capçalera biera tobiers

Actualitats

InternacionalPolitica

José Bové amb ÈRC a las eleccions europèas

L’eurodeputat ecologista occitan prepausa d’èsser sus la lista del partit catalan en cas que la justícia espanhòla permeta pas a Junqueras de s’i presentar

L’eurodeputat ecologista occitan José Bové, conegut per son sosten als presonièrs politics catalans, a manifestat a la television de Catalonha sa volontat de participar sus la lista d’Oriol Junqueras, lo president d’ÈRC en preson, a las eleccions europèas, en cas que la justícia espanhòla li o permeta pas. Per Bové, “es important que Junqueras siá en tèsta de la lista a las europèas, mas s’el o pòt pas far benlèu ieu pòdi èsser sus la lista catalana. O poiriam ensajar”.
 
Dins l’entrevista, Bové prepausèt que los Vèrds participèsson lo 28 de mai que ven a l’euroeleccion en coalicion amb ÈRC. Dins aquel sens, remembrèt qu’”amb Junqueras e Romeva trabalhàvem per bastir Euròpa dins lo Parlament”.
 
“Es pas possible que sián acusats de violar lo drech de l’estat espanhòl. L’avenir d’Euròpa es en jòc”, çò diguèt l’elegit de Milhau a prepaus del jutjament. Per el, en França seriá impensable qu’un partit d’extrèma drecha foguèsse partida civila e mens encara profechèsse del procès per far “de propaganda politica”. Aital, Bové considèra que la senténcia es ja escricha malgrat que los procuraires pòscan pas provar la violéncia.
 
“Vox, Ciutadans e lo PP forman una coalicion que crei que l’istòria d’Espanha se pòt pas bastir sens lo fantasme que creèt la dictatura”, çò apondèt.
 
 

 
 

 





abonar los amics de Jornalet
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: JORNALET 2025

Comentaris

francesc palma
4.

Se Josep Bover pogués parlar amb occitan jo lo votaria.

  • 4
  • 0
Gèli Grande Lairac en Agenés
3.

E los Verds de l'estat francés que fan ? Plaçan los representants de Regions e Pòbles Solidaris (RPS)
Alfonsi del Partit de la Nacion Còrsa en n°9 e Brassard de l'Union Democratica Bretona en n° 14
Sens dobte per i far de figuracion ... aquò s'apela d'enfumatge

Se los Verds respectavan los pòbles colonizats de l'estat Francés Alfonsi seria plaçat en n°2 o 3
Caldria un miracle per que Alfonsi siaguèsse elegit e vos parli pas de Brassard

Doncas lo 26 de mai votatz "Occitània Liura"


  • 10
  • 9
Guilhèm Thomas Tolosa
2.

"Dins l’entrevista, Bové prepausèt que los Vèrds participèsson lo 28 de mai que ven a l’euroeleccion en coalicion amb ÈRC. "

Una coalicion de l'esquèrra per las eleccions ? Hmmmm ... qu'una idèia estranha ...

L'abséncia de coalicion : es gràcia a aquò que Macron montèt al poder, e es la sola causa que li manten.

FI, los Vèrds, Hamon, an un cèrta part de responsabilitat dins lo fascisme ambient (son pas sols - mas per eles deven ridicule)

  • 5
  • 0
Franc Bardòu
1.

En França seriá impensable qu’un partit d’extrèma dreita foguèsse partida civila e mens encara profieitèsse del procès per far “de propaganda politica” ?

Vos cal obrir los uèlhs, J. Bové : lo partit actualament al poder en França jutja e condemna, e es extrèmament a dreita, plan mai a dreita encara que tot çò que s'èra vist despuèi al mens De Gaule…

Basta, per se'n convéncer, d'observar las manipulacions ideologicas orwellianas dels medias dominants, e mièlhs encara, los metòdis policièrs de persecussion e de repression, presentats coma de "metòdis de manten de l'òrdre", d'un òrdre ultraliberal, plan segur, votat per un pauc mai a pena de 11% del còrs electoral global.

  • 11
  • 0

Escriu un comentari sus aqueste article