Actualitats
35 oftalmològs de renom demandan la supression de las LBD
Los mètges an mandat una letra al president francés, Emmanuel Macron, inquiets per una “epidemia de plagas ocularas gravissimas”
Una còla de 35 oftalmològs espitalièrs de renom an mandat una letra al president francés, Emmanuel Macron, inquiets per una “epidemia de plagas ocularas gravissimas”, e li demandan “una moratòria” dins l’utilizacion de las dichas balas de defensa (LBD) per las fòrças de l’òrdre. Sens responsa presidenciala, los oftalmològs publiquèron la letra dissabte passat dins Le Journal du Dimanche.
Lo nombre de nafrats grèus dempuèi lo començament de las protèstas del movement dels Gilets Jaunes es alarmant. Los expèrts de l’ÒNU ne comptavan 1700 per mièg febrièr. E dijòus passat, lo secretari d’estat a l’Interior, Laurent Núñez, afirmèt que s’èra registrat mai de 13 000 tirs e que 2200 manifestants èran estats ferits per LDD.
Dins lor letra, los mètges asseguran que los traumatismes “son pas deguts a l’azard o a l’inexperiéncia”. Per eles, aquelas armas son, per natura dangierosas. “Nòstra iniciativa es unicament la de mètges, purament umanista, amb la sola tòca d’evitar d’autras mutilacions”, çò precisan los oftalmològs que cèrcan pas brica una polemica, çò precisan, mas “una reflexion sus l’usatge d’aqueles dispositius”.
Las balas de defensa (LBD), tanben apeladas flashballs, son un dels projectils emplegats per la polícia francesa. Aqueles projectils de 40 mm de cauchó son benlèu l’arma pus perilhosa dins l’arsenal de las fòrças de l’òrdre francesas e an ja provocat de nafraduras fòrça grèvas coma la pèrda d’un uèlh.
Son tanplan criticadas per l’ÒNU, e tanben l’Observatòri de las Practicas Policièras reclama la supression d’aquelas municions e d’autras “armas subletalas”.
Lo nombre de nafrats grèus dempuèi lo començament de las protèstas del movement dels Gilets Jaunes es alarmant. Los expèrts de l’ÒNU ne comptavan 1700 per mièg febrièr. E dijòus passat, lo secretari d’estat a l’Interior, Laurent Núñez, afirmèt que s’èra registrat mai de 13 000 tirs e que 2200 manifestants èran estats ferits per LDD.
Dins lor letra, los mètges asseguran que los traumatismes “son pas deguts a l’azard o a l’inexperiéncia”. Per eles, aquelas armas son, per natura dangierosas. “Nòstra iniciativa es unicament la de mètges, purament umanista, amb la sola tòca d’evitar d’autras mutilacions”, çò precisan los oftalmològs que cèrcan pas brica una polemica, çò precisan, mas “una reflexion sus l’usatge d’aqueles dispositius”.
Las balas de defensa (LBD), tanben apeladas flashballs, son un dels projectils emplegats per la polícia francesa. Aqueles projectils de 40 mm de cauchó son benlèu l’arma pus perilhosa dins l’arsenal de las fòrças de l’òrdre francesas e an ja provocat de nafraduras fòrça grèvas coma la pèrda d’un uèlh.
Son tanplan criticadas per l’ÒNU, e tanben l’Observatòri de las Practicas Policièras reclama la supression d’aquelas municions e d’autras “armas subletalas”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 Per quitar d'emplegar los gazatges sistematics e los LBD, cal arrestar lo manten del desòrdre instaurat per las servilitats dels governaments successius a la volontat ideologicament consiuderada coma "superiora" del MDEF e dels psicopats que lo compausan. Aital s'arestaràn las manifestacions. Aital s'arestaràn las violéncias : la voliéncia acutala intolerabla a un nom : lo neoliberalisme, incompatible a tota nocion seriosa e rigorosa de democracia…
Dialòg amb mon oftalmològ (en decembre, autentic), a prepaus del brave rambalh que nos a organizat lo Macron, aquela intelligéncia superiora (los « jornalistas » televisius quitan pas d’o rapelar) formatada per sa grand, ensenhaira jacobina complexada (parents bearneses) :
Ieu : Se vei que los parents son pas estats fotuts d’avalir lor rebròt.
Oftalm : E sabètz lo mestièr dels parents ?
Ieu : Òc, èran medecins.
Oftalm : Òc ben. Mas, l’especialitat de la maire ?
Ieu (après romiar quelques segondas) : Pediatra.
Oftalm : E òc.
Ieu : Es per aquò que s’ocupèt tan plan del mainat ?!
Oftalm : O vos fau pas dire…
se pòt signar la peticion aiçí https://www.change.org/p/les-soignants-fran%C3%A7ais-pour-un-moratoire-sur-l-utilisation-des-armes-dites-moins-l%C3%A9tales
#3
E justament lo manten de l'òrdr es una fonccion ragaliena qu'aparten sonque a l'estat. La finança internacionala, e es pas lo Medef, i cunha pas lo nas aqui dedins.
E es pas la finança internacionala que Taxa mai l'essença e lo diesel, nimai que taxa las cabanas de jardin, nimai la CSG nimai tot lo demai. Lo mond an taxas 11 novèlas taxas desempuèi l'arrivada del Macron.
Solament las taxas redusissan lo poder de crompas e se crompas pas arrenga pas l'econòmia de ton país, i a pus de cresssença e se pcap pus de creissença i a de caumatge e se i a caumatge costa enquèra mai car.
E la finança internacionala, l'enemic de l'autre arlèri d'Hollande, e ben presta d'argent a l'estat a un taus d'interés pichon de còps negatiu.... e l'estant manlèva e remanlèva, mas un jorn los taux d'interés van pujar e aqui faràs coma grècia saràs aroinat.
E calia pas crèire de segur qu'europa anava melhora ton nivèl de vida, europa es una mesa a nivèl de nivèl de vida per lo bas e pas per lo naut !
Alavetz vas contunhar de t'apaurir enquera e enquera, fins que la finança internacionala shiula la fin de partida, d'aqui que pòdes pus crompar ren de ren, çò qu'arenga degun, nimai los supauzats crompaire e subretot pas los vendedors e los vendedors son de segur la finança internacionala
@2 : "Es pas lo Medef qu'es en carga del manten de l'òrdre" : Non, mas es el que dona òrdre a totes : lo govern, l'assamblada, lo senat, ...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari