Actualitats
Aran: reüssida e espectaclosa Copa del Mond d’Snowboard FIS
Aperaquí tres mila personas son anadas veire los 91 esportius, 56 òmes e 35 femnas, sortits del Mond entièr
La Val d’Aran a aculhit un còp de mai l’espectaclosa Copa del Mond d’Snowboard FIS. A l’eveniment an participat unas tres mila personas que son anadas veire los 91 esportius, 56 òmes e 35 femnas, en provenença d’Alemanha, d’Andòrra, d’Argentina, d’Austràlia, d’Àustria, de Canadà, d’Espanha, dels Estats Units, de França, de Finlàndia, d’Itàlia, de Japon e dels Païses Basses.
Lo sindic d’Aran Carlos Barrera felicitèt l’estacion d’esquí de Vaquèira e se congostèt de la projeccion internacionala del país occitan de cap de Garona. “Arrecéber ua pròva tan importanta coma aguesta en dues escasences en tres ans demòstre eth naut nivèu d’organizacion de Baqueira Beret e era grana capacitat dera Val d’Aran entà acuélher pròves esportiues de prumèr nivèu mondiau, donques qu’un còp mès, fòrça espectators en tot eth mond an pogut conéisher eth nòste país”, çò diguèt.
La primièra plaça de la competicion femenina l’a daverada la chèca Eva Samkova e la segonda es estada per la savoiarda Chloé Trespeuch. L’austrian Alessandro Haemmerle es lo ganhaire de l’espròva masculina, seguit per l’australian Adam Lambert.
Lo sindic d’Aran Carlos Barrera felicitèt l’estacion d’esquí de Vaquèira e se congostèt de la projeccion internacionala del país occitan de cap de Garona. “Arrecéber ua pròva tan importanta coma aguesta en dues escasences en tres ans demòstre eth naut nivèu d’organizacion de Baqueira Beret e era grana capacitat dera Val d’Aran entà acuélher pròves esportiues de prumèr nivèu mondiau, donques qu’un còp mès, fòrça espectators en tot eth mond an pogut conéisher eth nòste país”, çò diguèt.
La primièra plaça de la competicion femenina l’a daverada la chèca Eva Samkova e la segonda es estada per la savoiarda Chloé Trespeuch. L’austrian Alessandro Haemmerle es lo ganhaire de l’espròva masculina, seguit per l’australian Adam Lambert.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Le sit de l'estacion baila un escantilh del lexic del domeni del esquí.
L'aranés es a l'abans-gàrdia terminologica d'activitats modèrnas talas coma l'esquí, un pau jotz influència del castelhan e del catalan. Consí se passa en Aran la "fabrega" d'aqueste vocabulari?
Intercambis entre practicants e lingüistas?
Les lingüistas d'Occitània, e an un avís subre aquestes tèrmes ancians e/o neologismes ?
#1 Qué ne pensi ? Òsca Catalonha liura !…
Siti oficial de l'estacion, en aranés
Sul menut, clicar "Langues" e Aranés
https://www.baqueira.es/
Es una estacion occitana pionnièra a establir un siti e una senhalizacion del domeni en occitan.
De qu'en pensatz?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari