Actualitats
Tolosa: cinc mila manifestants per l’ensenhament de l’occitan
Convocada d’urgéncia après l’alèrta de supression de l’occitan de l’educacion publica, la protèsta a recebut un sosten màger de l’occitanisme, d’elegits, d’artistas coneguts, d’escolans, de parents e tanben de la societat civila engatjada
L’apèl del Centre Regional dels Ensenhaires d’Occitan de Tolosa (CRÈO Tolosa) a manifestar contra la supression de l’occitan de l’educacion publica a recebut una responsa positiva de qualques milièrs de personas vengudas de pertot en Occitània, qu’an pres aqueste dimenge passat, 17 de febrièr, lo còr de Tolosa dins una granda manifestacion festiva e revendicativa, que recordava las protèstas Anem Òc! per la lenga occitana.
Convocada d’urgéncia après l’alèrta de supression de l’occitan de l’ensenhament public, a recebut un sosten màger de l’occitanisme, de fòrça elegits, artistas coneguts, escolans, parents e tanben de la societat civila engatjada. L’apèl a amassat 5000 manifestants segon los organizaires (3000 segon la polícia e 2000 segon France 3).
“Pas d’Occitània sens occitan”
Jos lo lèma “Pas d’Occitània sens occitan”, la marcha comencèt a 14h sus la Plaça del Capitòli e se passegèt pel centre de Tolosa animat per la batucada de Les Souris Volantes, d’esquilaires de Comenge, de jogaires de clarin e d’autbòi, e de grailaires albigeses e tolosans. Los milièrs de drapèus occitans èran tanben acompanhats del camion sonorizat que portava la musica en dirècte del grop Coriandre, e del gigant de Joan Jaurés.
En passant per la Plaça de Sant Estève, los manifestants depausèron lor crida a la prefectura, e contunhèron lor camin tormarmai fins al Capitòli ont après los parladisses i aguèt d’animacions musicalas d’Alidé Sans e Paulin Cortial, de Coriandre, de Brancaleone.
De sostens importants
D’artistas plan coneguts an donat lor sosten a la manifestacion, dont lo cantador Francis Cabrel, Mouss e Hakim del grop Zebda, Eric Carrière e Francis Ginibre dels Chevaliers du Fiel, Matthis Lebel de l’Stade Toulousain, lo cantador Pierre Perret, lo president de la Liga de Rugbi d’Occitània Alain Doucet, Fred Testot d’Omar & Fred e l’escrivan e escultaire Pierre Bergounioux.
En mai d’aquò, la protèsta a recebut lo sosten e quitament la participacion de qualques elegits, dont l’eurodeputat ecologista roergàs José Bové. Tanben i èran presents los conselhièrs regionals Gérard Onesta, M. Aude Lumeau Perceptis e Patric Roux; e lo conselhièr departamental Bernard Bagnéris. De son caire, Jean-Michel Lattes de la comuna de Tolosa participèt acompanhat del cònsol màger, Jean-Luc Moudenc. Lo Conselh General d’Aran èra tanplan representat.
E mai, l’organizacion a recebut fòrça letras de sosten de senators, deputats, cònsols màgers e d’autres elegits occitans, e mai que mai de parents d’escolans e d’ancians escolans. De soslinhar que la presidenta regionala Carole Delga recebrà una delegacion dels ensenhaires lo 4 de març.
Gaireben tot l’occitanisme a cridat a manifestar
Organizada pel Centre Regional dels Ensenhaires d’Occitan de Tolosa (CRÈO Tolosa), la protèsta a recebut lo supòrt de la Federacion de las Calandretas e de la Federacion dels Ensenhaires de Lenga e Cultura d’Òc (FÈLCO). En mai d’aquò cridavan a manifestar un fum de collectius occitanistas dont l’Institut d’Estudis Occitans (IEO), lo PNO, Libertat, lo Partit Occitan, Bastir Occitània, Òc-Bi, Felibritge Mantenença Lengadòc, Assemblada Occitana, Baladòc Tula, Convergéncia Occitana, Ostau Biarnés, Ostau Comengés, Carnaval Gascon, Escota e Minja, Païs de Catinou, Lo Congrès Permanent de la Lenga Occitana, CCOR, Cap a l’Òc, ADÒC, CAÒC, Jornalet, Òc Malhòrca, Aquí l’òc, Felibritge Mantenença Gasconha Naut Lengadòc, CÈLO, SFAIEO, Caminòc, l’Institut d’Estudis Aranesi-Acadèmia Aranesa dera Lengua Occitana e la Direccion Generala de la Politica Lingüistica de la Generalitat de Catalonha.
Finançament participatiu
Per finançar l’organizacion de la manifestacion, e las divèrsas accions que mena a bon tèrme lo CRÈO Tolosa per reconquerir los mejans especifics per l’ensenhament de l’occitan, s’es aviat un finançament participatiu. Trantalhetz pas per far vòstre don sul sit OkPal.
L’ora es gravissima
“L’ora es gravissima”, çò explicava a Jornalet lo president del CRÈO Tolosa, Nicolau Rei-Bèthvéder. “Pels provisors de licèu e principals dels collègis nos arriban los messatges del rectorat e del ministèri. Son clars: vòlon chaplar l’occitan en licèu e collègi dins los uèit departaments de l’acadèmia de Tolosa”, una de las onze subdivisions escolaras que cabon en Occitània dins l’estat francés.
L’acadèmia de Tolosa a mes fin a la dotacion especifica que finança l’occitan dins los collègis e licèus e daissa sens occitan gaireben 15 000 escolans. Tanben son pertocats una cinquantena d’ensenhaires d’occitan dins l’acadèmia mondina.
Dins la rèsta d’Occitània administrada per França, la situacion es pas melhora. Dins las acadèmias de Lemòtges, Clarmont e Grenòble, l’occitan dins los licèus e collègis es anecdotic. A Montpelhièr e Ais, l’occitan a fòrça reculat davant las atacas dels diferents rectors. D’anóncias de barraduras son estadas fachas en Provença ont lo rector se trufa “d’una lenga que se parla pas”. L’explicacion de la fin de l’occitan es lo pretèxt de la reforma Blanquer dels licèus. Lo 60% dels escolans del segondari es dins l’acadèmia de Tolosa.
L’occitan es tanben fòrt a Niça, mas patís fòrça la reforma mortifèra dels licèus. Lo quite cònsol màger, Christian Estrosi, a sasit lo ministre de l’educacion francés Jean-Michel Blanquer.
La vertat es que i a al Ministèri de l’Educacion de París una volontat evidenta de metre fin a l’ensenhament de la lenga nòstra.
— Vejatz las impressionantas fòtos d'Alice Trsnl.
Convocada d’urgéncia après l’alèrta de supression de l’occitan de l’ensenhament public, a recebut un sosten màger de l’occitanisme, de fòrça elegits, artistas coneguts, escolans, parents e tanben de la societat civila engatjada. L’apèl a amassat 5000 manifestants segon los organizaires (3000 segon la polícia e 2000 segon France 3).
“Pas d’Occitània sens occitan”
Jos lo lèma “Pas d’Occitània sens occitan”, la marcha comencèt a 14h sus la Plaça del Capitòli e se passegèt pel centre de Tolosa animat per la batucada de Les Souris Volantes, d’esquilaires de Comenge, de jogaires de clarin e d’autbòi, e de grailaires albigeses e tolosans. Los milièrs de drapèus occitans èran tanben acompanhats del camion sonorizat que portava la musica en dirècte del grop Coriandre, e del gigant de Joan Jaurés.
En passant per la Plaça de Sant Estève, los manifestants depausèron lor crida a la prefectura, e contunhèron lor camin tormarmai fins al Capitòli ont après los parladisses i aguèt d’animacions musicalas d’Alidé Sans e Paulin Cortial, de Coriandre, de Brancaleone.
De sostens importants
D’artistas plan coneguts an donat lor sosten a la manifestacion, dont lo cantador Francis Cabrel, Mouss e Hakim del grop Zebda, Eric Carrière e Francis Ginibre dels Chevaliers du Fiel, Matthis Lebel de l’Stade Toulousain, lo cantador Pierre Perret, lo president de la Liga de Rugbi d’Occitània Alain Doucet, Fred Testot d’Omar & Fred e l’escrivan e escultaire Pierre Bergounioux.
En mai d’aquò, la protèsta a recebut lo sosten e quitament la participacion de qualques elegits, dont l’eurodeputat ecologista roergàs José Bové. Tanben i èran presents los conselhièrs regionals Gérard Onesta, M. Aude Lumeau Perceptis e Patric Roux; e lo conselhièr departamental Bernard Bagnéris. De son caire, Jean-Michel Lattes de la comuna de Tolosa participèt acompanhat del cònsol màger, Jean-Luc Moudenc. Lo Conselh General d’Aran èra tanplan representat.
E mai, l’organizacion a recebut fòrça letras de sosten de senators, deputats, cònsols màgers e d’autres elegits occitans, e mai que mai de parents d’escolans e d’ancians escolans. De soslinhar que la presidenta regionala Carole Delga recebrà una delegacion dels ensenhaires lo 4 de març.
Gaireben tot l’occitanisme a cridat a manifestar
Organizada pel Centre Regional dels Ensenhaires d’Occitan de Tolosa (CRÈO Tolosa), la protèsta a recebut lo supòrt de la Federacion de las Calandretas e de la Federacion dels Ensenhaires de Lenga e Cultura d’Òc (FÈLCO). En mai d’aquò cridavan a manifestar un fum de collectius occitanistas dont l’Institut d’Estudis Occitans (IEO), lo PNO, Libertat, lo Partit Occitan, Bastir Occitània, Òc-Bi, Felibritge Mantenença Lengadòc, Assemblada Occitana, Baladòc Tula, Convergéncia Occitana, Ostau Biarnés, Ostau Comengés, Carnaval Gascon, Escota e Minja, Païs de Catinou, Lo Congrès Permanent de la Lenga Occitana, CCOR, Cap a l’Òc, ADÒC, CAÒC, Jornalet, Òc Malhòrca, Aquí l’òc, Felibritge Mantenença Gasconha Naut Lengadòc, CÈLO, SFAIEO, Caminòc, l’Institut d’Estudis Aranesi-Acadèmia Aranesa dera Lengua Occitana e la Direccion Generala de la Politica Lingüistica de la Generalitat de Catalonha.
Finançament participatiu
Per finançar l’organizacion de la manifestacion, e las divèrsas accions que mena a bon tèrme lo CRÈO Tolosa per reconquerir los mejans especifics per l’ensenhament de l’occitan, s’es aviat un finançament participatiu. Trantalhetz pas per far vòstre don sul sit OkPal.
L’ora es gravissima
“L’ora es gravissima”, çò explicava a Jornalet lo president del CRÈO Tolosa, Nicolau Rei-Bèthvéder. “Pels provisors de licèu e principals dels collègis nos arriban los messatges del rectorat e del ministèri. Son clars: vòlon chaplar l’occitan en licèu e collègi dins los uèit departaments de l’acadèmia de Tolosa”, una de las onze subdivisions escolaras que cabon en Occitània dins l’estat francés.
L’acadèmia de Tolosa a mes fin a la dotacion especifica que finança l’occitan dins los collègis e licèus e daissa sens occitan gaireben 15 000 escolans. Tanben son pertocats una cinquantena d’ensenhaires d’occitan dins l’acadèmia mondina.
