CAPÇALERA PAIS INVISIBLE

Actualitats

EscòlaSocietat
crotz-tolosaCreated with Sketch.LengadòcLengadòc BasMontpelhierenc

Seta: un ensenhaire s’es mes fuòc davant lo collègi Victor Hugo

L’òme a subreviscut a sa temptativa de suicidi mas a de cremaduras de segond gra. Sos collègas fan valer lor drech de retirament

Un ensenhaire d’aperaquí quaranta ans se metèt fuòc ièr amb d’alcòl de cremar davant lo collègi Victor Hugo de Seta (Montpelhierenc). Menat pels pompièrs a l’espital de Seta e puèi al de Montpelhièr, l’òme a subreviscut a sa temptativa de suicidi mas patís de cremaduras de segond gra. L’ensenhaire èra estat longtemps en comjat per malautiá, segon qualques mèdias per de rasons psicologicas, e veniá de reprene son activitat. çò rapòrta France 3.
 
Lo collègi, qu’aculhís unes 500 escolans, faguèt una reünion de crisi en preséncia de la directritz academica e dels servicis de l’educacion francesa dicha nacionala, qu’anèron sus plaça “per avalorar los besonhs complementaris en acompanhament dels escolans e dels personals”. E mai los servicis academics exprimiguèron “lor sosten a l’ensenhaire, a sos pròches e a totes los membres de la comunautat educativa”.
 
Plusors professors d’aquel collègi public an mostrat lor solidaritat amb l’ensenhaire e an fach valer lor drech de retirament. Per ara, lo rectorat a mes en plaça una cellula psicologica a la demanda dels ensenhaires. A partir de uèi dimècres i aurà un mètge, un psicològ, d’infermièras e d’assistents socials “a la disposicion dels escolans e dels personals”.
 
 
 
 
 
 

 

 




abonar los amics de Jornalet
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

La Trinca
4.

A! La cellula psicologica APREP!
E ABANS, qué fasèm?

Me rapèli un psicològ escolar, a Sèta, que nos venguèt veire al Barron. Era espantat de la degradacion del mitan social e se mostrava impotent per nos ajudar. Ancian regent, pro jove encara, se vesiá qu’èra content d’èsser passat de l’autre costat de la barrièra e d’èsser pas pus dins lo « ruedo ». Se vòls durar dins l’Education nationale, fai psicològ, dròlle !

  • 4
  • 0
francesc palma
3.

L'ensenhament es un trabalh molt pesat, los alumnes pichons e adolescents son mal d'aguantar. La profession d'ensenhaire la gent non la valora prou ben. Almanco a Espanha.

  • 4
  • 0
Melania Besièrs
2.

Per informacion : lo darrièr messatge Twitter , l'autor, G. Ardinat, es un elegit d'extrèma drecha.
Sai pas se val lo còp de lo citar e de far de reclama a son magnific compte twitter.

Paure collèga !

  • 4
  • 1
Lachaud
1.

De las tentativas de suicidi n'i a agut dins d'autres professions, chas los postiers, chas los paisans e chaque còp l'estat e los medias minimisan lo problem.
E l'òm vai querre daus psi per reglar lo problem e cerchar un bocin de dictatura dins los parents dau suicidat mas pas dins la profession o ben dins lo governament.
Es quò qu'un bon pedagògue a besonh d'un psi?
I a benleu quauqu'a ren que vai pus dins la machina ensenhar,,e alhors.
Benleu quò es pus priond qu'aquò.
La spiritualitat (a pas confondre emben la religion) nos dich :
"Avetz pas pron poluar, destruit la natura, l'environnement? Utilisar una tecnica e l'ensenhar sens se pausar la question de saber si es bona per l'umanitat, l'environament, per l'uman e tot çò que viu vos mena dreit a l'enfer e benleu a la destruccion completa".
Au pus priond de nòstre, una petita votz nos apela.

  • 3
  • 1

Escriu un comentari sus aqueste article