Actualitats
Eleccions europèas dins la República Francesa: Alfonsi (Corsega) e Massard (Bretanha), numèros 1 e 2 de la federacion autonomista RPS
L’èx-eurodeputat còrs ocuparà la novena plaça de la lista d’Euròpa Ecologia-Los Verds
Regions e Pòbles Solidaris (RPS) a designat François Alfonsi (Partit de la Nacion Còrsa) e Lydie Massard (Union Democratica Bretona) coma tèstas d’aficha de sa candidatura a las eleccions europèas dins la Republica Francesa. La federacion autonomista s’i presenta en coalicion amb Euròpa Ecologia-Los Verds (EELV), qu’a reservat las novena e catorzena plaças de sa lista a Alfonsi e Massard, respectivament.
Es aital que RPS e EELV repetisson la formula de 2009, que menèt Alfonsi a ocupar un sèti del Parlament Europèu pendent la legislatura 2009-2014.
Los sondatges electorals considèran malaisit, mas pas impossible, qu’EELV pòsca obténer nòu sètis —los necessaris per qu’Alfonsi siá elegit—, mai que mai se la tendéncia alçaira que detèctan los sondatges se confirma. Força mai improbable es que Massard reüssisca son eleccion.
A Brussèlas, lo Partit Verd Europèu e l’Aliança Liura Europèa —referent europèu d’RPS— fan partida del meteis grop parlamentari dempuèi 1999.
Aquesta nòva es adaptada de Nationalia, amb qui Jornalet ten un acòrdi de cooperacion.
Es aital que RPS e EELV repetisson la formula de 2009, que menèt Alfonsi a ocupar un sèti del Parlament Europèu pendent la legislatura 2009-2014.
Los sondatges electorals considèran malaisit, mas pas impossible, qu’EELV pòsca obténer nòu sètis —los necessaris per qu’Alfonsi siá elegit—, mai que mai se la tendéncia alçaira que detèctan los sondatges se confirma. Força mai improbable es que Massard reüssisca son eleccion.
A Brussèlas, lo Partit Verd Europèu e l’Aliança Liura Europèa —referent europèu d’RPS— fan partida del meteis grop parlamentari dempuèi 1999.
Aquesta nòva es adaptada de Nationalia, amb qui Jornalet ten un acòrdi de cooperacion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
MDR
Una partida de la federacion RPS a causit tornar mai lo sucursalisme en s'aligant amb EELV.
Seria estat plan melhor d'aver lo coratge d'apitar una tièra dels pòbles colonisats de l'Estat Francés.
Coma per las presidencialas vos convidi a votar massissament amb de bulletins Occitània Liura que podrètz descargar en clicant sus aqueste siti.
http://lo.lugarn-pno.over-blog.org/2017/04/le-parti-de-la-nation-occitane-et-le-premier-tour.html
L'òm se socia mai de la testa de liste e dau sondatge que de presentar un programme politic. L'ecologia es d'un autre biais plena de contradiccions.
Los gilets jaunes denonçan aqueus politics qu'accòrdan mai d'importança au concept qu' au contengut vertardier daus discors e zo denonçan. L'escòla nos a plan preparat a d'aquò. Ecologia, socialisme, comunisme son daus slogans, pron auver dempuei 50ans, mas son pus mas que de las cagolhas vidas.
Apres la manifestacioin daus ensenhaires 'e de lòr satelites los parents d'eleves) dau 17 de belier passat, l'òm en a per un o dos ans avant de trobar d'autras fòrmas de revendicacions. Los ensenhaires damoren sur de las revendicacions escolarias e universitaris; los autres an pas grand causa a dire..
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari