Actualitats
Itàlia: los militants de l’M5S salvan Salvini d’èsser jutjat
Lo ministre ultradrechista es acusat de sequestracion per aver blocat pendent cinc jorns un vaissèl militar que transportava 117 migrants
Los membres del Movement 5 Estelas (M5S), un dels dos partits que compausan la coalicion de govèrn en Itàlia, an votat, dins un sondatge destinat als militants, de protegir lo ministre de l’Interior, Matteo Salvini, d’un jutjament per sequestracion a causa de sas duras politicas migratòrias.
Los resultats son estats un grand solaç pel viceprimièr ministre italian Luigi di Maio, perque un resultat negatiu auriá pogut provocar una crisi governamentala. Segon l’M5S, mai de 52 000 membres del partit an participat a la votacion.
La decision finala l’a presa lo comitat de direccion del partit; totun, l’M5S a volgut conéisser l’opinion de sos militants abans que son comitat se prononcièsse sus l’immunitat de Salvini. Ara lo comitat espèra la decision finala del senat italian, que se prendrà lo 24 de març venent.
Se lo jutjament se tenguèsse, Salvini riscariá una pena de fins a 15 ans de preson per sequestracion de personas, abús de poder e detencion illegala, pel fach d’aver blocat durant cinc jorns lo vaissèl militar italian Diciotti que transportava 117 migrants socorreguts de la mar Mediterranèa. Enfin, las glèisas catolicas italiana, irlandesa e albanesa aculhiguèron los migrants. En mai d’aquò, di Maio permetèt d’intrar al país los migrants recluses dins la nau al començament de febrièr, en contradisent Salvini e lo barrament dels pòrts italians que decretèt en junh passat.
Los resultats son estats un grand solaç pel viceprimièr ministre italian Luigi di Maio, perque un resultat negatiu auriá pogut provocar una crisi governamentala. Segon l’M5S, mai de 52 000 membres del partit an participat a la votacion.
La decision finala l’a presa lo comitat de direccion del partit; totun, l’M5S a volgut conéisser l’opinion de sos militants abans que son comitat se prononcièsse sus l’immunitat de Salvini. Ara lo comitat espèra la decision finala del senat italian, que se prendrà lo 24 de març venent.
Se lo jutjament se tenguèsse, Salvini riscariá una pena de fins a 15 ans de preson per sequestracion de personas, abús de poder e detencion illegala, pel fach d’aver blocat durant cinc jorns lo vaissèl militar italian Diciotti que transportava 117 migrants socorreguts de la mar Mediterranèa. Enfin, las glèisas catolicas italiana, irlandesa e albanesa aculhiguèron los migrants. En mai d’aquò, di Maio permetèt d’intrar al país los migrants recluses dins la nau al començament de febrièr, en contradisent Salvini e lo barrament dels pòrts italians que decretèt en junh passat.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 sos entendut: la justícia italiana es bona, la justícia francesa es corronpda. Svp, COSSÍ ? d'arguments per l'un e l'autre. En général sus'article; pensavi qu'à l'oral d'ara èra estabit que tot çò que ven dels partits èra marit ?...
La justícia, en democracia, quand es pas confiscada per de magistrats ideologizats, es renduda al nom del pòble. Sembla que lo pòble italian, d'aprèp las darrièras eleccions dins las Abruzas e d'aprèp los sondatges, jutja sevèrament Salvini.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari