Actualitats
Perpinhan: manifestacion per reclamar l’Ofici Public de la Lenga Catalana
L’organisme es blocat dempuèi mièg an malgrat que siá aprovat pel departament e la region
La manifestacion, convocada per l’associacion per l’ensenhament del catalan Aplec, demandèt tanben formalament una reünion amb lo representant de l’estat francés al departament.
Aplec denóncia qu’entre lo 50% e l’80% de las familhas demandairas de Catalonha Nòrd pòdon pas accedir a l’educacion en catalan, e per aquela rason reclama la creacion de l’Ofici Public de la Lenga Catalana, coma l’an d’autras lengas minorizadas de l’estat coma l’occitana, lo breton o lo basco.
Lo president de l'Aplec, Alà Baylac, explicava a Ràdio Arrels perqué se cridèt a manifestar.
Lo de la lenga occitana costèt una cauma de la fam
La creacion de l’Ofici Public de la Lenga Occitana foguèt aprovada en 2014 pels conselhs regionals de Miègjorn-Pirenèus e Aquitània, mas calguèt que Dàvid Grosclaude faguèsse una cauma de la fam d’una setmana per que se publiquèsse lo decret necessari dins lo Jornal Oficial de l’estat francés, qu’aviá tanben blocat lo projècte. S’avièt lo 12 de novembre de 2015 e s’installèt al Rectorat de Tolosa.
Devant @Prefet66 pour qu’Etat tienne ses engagements et concrétise avec #Département & @Occitanie l’Office Public Langue Catalane. Malgré demande RDV envoyé bien avant & présence de nombreux élus, personne pour nous recevoir. Quel mépris! @RadioArrelspic.twitter.com/Z1PK2dEaWf
— Nicolas GARCIA (@GarciaNicolas66) 22 de febrer de 2019
Ara mateix mobilització davant la prefectura per una creació de l’oficina publica de la llengua catalana #CatalunyaNord#Catalunya#Perpinyà#APLECpic.twitter.com/iGjwN2yat4
— Catalunya Nord tb és Catalunya (@nord_catalunya) 22 de febrer de 2019
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Quand se vei la farcejada sinistra qu'es vengut l'OPLO ( que sa toca es d'ara endavant d'arroïnar las darrieras institucions occitanas) i-a de que se pausar question sus la creacion d'un Ofici Public del Catalan. Remarca, sem segurs que question eficacitat, risca pas de far pièger que l'OPLO-KILLER !
s'es per crear un quicòm que manja l'argent amb d'emplegats que parlan pas la lenga e que distriuisson pas la moneda, son mai tranquils sens aquò.
un centenat? qu'èran entre 3000 e 5000 jo que crèi...non?
Pertocant la cauma de la hami per l'oplo, qu'èra ua galejada tà s'amuishar...tot qu'èra dejà previst e signat, qu'ac sabem tot.
senon, vertat qu'ei important de crear un ofici taus catalans, que cau estar coerent.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari