comenge, de jogaires de clarin e d’autbòi, e de grailaires albigeses e tolosans.
A la fin de la manifestacion, après lo parladís e la cantada comuna de l’imne occitan, i aurà d’animacions musicalas d’Alidé Sans e Paulin Cortial, Coriandre, Brancaleone,
D’autres artistas plan coneguts an donat lor sosten a la manifestacion dont lo cantador Francis Cabrel, Mouss e Hakim del grop Zebda, Eric Carrière e Francis Ginibre dels Chevaliers du Fiel, Matthis Lebel de l’Stade Toulousain, lo cantador Pierre Perret, lo president de la Liga de Rugbi d’Occitània Alain Doucet, Fred Testot d’Omar & Fred e l’escrivan e escultaire Pierre Bergounioux.
Sosten dels elegits
Qualques elegits an anonciat lor preséncia a la manifestacion dont l’eurodeputat ecologista roergàs José Bové. Tanben i seràn presents los conselhièrs regionals Gérard Onesta, M. Aude Lumeau Perceptis e Patric Roux; e lo conselhièr departamental Bernard Bagnéris. De son caire, Jean-Michel Lattes de la comuna de Tolosa assistirà en representacion del cònsol màger, Jean-Luc Moudenc. I aurà tanben qualque representant del Conselh General d’Aran.
E mai, l’organizacion a recebut fòrça letras de sosten de senators, deputats, cònsols màgers e d’autres elegits occitans, e mai que mai de parents d’escolans e d’ancians escolans. De soslinhar que la presidenta regionala Carole Delga recebrà una delegacion dels ensenhaires lo 4 de març que ven.
Gaireben tot l’occitanisme crida a manifestar
La protèsta es organizada pel Centre Regional dels Ensenhaires d’Occitan de Tolosa (CRÈO Tolosa) amb lo supòrt de la Federacion de las Calandretas e de la Federacion dels Ensenhaires de Lenga e Cultura d’Òc (FÈLCO). En mai d’aquò cridan a manifestar un fum de collectius occitanistas dont l’Institut d’Estudis Occitans (IEO), lo PNO, Libertat, lo Partit Occitan, Bastir Occitània, Òc-Bi, Felibritge Mantenença Lengadòc, Assemblada Occitana, Convergéncia Occitana, Ostau Biarnés, Ostau Comengés, Carnaval Gascon, Escota e Minja, Païs de Catinou, Lo Congrès Permanent de la Lenga Occitana, CCOR, Cap a l’Òc, ADÒC, CAÒC, Jornalet, Òc Malhòrca, Aquí l’òc, Felibritge mantenença Gasconha Naut Lengadòc, CÈLO, SFAIEO, Caminòc, l’Institut d’Estudis Aranesi-Acadèmia Aranesa dera lengua occitana e la Direccion Generala de la Politica Lingüistica de la Generalitat de Catalonha.
Finançament participatiu
Per finançar l’organizacion de la manifestacion, e las divèrsas accions que mena a bon tèrme lo CRÈO Tolosa per reconquerir los mejans especifics per l’ensenhament de l’occitan, s’es aviat un finançament participatiu. Trantalhetz pas per far vòstre don sul sit OkPal.
D’autobuses
L’organizacion a mes en plaça d’autobuses per i anar, e atal arriban uèi a Tolosa de buses procedents de las vilas d’Albi, Castras, Fois, Montalban, Montpelhièr, Sant Africa... e de las encontradas d’Armanhac, Bearn, Bigòrra, Carcin ,Comenge, Savés. En Catalonha s’es organizat de coveituratges.
L’ora es gravissima
“L’ora es gravissima”, çò explicava a Jornalet lo president del CRÈO Tolosa, Nicolau Rei-Bèthvéder. “Pels provisors de licèu e principals dels collègis nos arriban los messatges del rectorat e del ministèri. Son clars: vòlon chaplar l’occitan en licèu e collègi dins los uèit departaments de l’acadèmia de Tolosa”, una de las onze subdivisions escolaras que cabon en Occitània dins l’estat francés.
L’acadèmia de Tolosa a mes fin a la dotacion especifica que finança l’occitan dins los collègis e licèus e daissa sens occitan gaireben 15 000 escolans. Tanben son pertocats una cinquantena d’ensenhaires d’occitan dins l’acadèmia mondina.
Dins la rèsta d’Occitània administrada per França, la situacion es pas melhora. Dins las acadèmias de Lemòtges, Clarmont e Grenòble, l’occitan dins los licèus e collègis es anecdotic. A Montpelhièr e Ais, l’occitan a fòrça reculat davant las atacas dels diferents rectors. D’anóncias de barraduras son estadas fachas en Provença ont lo rector se trufa “d’una lenga que se parla pas”. L’explicacion de la fin de l’occitan es lo pretèxt de la reforma Blanquer dels licèus. Lo 60% dels escolans del segondari es dins l’acadèmia de Tolosa.
L’occitan es tanben fòrt a Niça, mas patís fòrça la reforma mortifèra dels licèus. Lo quite cònsol màger, Christian Estrosi, a sasit lo ministre de l’educacion francés Jean-Michel Blanquer.
La vertat es que i a al Ministèri de l’Educacion de París una volontat evidenta de metre fin a l’ensenhament de la lenga nòstra.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo chovinet amb las sevas ideas esterminadoras de culturas tan importanta coma la dels trobadors, ja los hagués agradat a els los de la França del Nord haver estat tan importants, la lenga de la poesia de tota europa era la lenga d'Oc. Aital Chovinets arrestat-vos de tuar e aprenets e respectats las lengas de l'estat. Siats pas ignorants que las culturas son un patrimoni de tots. Macrona es pas un chovinet ,senon qu' un petenista collaboracionista dels banquiers .
Èrem 5000.
Aquesta setmana parlavatz de Franz FANON, qu'estudièt lo patiment deus colonisats .
Sabetz, a las Antilhas , lo país de Fanon , s'enten pas briga lo ''qué vòs, praubòt , es atau e atau qu'es !'' com sovent a nòste .
Quora una dificultat espotis lo monde , la replica es fièra :
" kenbé red, pa moli , paske sé moli la ki red"
= Ten redde, ne t'amolis pas, pr'amor que s 'amolir , ven mei maishant enqüera."
Lavetz , nosauts tanben , nos fau coratge , téner redde , ne pas jamei acceptar d'èster umiliats, mespresats atau. '' Ten te fièr '' se deu díser cada occitan.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari