capçalera campanha

Actualitats

Politica
crotz-tolosaCreated with Sketch.GasconhaVal d'Aran

Vielha: lo govèrn de Catalonha ratifica l’acòrdi del finançament del Conselh General d’Aran

Quim Torra remembrèt que la Lei d’Aran reconeis lo drech d’autodeterminacion del pòble aranés, dins una reünion bilaterala entre los govèrns aranés e catalan

La Generalitat de Catalonha a ratificat l’acòrdi de finançament del Conselh General d’Aran amb una validitat per cinc ans. O manifestèron ièr a Vielha lo president de la Generalitat en foncions, Quim Torra, e lo sindic d’Aran, Carlos Barrera dins l’encastre d’una reünion bilaterala de las doas administracions ont tanben participèron la conselhièra de la presidéncia, Elsa Artadi e lo vicesindic d’Aran César Ruiz Canela.
 
Per Torra, es un bon moment per assolidar las “relacions bilateraus entre es dus païsi, entre es dues realitats nacionaus”, dins aquel sens faguèt una crida a potenciar “aguesta ententa catalanoaranesa entà reforçar es nòsti païsi coma baluards dera democracia e dera libertat en un moment cambiant e incert”.
 
“Eth progrès e era prosperitat des aranesi beneficiarà tostemp ath benèster, ath progrès e ara prosperitat des catalans”, çò manifestèt Torra en tot precisar qu’“ei  atau coma comprenem era manèra de restacar-se entre nacions: establint pònts, en tot melhorar es condicions de vida, en tot escambiar cultura e lengua, en tot respectar es realitats istoriques e, sustot, es desirs de present e de futur”.
 
 
Lo drech d’autodeterminacion d’Aran
 
Dins sa conferéncia de premsa, Torra solemnizèt tanben la reconeissença de drech d’autodeterminacion d’Aran, aprovat pel Parlament de Catalonha lo 23 de mai de 2013, e remembrèt qu’aquel drech es tanben reconegut dins la Lei d’Aran de 2015.
 
Lo president catalan remarquèt que la reconeissença d’Aran es traducha dins la creacion d’un secretariat per las relacions bilateralas entre las doas administracions. En apondent qu’es la volontat del govèrn de la Generalitat de “desvolopar era lei que definís eth regim especiau d’Aran en totes es sues capacitats e possibilitats”.
 
En mai d’aquò, Torra manifestèt tanben son sosten a la candidatura Pirenèus-Barcelona dels Jòcs Olimpics d’Ivèrn, ont Aran i auriá un ròtle especial e soslinhèt qu’“eth progrès e era prosperitat des aranesi beneficiarà tostemp ath benèster, ath progrès e ara prosperitat des catalans”.
 
Enfin, lo president comprenguèt la reünion bilaterala coma “era manèra de restacar-se entre nacions: establint pònts, en tot melhorar es condicions de vida, en tot escambiar cultura e lengua, en tot respectar es realitats istoriques e, sustot, es desirs de present e de futur”.
   
 

 

 
 
Promocion de l’aranés
 
Un dels acòrdis daverats dins aquela reünion es de promòure l’occitan aranés dins l’encastre institucional en lo rendre present, progressivament. dins los sits web del govèrn catalan, e de donar a totes los ciutadans la possibilitat de far en aranés sas cambadas amb l’administracion de la Generalitat.
 
En mai d’aquò s’es aprovat un plan per concretizar l’estudi de la lenga nòstra dins l’Institut Dobèrt de Catalonha, los examens preüniversitaris en aranés, e l’usatge de l’occitan dins las bibliotècas d’Aran e de Catalonha tota. E mai s’es decidit un plan d’accion per melhorar la preséncia de la lenga del país dins lo domeni de la santat.
 
 
De transferiments al Conselh General
 
Lo govèrn catalan aprovèt tanben lo transferiment al Conselh General d’Aran de la gestion dels espacis naturals protegits e dels altipòrts e elipòrts, amb una dotacion financièra importanta per que lo govèrn aranés o pòsca menar a bon tèrme.
 
La Generalitat s’engatja a finançar lo Conselh General amb l’argent de besonh per poder gerir son autogovèrn e desvolopar sas foncions. Lo montant final lo decidiràn los dos govèrns dins las setmanas avenidoiras. La prevision es que devèrs l’an 2023 lo montant siá d’environ 29 milions d’èuros.
 
 
Reconeissença de las federacions esportivas aranesas
 
Un autre acòrdi d’aquel conselh executiu foguèt de modificar la Lei de l’Espòrt de Catalonha per reconéisser las federacions esportivas aranesas. Aquela modificacion  se realizarà en collaboracion amb lo Conselh Generau d’Aran.
 
 
 

 
 

 

 






abonar los amics de Jornalet
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Enric Saporta Bidàishen
1.

Aqueste compte twiteer qu'ei en aranés, o sia que la lengua escuelhuda i ei l'aranesa. Díser que la lenga i ei occitana que manca de precision, pr'amor l'occitan ne's pòt pas conhóner dab l'aranés. Segon las declaracions oficiaus, qe vòlen dehéner la literatura e la lengua aranesas, non parlan pas de las occitanas. Que hè pena.

  • 0
  • 0

Escriu un comentari sus aqueste article