Actualitats
Pedro Sánchez a vesitat Occitània e Catalonha Nòrd per rendre omenatge als republicans exiliats
Lo president del govèrn espanhòl a rescontrat l'oposicion populara a Argelers e a Cotlliure: los manifestants remembravan que i a totjorn de presonièrs politics e d’exiliats
A Montalban lo primièr ministre espanhòl rendèt omenatge al president de la IIa Republica espanhòla, Manuel Azaña, que moriguèt lo 3 de novembre de 1940 dins la capitala del Bas Carcin. Aquí, sus la tomba d’Azaña, depausèt una garba e faguèt una minuta de silènci. De soslinhar que la garba portava lo drapèl espanhòl actual, lo monarquic, e non pas lo republican.
Abans, Sánchez aviá vesitat lo collègi Manuel Azaña, al centre de Montalban. Lo president del govèrn espanhòl èra acompanhat de las ministras espanhòlas de l’educacion e de la justícia, de la neboda de l’èx-president Azaña e de Jean Pierre Amalric, responsable de l’associacion Manuel Azaña, que pren suènh del tombèl.
Sánchez ditz que “l’exili es la piéger condemna per l’èsser uman”
Puèi, Sánchez anèt en Catalonha Nòrd per far un omenatge al poèta Antonio Machado e als ciutadans que deguèron fugir en 1939 après l’ocupacion militara del general Franco.
A Argelers, près de l’estèla que commemòra lo camp de concentracion que i aviá sus la plaja ont embarrèron los exiliats, Sánchez diguèt que “l’exili es la piéger condemna per l’èsser uman”. Al cementèri de Cotlliure rendèt omenatge al poèta Antonio Machado, que defuntèt dins aquela vila nòrd-catalana just après sa fugida del regim franquista.
Espanha “encarcèra los elegits del pòble”
Mas en Catalonha Nòrd, Sánchez trobèt l’oposicion populara. A Argelers, los crits dels manifestants se sentián a tot moment mentre que Sánchez ensajava de far son discors. Puèi, los manifestants acompanhèron lo president espanhòl pendent tota la jornada.
Aperaquí mièg milièr de manifestants, acompanhats del vicepresident del conselh departamental, Nicolas Garcia, protestavan contra una vesita que lor pareissiá demagogica. Mai que mai a un moment que son país ten tornarmai de presonièrs politics e d’exiliats. Espanha “encarcèra los responsables de la societat civila e los elegits del pòble que complisson lo mandat recebut dels electors”, çò disiá Nicolas Garcia en cridant a manifestar.
Los manifestants cridavan per la libertat dels presonièrs politics e lo retorn dels exiliats en criticant que Sánchez defendèsse las valors republicanas sens censurar la monarquia espanhòla.
Pedro Sánchez arrive au cimetière urbains de #Montauban où il va se recueillir sur la tombe de l’ancien président espagnol #ManuelAzañapic.twitter.com/rcDFNXWoNM
— France Bleu Occitanie (@bleuoccitanie) 24 de febrer de 2019
Sur la plage d’Argeles, des milliers d’exilés républicains ont été parqués pendant l’hiver 39. Pour la première fois depuis le retour de la démocratie, le chef du gouvernement vient leur rendre hommage. Des indépendantistes boycottent le discours de @sanchezcastejonpic.twitter.com/eoouIZ9eLf
— Henry de Laguérie (@henrydelaguerie) 24 de febrer de 2019
Se comença a aplegar gent a Cotlliure per rebre Pedro Sánchez. #LlibertatPresosPolitics#llibertatpresespolitiques#CatalunyaNordpic.twitter.com/AIPMlknCi1
— Júlia Taurinyà (@JuliaTaurinya) 24 de febrer de 2019
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#4 Cal dire que Paco Ibañes, quand me parla, me parla sonque en catalan (de Valéncia) — e sa femna en catalan de Barcelona —, e que canta tanben en Euskarà e en occitan de Provença, per exemple. Segur que canta "tanben" en castelhan. Mas per el, es cultural, non pas religiós, patologic ni dictatorial… Paco Ibañez o a plan comprés : las lengas, las cal defendre totas…
#1 Dins lo DGLO de l'Academia Occitana, donam plan segur condemnar e condemnacion, atestats despuèi lo sègle XIV… Non avèm cap *condemna.
Monarquia o Republica ? : Ve't aquí la question.
Sus Mediapart, un bilhet plorinaire sul Sanchez en campanha, signat per una ispanista qu’oblida que Paco Ibañez -que reveindica-es favorable a l’autodeterminacion e que vei legitima una Catalonha separada d'Espanha se los catalans o decidisson aital. Deu èsser d’aquelas ispanistas qu’ignòran, olimpicament coma se ditz aval, la cultura en lenga catalana. Urosament, son pas totes aital, los ispanistas.
Sus las tentativas cortesas d’explicacion de la posicion dels independentistas, cal veire los comentaris pietadoses dels espanholistas que se distingon per lors insultas e lor grossieretats. Aquò revèla lor nervositat e la falsièra de lors arguments.
Mentretant, la violéncia contra las gents pacifica contunha. De mond son sul trepador, davant lo tribunal ont fan lo « procés » : aquel mond destorba pas degun. Mas pòrtan una pancarta amb una vertat de pas oblidar : « Doblidetz pas qu’Hitler èra LEGAL en Alemanha ». E ben son secutats per la polícia per destorbar l’òrdre public. Coma en França : aplican las meteissas receptas.
M’agradariá de saupre qual es lo gabinet de comunicacion que fòrma totes aqueles arlèris que nos govèrnan. En fin, que govèrnan : que fan lo servici per la finança e las multinacionalas, lo Pedro Sanchez coma los autres.
Sánchez ditz que “l’exili es la piéger condemna per l’èsser uman”
Es de compassion per lo President PUIGDEMONT?
Antonio Machado maugrat aver estat una victima del franquisme, èra un nacionalista castelan acarnassit contra Catalonha e los dreits nacionams dels catalans. Foguèt deputat al parlament espanhòl e s'opausèt a l'autonomia catalana...
Una citacion sieuna: "De aquellos que dicen ser gallegos, catalanes, vascos... antes que españoles, desconfiad siempre. Suelen ser españoles incompletos, insuficientes, de quienes nada grande puede esperarse."
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari