Actualitats
An liberada Zehra Doğan, jornalista e artista curda condemnada per una pintura critica envèrs l’estat turc
Lo tribunal que la jutgèt colpabla considerava que lo tablèu èra “de propaganda terrorista”
An liberada Zehra Doğan, jornalista e artista curda condemnada per una pintura critica envèrs l’estat turc
Lo tribunal que la jutgèt colpabla considerava que lo tablèu èra “de propaganda terrorista”
La jornalista e artista curda Zehra Doğan sortiguèt de preson lo 24 de febrièr passat après mai de dos ans de privacion de libertat. Doğan foguèt condemnada en març de 2017 per aver retrach dins una pintura la destruccion, per las fòrças armadas turcas, de la vila de Nisêbîn, e tanben per un article escrich en 2015. Segon lo tribunal que la jutgèt colpabla, lo tablèu èra “de propaganda terrorista”, e o èra tanben la citacion d’una dròlla de 10 ans que la jornalista aviá inserida dins l’article.
Sus aquestes dos imatges se pòt veire la fotografia que se n’inspirèt Doğan, e lo tablèu que ne pintèt.
“M’an condemnada a la preson per aver facha una fòto d’ostals destruches e i aver mesas de bandièras turcas. Mas soi pas ieu que faguèri aquò, foguèron eles. Ieu o ai pintat, solament”, çò diguèt Doğan après que se foguèt prononciada la senténcia.
Doğan èra editritz de l’agéncia d’informacion feminista JINHA, que las autoritats turcas barrèron en 2016, dins l’èrsa repressiva contra lo movement curd e los mèdias posteriora al còp d’estat.
Plusors organizacions internacionalas, coma lo PEN Club e Amnestia Internacionala, an demandat mai d’un còp la libertat de Doğan e dels autres jornalistas empresonats en Turquia.
Doğan es estada nomenada per recebre lo Prèmi de la Libertat d’Expression 2019 dins sa categoria artistica.
Aquesta nòva es adaptada de Nationalia, amb qui Jornalet ten un acòrdi de cooperacion.
Lo tribunal que la jutgèt colpabla considerava que lo tablèu èra “de propaganda terrorista”
La jornalista e artista curda Zehra Doğan sortiguèt de preson lo 24 de febrièr passat après mai de dos ans de privacion de libertat. Doğan foguèt condemnada en març de 2017 per aver retrach dins una pintura la destruccion, per las fòrças armadas turcas, de la vila de Nisêbîn, e tanben per un article escrich en 2015. Segon lo tribunal que la jutgèt colpabla, lo tablèu èra “de propaganda terrorista”, e o èra tanben la citacion d’una dròlla de 10 ans que la jornalista aviá inserida dins l’article.
Sus aquestes dos imatges se pòt veire la fotografia que se n’inspirèt Doğan, e lo tablèu que ne pintèt.
“M’an condemnada a la preson per aver facha una fòto d’ostals destruches e i aver mesas de bandièras turcas. Mas soi pas ieu que faguèri aquò, foguèron eles. Ieu o ai pintat, solament”, çò diguèt Doğan après que se foguèt prononciada la senténcia.
Doğan èra editritz de l’agéncia d’informacion feminista JINHA, que las autoritats turcas barrèron en 2016, dins l’èrsa repressiva contra lo movement curd e los mèdias posteriora al còp d’estat.
Plusors organizacions internacionalas, coma lo PEN Club e Amnestia Internacionala, an demandat mai d’un còp la libertat de Doğan e dels autres jornalistas empresonats en Turquia.
Doğan es estada nomenada per recebre lo Prèmi de la Libertat d’Expression 2019 dins sa categoria artistica.
Aquesta nòva es adaptada de Nationalia, amb qui Jornalet ten un acòrdi de cooperacion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Turquia es una dictadura terribe que dona grans maldecaps als paubres curds que patisson per culpa de l'integrisme religiós turc del govern.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari