Actualitats
Argeria: de nombrosas manifestacions contra la candidatura de Butafliqa
Las protèstas, convocadas per Internet, se son intensificadas dempuèi la setmana passada
De milièrs de personas an tornarmai manifestat per las carrièras de divèrsas vilas d’Argeria contra la decision del president, Abd Al Aziz Butafliqa, de se presentar a las eleccions per un nòu mandat de cinc ans. Fòrça ciutadans remeton en causa la capacitat de Butafliqa de demorar al poder a 81 ans.
Las protèstas, convocadas per Internet, se son intensificadas dempuèi la setmana passada e un grand nombre de policièrs an ensajat de las reprimir a Argièr, mai que mai a l’entorn de las principalas institucions. Segon qualques testimònis, la susvelhança de las fòrças de l’ordre s’es multiplicada près dels burèus del govèrn e del palais presidencial.
Butafliqa patiguèt en 2013 un ictus e a doncas reduch al minim sas aparicions publicas. Mas, malgrat los dobtes sus sa santat, sa campanha a anonciat que lo president presentariá la documentacion necessària per formalizar sa candidatura deman, qu’es lo darrièr jorn possible.
Las protèstas, convocadas per Internet, se son intensificadas dempuèi la setmana passada e un grand nombre de policièrs an ensajat de las reprimir a Argièr, mai que mai a l’entorn de las principalas institucions. Segon qualques testimònis, la susvelhança de las fòrças de l’ordre s’es multiplicada près dels burèus del govèrn e del palais presidencial.
Butafliqa patiguèt en 2013 un ictus e a doncas reduch al minim sas aparicions publicas. Mas, malgrat los dobtes sus sa santat, sa campanha a anonciat que lo president presentariá la documentacion necessària per formalizar sa candidatura deman, qu’es lo darrièr jorn possible.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Algeria es un país socialista. Jo escolti Radio Alger Centre 3, en ona larga, e posan pas d'anuncis, e las radios francesas tot lo temps estan posant publicitat. Cresi que las multinacionalas e los bancs privats, voldrian poder quedar-se amb lo petroli e las materias primeras.
Le botaflicalha fenirà benlèu empalhat dins le sieu cadieiral, mai que le regime se mantenga...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari