Actualitats
La bandièra e l’imne de França seràn obligatòris dins totas las salas de classa de las escòlas
Lo ministre de l’educacion dicha nacionala, Jean-Michel Blanquer, a estimat “necessària” la preséncia d’aqueles simbòls dins las classas
Las bandièras de França e de l’Union Europèa e las paraulas de l’imne francés seràn desenant obligatòrias dins totas las salas de classa de las escòlas primàrias e segondàrias de l’estat francés. O aviá aprovat l’Assemblada Nacionala francesa la setamana passada, o confirmèt divendres dins una segonda deliberacion.
Dins la nuèch de diluns a dimars de la setmana passada, la cambra parlamentària francesa aviá ja aprovat aquel emendament, prepausat pel deputat drechista Eric Ciotti (LR), mas los elegits d’esquèrra planguèron de s’èsser pas poguts exprimir sul tèma. Enfin, dins la segonda deliberacion, la mesura s’aprovèt amb 29 vòtes en favor, 10 contra e 5 abstencions.
Lo ministre de l’educacion nacionala francesa, Jean-Michel Blanquer, a estimat “necessària” la preséncia d’aqueles simbòls dins las classas en soslinhant qu’aquò èra pas “l’alfa e l’omèga en matèria d’educacion civica”. De soslinhar que la reforma de l’educacion segondària de Blanquer es precisament lo pretèxt de l’administracion per liquidar l’occitan de l’ensenhament public.
Ara, aquela mesura patriotica s’aprovarà dimars al Palais Borbon dins un vòte solemne abans de migrar devèrs lo Senat.
Dins la nuèch de diluns a dimars de la setmana passada, la cambra parlamentària francesa aviá ja aprovat aquel emendament, prepausat pel deputat drechista Eric Ciotti (LR), mas los elegits d’esquèrra planguèron de s’èsser pas poguts exprimir sul tèma. Enfin, dins la segonda deliberacion, la mesura s’aprovèt amb 29 vòtes en favor, 10 contra e 5 abstencions.
Lo ministre de l’educacion nacionala francesa, Jean-Michel Blanquer, a estimat “necessària” la preséncia d’aqueles simbòls dins las classas en soslinhant qu’aquò èra pas “l’alfa e l’omèga en matèria d’educacion civica”. De soslinhar que la reforma de l’educacion segondària de Blanquer es precisament lo pretèxt de l’administracion per liquidar l’occitan de l’ensenhament public.
Ara, aquela mesura patriotica s’aprovarà dimars al Palais Borbon dins un vòte solemne abans de migrar devèrs lo Senat.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Mos feien cantar cançons falangistes en l'escola franquista, lo mestre deia mai fort ,cantat mai fort ,mentre obria las finestres perquè s'audís. Mala gent aquel mestre.
Aquestes:
Se canta que cante
canta pas per jo
canta per m'amiga
qu'es al luenh de jo
Aquelas
montanhas
que tan altas son
m'enpachon de veire
mas amors ont son
Se podi las veire
podi las trobar
passaré l'aigueta
sensa me negar
...............
Provençals vaquí la cupa
que nos ven dels catalans,
amb de reng beguem en trupa
lo vin pur dels nostres camps
Copa santa e vessanta
voetja a plens bords
voetja mos lis estranbord
e l'elevant di forts
E las bandiera nostras: la Crotz de Tolosa e la Senyera.
E RES PUS !
#5 E lo Benito parier! Fau vèire lei quasèrns deis enfants d'aquela epòca!
Lo Franco feia lo mateix; a més a més hi havia lo sancristo penjat...
E après faudrà cantar "Ma... nous voilà"?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari