Al mes de novembre de 2018 a Lairac al ras d’Agen nasquèt un ostal d’edicion del nom francés “Les Editions des petits papiers” (Edicions dels paperòts). Aqueste ostal d’edicion es associatiu e foguèt creat per quauques afogats de lecturas e de lengas amb la tòca de permetre a totes d’èstre publicats sens lo sedaç de la rendabilitat fàcia a cèrts d’edicions mai bèls.
 
“Petits papiers / paperòts”, vòl dire que los recuèlhs de tèxtes cortets seràn privilegiats: trobar, novèlas, galejada, cosina, aforismes e plan mai encara... en francés e mai en occitan.
 
Lo blòg de l’ostal d’edicion o farà tot per far conéisser los libres editats.
 
Ven de paréisser un primièr títol en occitan. Coma uncamintòrt, un recuèlh de tròbas escritas entre 1988 e 1992, per Gèli Grande, un opinant conegut pels legeires de Jornalet. L’edicion es bilingua occitan-francés.
 
Per cada exemplar vendut de Coma un camin tòrt i aurà 1 èuro per la Calandreta Jansemineta d’Agen.
 
D’autres títols seràn alestits lèu coma Las Costumas de Lairac,  un tèxt istoric de la segonda mitat del sègle XIII.
 
 
 
 
Thierry Hue
Baile de Les Editions des petits papiers
 
 
 
 
Thierry Hue
Baile de Les Editions des petits papiers
 
 
 
 

---

GRANDE, Gèli. Coma un camin tòrt / Tel un chemin sinueux. Les Edicions des petits papiers, 2019. 8 èuros
 
 
Per comandar lo libre al prètz de 10 èuros (8 èuros mai 2 èuros de despensas postalas) podètz consultar lo blòg o mandar un corric a leseditionsdespetitspapiers@gmail... .