Catalonha: de nombrosas protèstas an clavat una jornada de cauma generala
Cridats per l’organizacion Intersindicala e amb lo sosten dels partits independentistas, los caumaires protestavan pel jutjament que se ten a Madrid e pels dreches politics e socials
Cinc grandas manifestacions clavèron ièr una jornada de cauma generala en Catalonha. De centenats de milièrs de personas manifestèron a Barcelona, Girona, Lhèida, Tarragona e Tortosa. Cridats per l’organizacion Intersindicala e amb lo sosten dels partits independentistas, los caumaires protestavan pel jutjament que se ten a Madrid contra los independentistas catalans e tanben pels drets del trabalh, los dreches politics e los dreches fondamentals per totes. Dins aquel sens los caumaires remembrèron las leis socialas aprobadas pel Parlament de Catalonha que lo Tribunal Constitucional cancellèt.
Long de la jornada i aguèt d’acamps de protèsta dins las principalas vilas e qualques estradas foguèron barradas. La cauma a agut un seguiment màger dins los sector public, mai que mai dins l’educacion, mas pas gaire dins lo comèrci. Per contra, las manifestacions son estadas plan nombrosas.
La d’aqueste dijòus 21 de febrièr es estada la segonda cauma pus nombrosa dels darrièrs 15 ans, solament superada per la del 3 d’octòbre de 2017.
Las donadas de la cauma
Segon lo departament del Trabalh de la Generalitat de Catalonha, an seguit la cauma generala lo 67,45% de las universitats, lo 28,64% de las escòlas de primària e segondària, lo 30% dels comèrcis, lo 24% dels foncionaris e lo 9,08% del personal de la santat. Segon la comuna de Barcelona, lo 20% de sos salariats an seguit la cauma.
Durant la jornada de la cauma, lo transpòrt public de Barcelona recebèt fòrça mens viatjaires. L’incidéncia de la cauma als autobuses, mètro e tramvais de Barcelona es estada calculada del 67,86%.
Lo consume d’electricitat de ièr foguèt del 4% mens que lo jorn precedent.
Etiquetas
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Un judici per jutjar als que volen que s'apliquin los Drets Humans de l'ONU del 1948, que per cert l'estat espanyol signet quan comencet la democracia e moriguet Paca la culona. Ara lo tribunal passa coma se non existissen los Drets Humans de l'ONU. Podets haver la vostra constitucioneta, mas podets posar a la preson ni jutjar als que defensan la justicia internacionala, començant pels Drets Humans. La constitucion ha de recolhir los drets fonamentals perquè senon es pas justicia humana. Es l'aplicacion d'unas lei feta a la conveniencia de l'estat, una lei a la carta. Açò oc, açò non, aqueste oc, ara aqueste non,...... .. Una margalida que se li van levant los petals. Al cap e a la fin una gran injusticia.
DIALEG E AMOR
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Un judici per jutjar als que volen que s'apliquin los Drets Humans de l'ONU del 1948, que per cert l'estat espanyol signet quan comencet la democracia e moriguet Paca la culona. Ara lo tribunal passa coma se non existissen los Drets Humans de l'ONU. Podets haver la vostra constitucioneta, mas podets posar a la preson ni jutjar als que defensan la justicia internacionala, començant pels Drets Humans. La constitucion ha de recolhir los drets fonamentals perquè senon es pas justicia humana. Es l'aplicacion d'unas lei feta a la conveniencia de l'estat, una lei a la carta. Açò oc, açò non, aqueste oc, ara aqueste non,...... .. Una margalida que se li van levant los petals. Al cap e a la fin una gran injusticia.
DIALEG E AMOR
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari