Actualitats
Tolosa: un conselhièr regional denóncia d’insultes de la polícia
“Aquò comença de venir inquietant, sèm a escarlimpar vèrs un estat de non-dreit”, çò dit al prefècte Jean-Christophe Sellin, de la França Insomesa en esperant d’esclariments e d’excusas
Lo conselhièr regional tolosan, Jean-Christophe Sellin, a denonciat lo comportament d’un desenat de policièrs durant la 15a setmana de mobilizacions dels Gilets Jaunes dins la Ciutat Mondina. Dimenge passat, 23 de febrièr, l’elegit èra a la terrassa d’un cafè dins un sector tranquil del centre vila, quand un grop de policièrs antisusmautas se passegèt per aquela terrassa en butassant las taulas. A aquel moment, l’elegit lor diguèt: “Calmatz-vos!” e los policièrs sul pic respondèron: “Clava-la”, “Esquerristàs”, “Brut conàs!”. Los mots precises en francés, segon l’elegit. foguèron: “Ta gueule”, “Gaucho”, “Sale connard”, çò rapòrta La Dépêche. Sellin s’èra pausat sus aquela terrassa après aver recebut de gas lacrimogèn sus la Plaça del Capitòli.
L’elegit decidiguèt d’escriure al prefècte de la region e a la direccion departamentala de la seguretat publica per denonciar lo comportament d’aqueles policièrs. Recordava dins son corrièr plusors articles del còde de deontologia de la polícia e de la gendarmariá en soslinhant que los agents son “al servici de la populacion” e per tant “la lor relacion amb aquesta es emprenta de cortesiá e requerís l’usatge del vosejament”.
En linhas generalas, Jean-Christophe Sellin mòstra son chepic, en vesent l’evolucion del comportament dels policièrs cada dissabte. “Aquò comença de venir inquietant, sèm a escarlimpar vèrs un estat de non-dreit”, çò afirma en esperant d’esclariments e d’excusas.
L’elegit decidiguèt d’escriure al prefècte de la region e a la direccion departamentala de la seguretat publica per denonciar lo comportament d’aqueles policièrs. Recordava dins son corrièr plusors articles del còde de deontologia de la polícia e de la gendarmariá en soslinhant que los agents son “al servici de la populacion” e per tant “la lor relacion amb aquesta es emprenta de cortesiá e requerís l’usatge del vosejament”.
En linhas generalas, Jean-Christophe Sellin mòstra son chepic, en vesent l’evolucion del comportament dels policièrs cada dissabte. “Aquò comença de venir inquietant, sèm a escarlimpar vèrs un estat de non-dreit”, çò afirma en esperant d’esclariments e d’excusas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Que non se preocupe aqueste conselher, perquè aquestes policias non tenen ni la secundaria coma Hitler. Insulta el que pot non el que vol.
“Aquò comença de venir inquietant, sèm a escarlimpar vèrs un estat de non-dreit” ? E alavètz, qué fasèm ? Nos inquietam e puèi, qué ? Pendent tresans e mièg de mai, continuam d'endurar e de patir, esquina plegada, cap bas, coma se o ameritèssem ? Es aital que s'instauran los regims aotritaris e dictatorials, sabètz ?
Jornalet ven un bon jornal d'agregacion, que les sieus articles eclectics van al delai d'un interès blosament occitan. Que contunhe !
#10 Ma critica es pas personala ni mai adreiçada a Ferriòl. Tòrni apondre que compreni completament lei limitas gròssas que ne'n patisse lo Jornalet (e lei mèdias occitans en generau).
Aquò estent dich, vesi pas en de qué, e amb quala autoritat, demandariáu a una associacion qu'es pas un jornau, nimai una redaccion, d'escriure d'articles dins Jornalet. An ja pron de causas de far per gestionar son associacion mi pensi. Volètz que vagui exigir a l'associacion de danças provençalas dau Plan de Cucas de redigir d'articles tanben ?
L'aviá, mi sembla, d'acòrd de pertatge amb Aquò d'Aquí, bessai qu'es puslèu ailà que fau quichar, mai ieu doni ren que mon avejaire coma legeire, s'aquò es encara autorizat.
Mi sembla que l'informacion es desequilibrada leugier.
Es bessai un pauc interessant de saber que 2000 personas son estadas expulsadas de son ostau a Marselha despuei mai de 3 més (e au mens un lector de Jornalet d'alhors) ò que lo cónsol de Bordèu despuei 1995 quitèt la municipalitat locala. Tot aquò tanben fa partida de l'actualitat occitana.
Ai de mau amb la premsa franchimanda que tracta l'actualitat unicament dau ponch de vista de París, mi sembla pas tròp demandar a un jornau qu'a una vocacion pan occitana d'aguer una actualitat pan occitana, a la mesura dei bacins de vida e de populacion d'aqueu país se n'es encara un), e a la mesura evidentament de sei mejans.
Demandi pas milantas articlas per jorn nimai, e es per aquò que fau aquesta constatacion, puslèu qu'una critica,
#8 Amb de recorses talament petits, fasèm mai de çò que podèm. 'Jornalet' presenta cada jorn tres o quatre informacions d'actualitat, al delà de las opinions, vidèos, vinhetas... Lo critèri de la redaccion es de prepausar d'informacions en occitan. Dins aquel sens, ensajam de priorizar aquelas nòvas que los mèdias oficials ne parlan pas o rapòrtan d'un biais diferent. Avèm d'acòrdis de cooperacion amb d'autres mèdias, e sèm abonats a un fum de mèdias e d'agéncias de premsa. De tot biais cal dire que la pus granda majoritat de nòvas que publicam las nos prepausan de legeires
Pel moment nos vesèm pas encara capables d'establir una politica d'equilibri territorial per rapòrt a las nòvas nacionalas. Mas si que voldriam far de presentacions de 'Jornalet' per tot lo territòri occitan, mai que mai en aqueles endreches ont avèm mens de legeires o ont los legeires son mens participatius.
Mercés plan per ta critica, que nos ajudarà a far un jornal melhor
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari