Actualitats
Cauma feminista: “Se las femnas s’arrèstan, lo Mond s’arrèsta”
Las tòcas principalas de la cauma de uèi, 8 de març, son los suènhs, lo consum, lo trabalh domestic, l’educacion. E mai se crida a luchar contra la violéncia e lo racisme
Es l’uèch de març, lo Jorn Internacional dels Dreches de las Femnas. Ongan, aquela commemoracion e revendicacion per l’egalitat de genre es venguda tornarmai una cauma mondiala pels dreches, l’egalitat e la justícia envèrs las femnas, après la reüssida d’arunan. E mai s’aquesta accion feminista es pas gaire visibla dins l’estat francés, mai de 150 estats de la planeta tornaràn viure aquesta cauma, e s’espèra que las manifestacions sián las pus multitudinàrias de l’istòria del combat feminista.
Las tòcas principalas de la cauma de uèi, 8 de març, son los suènhs, lo consum, lo trabalh domestic, l’educacion. E mai se crida a luchar contra la violéncia e lo racisme. Los collectius feministas considèran que se pòt pas parlar d’una cauma generala se, coma l’an passat, compren pas tanben una cauma dels suènhs, del consum e de l’educacion. Lo ponch dels suènhs es un dels principals, perque la carga dels trabalhs domestics e dels suènhs dels parents es totjorn un afar que pertòca mai que mai las femnas, que dins fòrça cases pèrdon l’escasença d’aver un emplec e lor independéncia economica.
Cauma del consum e de l'educacion e anticoloniala
De far uèi una cauma del consum es important. Las femnas son majoritàriament responsablas de far las crompas, lo manjar e l’entreten de l'ostal.
Per rapòrt a l’educacion, lo movement feminista revendica una escòla publica, gratuita, laïca, feminista, liura d’omofobia, qu’eduque en coresponsabilitat e que comprenga l’educacion afectivosexuala completa e divèrsa. Tanben se vòl eliminar l'influéncia de çò del genre dins las carrièras e las escasenças professionalas e implantar de protocòls d’accion eficaces dins los cases de secutament sexual.
Ongan, la mobilizacion vòl refortir lo caire antiracista e anticolonial e atal lo feminisme mondial revendica lo combat contra totas las discriminacions, contra la xenofobia, l’islamofobia e las leis que perseguisson los migrants.
Los òmes son tanben cridats a la mobilizacion
Se tracta d’una cauma de femnas que servís per revendicar los dreches de las femnas, e metre en valor lors prètzfaches sovent mespresats. Los òmes pòdon e devon sosténer e pòdon tanben ajudar a lors collègas caumairas dins los mitans del trabalh o l’educacion, sonhar lors parents e sustot assistir e participar a las mobilizacions.
Pasmens, de collectius feministas avertisson que la tòca principala es de verificar que lo Mond se paraliza quand las femnas s’arrèstan.
Podètz seguir lo debanament de la jornada mejançant l’etiqueta #IWD2019.
Las tòcas principalas de la cauma de uèi, 8 de març, son los suènhs, lo consum, lo trabalh domestic, l’educacion. E mai se crida a luchar contra la violéncia e lo racisme. Los collectius feministas considèran que se pòt pas parlar d’una cauma generala se, coma l’an passat, compren pas tanben una cauma dels suènhs, del consum e de l’educacion. Lo ponch dels suènhs es un dels principals, perque la carga dels trabalhs domestics e dels suènhs dels parents es totjorn un afar que pertòca mai que mai las femnas, que dins fòrça cases pèrdon l’escasença d’aver un emplec e lor independéncia economica.
Cauma del consum e de l'educacion e anticoloniala
De far uèi una cauma del consum es important. Las femnas son majoritàriament responsablas de far las crompas, lo manjar e l’entreten de l'ostal.
Per rapòrt a l’educacion, lo movement feminista revendica una escòla publica, gratuita, laïca, feminista, liura d’omofobia, qu’eduque en coresponsabilitat e que comprenga l’educacion afectivosexuala completa e divèrsa. Tanben se vòl eliminar l'influéncia de çò del genre dins las carrièras e las escasenças professionalas e implantar de protocòls d’accion eficaces dins los cases de secutament sexual.
Ongan, la mobilizacion vòl refortir lo caire antiracista e anticolonial e atal lo feminisme mondial revendica lo combat contra totas las discriminacions, contra la xenofobia, l’islamofobia e las leis que perseguisson los migrants.
Los òmes son tanben cridats a la mobilizacion
Se tracta d’una cauma de femnas que servís per revendicar los dreches de las femnas, e metre en valor lors prètzfaches sovent mespresats. Los òmes pòdon e devon sosténer e pòdon tanben ajudar a lors collègas caumairas dins los mitans del trabalh o l’educacion, sonhar lors parents e sustot assistir e participar a las mobilizacions.
Pasmens, de collectius feministas avertisson que la tòca principala es de verificar que lo Mond se paraliza quand las femnas s’arrèstan.
Podètz seguir lo debanament de la jornada mejançant l’etiqueta #IWD2019.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo Dia de las Femnas Trabalhadoras se celebra en tot lo mond perquè en la Revolucion Russa los homes non podian pas traure al Zar, mas amb l'ajuda de las femnas, amb una setmana aconseguiren treure'l. Visca las Donas Trabalhadoras !
L'Occitanisme hauria d'haver un partit o una organizacion Feminista de las Femnas Occitanas Trabalhadoras per defensar sos drets igualitaris amb los homes. Las donas feministas trabalhadoras son mai de la meitat e son progressista,van contra Vox e l'extrema dreta de la falanja e Franco.
Se las femnas s’arrèstan, lo Mond s’arrèsta ? E se lo mond s'arrèsta, ont es lo problèma ?
Ahir se celebret en tot lo mond lo dia de la dona traballadora. Pas lo dia de la dona, coma nos volen far creire lo PP, los fanquistas e falangistas. Per cert que en Palma hi haguet una participacion molt nombrosa, mai de 20.000 personas.
A Russia en una setmana gràcies a l'ajuda decissiva de las femnas aconseguiren treure al Zar. Los treballadors totsols no podien.
Papioli, crese pas pas vos prenián per un "einnuccent" mas pusleu per quauqu'un qu'a jamai legit de sociologia o d'articles de sciéncias umanas çò qu'es pas tan greu mas ven problematic quand fatz mina de desconsiderar las sciéncias umanas au profiech de teorias plan mens esprovadas (coma l'analisi transaccionala que citatz pas mas a la quau fatz referéncia dins vòstre darrier comentari ; o enguera, quand fatz de las consideracions esotericas sus lo "niveu de consciéncia" que venen drech de pensadas mai o mens New-Age gaire fiablas ; que quelas pensadas vos pueschan servir dins vòstra vita personala, qu'es p'unpiau un problema, e mai tant mielhs, mas que las fatz servir per analisar la societat, qu'es clarament pas fiable mas me respondretz queraque que sei estat formatat per l'escòla...).
#2 Las femnas occitanistas an plan de mau a s'exprimar dins jornalet; deu plan i aver una rason.
L'òm pòd pas imaginar totas la possibilitas qu'i a darrier lo mot feminisme. L'educacion daus goiats es partajada entre los parents es a dire entre un òme e una femna. Una femna qu'a un pauc de grada dins la societat aura pus d'argent qu'un òme au bas de l'eschala. Una femna chefa de meuta aura mai de poder que son vaslet. Autre còp a la campanha, avant la revolucion verta, las femnas eran responsables de la cuisina, de l'educacion daus enfants, daus jardins e l'òme era aus champs. Tot lo monde a la velhada se tornava trobar per chantar o dansar.
Aura dins un apartement es diferent. Avem perdegut tota nocion de responsabilitat. Chacun a lo nas dins son afar e i a pas de ciment vertadier per far una familha. Quò es una espeça de guerra entretenguda perque sem dependent d'un salari.
A d'aquò s'ajota un problem psicologic veire spiritualiste. I a lo pervers e lo dependent afectif. I a la victima, lo bureu, lo salvador. Tots tres forman un cople qu'a besonh dau tres per fonccionar. La victima apela lo salvador que privilegia pus leu la repression que l'educacion e lo bureu es plan content de jugar son ròtle perqu'a daus problems psicologics.
Anem, catam tot aquò e catatz-vos darrier de formulas totas fachas.Apres tot sem daus esclaus de la societat daus capitalistes e aqui avem pas envejat de passat a un niveu superior de consciença.
Arrestatz de me prener (pas solament Bernat/ Mirapeis) per un inocent. Ai una opinion que vòl una autra.Pòde me trompar mas Jornalet prefera las aparenças a una analisa prionda de las causas.
L'escòla a plan preparat a d'aquò.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari