Jos lo lèma “L’autodeterminacion es pas un delicte”,  qualques centenats de milièrs de personas manifestèron ièr a Barcelona per denonciar lo jutjament que se debana a Madrid contra los presonièrs politics catalans. La mobilizacion seguissiá la crida de las principalas associacions sobeiranistas e de totes los partits independentistas e mai de Catalonha en Comun. Tanben los sindicats majoritaris avián cridat a manifestar.
 
Las primièras jornadas del jutjament, retransmesas a la television, an mostrat per ara que se tracta d’un jutjament politic, ara que se son exprimits los arguments de la defensa e los de l’acusacion portats per lo ministèri public, lo procuraire de l’estat e lo partit ultradrechista Vox, e ara qu’an testimoniat Oriol Junqueras e Quim Forn.
 
Dins los primièrs jorns dels jutjaments i aguèt ja de protèstas e de caumas. E après la reüssida de la manifestacion de ièr s’anóncia plusors jornadas de mobilizacions. Seguirà ara una cauma generala lo 21 de febrièr e una manifestacion a Madrid lo 16 de març.
 

Ho hem tornat a fer. Sèneca li va dir a Neró: "El teu poder radica en la meva por, i si jo ja no tinc por, tu ja no tens poder". I nosaltres ja hem perdut la por! #JoAcuso#AutodeterminacióNoÉsDelictepic.twitter.com/mGLJzUCXDW

— Jordi Cuixart (@jcuixart) 16 de febrer de 2019

 

Era autodeterminacion non ei un delicte. Hèm ací per toti vosati e tanben pes que vieran! #LibertatPresoèrsPoliticseExiliatspic.twitter.com/J7TfEd6LBg

— Anna Geli  (@geli_anna) 16 de febrer de 2019

 

Aué es carrèrs de Barcelona s’an aumplit de dignitat e fermesa, coma tostemps hèm, pacíficaments, còntra eth #JudiciDeLaVergonya#AutodeterminacionNonEiDelicte#AutodeterminacióNoÉsDelicte#CapALaIndependència#21FVagaGeneral#SomMurallapic.twitter.com/bQT7QOciGZ

— Taula per Aran (@Taula_per_Aran) 16 de febrer de 2019

Gràcies ✊
Dijous 21F #VagaGeneralpic.twitter.com/4lqEVHvj5s

— Mireia Boya Busquet (@yeyaboya) 16 de febrer de 2019

Resumit vidèo de la manifestacion:


 

De bandièras occitanas






Per cridar a la manifestacion se difonguèt un vidèo que mòstra de detalhs dels primièrs moments del jutjament, ont los acusats acusan l’estat.