Dins la rèsta d’Occitània administrada per França, la situacion es pas melhora. Dins las acadèmias de Lemòtges, Clarmont e Grenòble, l’occitan dins los licèus e collègis es anecdotic. A Montpelhièr e Ais, l’occitan a fòrça reculat davant las atacas dels diferents rectors. D’anóncias de barraduras son estadas fachas en Provença ont lo rector se trufa “d’una lenga que se parla pas”. L’explicacion de la fin de l’occitan es lo pretèxt de la reforma Blanquer dels licèus. Lo 60% dels escolans del segondari es dins l’acadèmia de Tolosa.
L’occitan es tanben fòrt a Niça, mas patís fòrça la reforma mortifèra dels licèus. Lo quite cònsol màger, Christian Estrosi, a sasit lo ministre de l’educacion francés Jean-Michel Blanquer.
La vertat es que i a al Ministèri de l’Educacion de París una volontat evidenta de metre fin a l’ensenhament de la lenga nòstra.
— Vejatz las impressionantas fòtos d'Alice Trsnl.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
suber manifestacion! que balha lo VAM!
#14 Pels Gilets Jaunes, la velha, èrem a pauc près lo doble — çò que non es pas pro tanpauc.
#15
Los concernits que son pas venguts pòdon aver d'empachas atanben..... Puèi i a los que son luènc de luòc de manifestatcion, es pas totjorn aisit de venir.
Mas çò que m'interessa subretot son los pas concernits : perdequé son pas concernits ? Cossi avèm, endacòm, pas sabut trobar los mots per sensibilizar. Perdequé se son destacat de l'occitan ? ( parli pas aici del caminament classic).
Aquò fa una molonada de questions e segurament e clar, i cal portar responsas. Nos devèm tanben pauzar questions sus nosaus !
Per las mesuras e aver una idèia, me sembla que cal trobar un mejan amai s'ai pas perfièch, rapòrt a la vila de manifestacion o rapòrt a Occitània tota, lo tot es de poder siègre amb'una mesura, amai siaguessa pas tròp exacta.
Se sovenir que lo perfièch se troba a ronfle dins los libres, es mendre dins la realitat çaquelà !
Mas çò que fa compte es l'esfòrç produch per se propchar del monde perfièch qu'es dins los libres. e de se rementar atanben que la vertat d'auèi es pas la de doman, la causas evoluisson...
Pensi tanben que per las promses manifestacions nos caldria agachar ambe la luna, per fin d'aver una luna favorable.........
#12
Se volem rasonar de faiçon purament matematica consideram, en tèrmi de manifestacion per l'occitan, la mei beròja escaduda: la de Tolosa en 2012 (tot lo monde qu'èra d'accòrd entà diser qu'èra un succès). 30 000 manifestants per 16 000 000 poblans d'Occitania (la vertadièra e non pas la mini-Occitanie adminitrativa), que hasè sonque un 0,2 % de la populacion.
L'escaduda d'ua mobilizacion que's mesura shens que d'ua faiçon comptabla. Com at èi dit, que cau tiéner compte de l'enjòc de la manifestacion (l'ensenhament qu'ei un maine pro especific au par de l'ensemble de reïvindicacions de las manifs d'Anem-òc), le delai d'organizacion, etc...
Dimenge qu'avem avut ua mobilizacion pro beròja, quitament se poish arregretar l'abséncia de monde concernits mes que ne's son pas desplaçats (que'n coneishi quauques uns)...
#9 Aparentament, l'i avia aitant de manifestaires per l'oc que per los gilets jaunes la velha a Tolosa. Chau puèi tanben saber qu'una manif, demanda d'organizacion. E per una manif organizaa en 15 jorns, me sembla que la resulta es pas tant marria. Ramento que la manif anem oc de Tolosa en 2012 (30 000 perrsonas au mens), avia chalgut un an practicament per l'organizar. Lo problèma vertadier es lo dau resson mediatic. Supauso que los organizaires an contactat l'AFP, e los localiers dels grands jornaus nacionaus (degun, naturalament, s'imagina que Blanquer e son estaf liejon la Dépêche) ; es un pauc de plànher que l'i aie pas agut de resson dins aquesta premsa.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari