Un an après sa mòrt en Siria, tot un capial d’un ostal de Karaez mòstra dempuèi aquò una fresca giganta d’Olivier Le Clainche, lo breton qu’anèt combatre l’Estat Islamic al costat de las fòrças curdas YPG. Eles li disián “Kendal Breizh”. La fresca deu èsser acabada aquesta setmana.
 
La pintura ocupa tot una paret d’un ostal del quartièr de l’estacion e es acompanhat de las paraulas “dalc’homp soñj” que vòlon dire “remembrem-nos”.
 
“Lo proprietari de l’ostal voldriá qu’aquela pintura restèsse lo mai longtemps possible”, çò ditz a France Bleu un amic del combatent que li an rendut omenatge.
 
Dimenge que ven, davant la fresca, se rendrà un omenatge al combatent breton. Se tendrà tanben un tantòst d’informacion sus la lucha del pòble curd.
 
Fa un un an, de brigadistas internacionals de pertot anèron ajudar los milicians curds a Efrîn en Rojava (Curdistan de Siria), contra las atacas de l’armada turca, e contra l’autoproclamat Estat Islamic. Demest eles se tròba una brigada de bretons, en provenença dels movements bretonista e antifaissista.
 
 

Livaj e koun Kendal Breizh e #Karaez Deuit niverus disul evit souten an dispac'h e #Kurdistan#Rojava hag evit enoriñ hon kamalad !
Fresque en hommage à Kendal Breizh à #Carhaix ! Venez nombreux dimanche pour soutenir la révolution kurde et rendre hommage à notre camarade ! #Bzhpic.twitter.com/ZGg4wif1Wj

— Dispac'h (@Dispach_bzh) 26 de febrer de 2019