Se sarra la 16a edicion de Passa-Pòrts. lo festenal comengés de la cultura occitana se tendrà a Montrejau (Nebosan) los 5 e 6 d’abril venents.
 
Nascut en 2004, Passa-Pòrts es ara un festenal conegut e reconegut. S’agís d’una veirina de la cultura occitana que s’adreiça als occitans, sián occitanofòns o pas, per far reviure la passion de la cultura e la lenga del país.
 
Lo programa d’ongan compta amb d’artistas de Comenge e d’endacòm mai coma l’aranesa Alidé Sans, lo duo roergàs Bal Cance-Courtial e un nòu grop comengés nomenat Eth Chòt e companhia. Quant a la participacion internacionala compta amb los catalans La Sonsoni e lo ret Viva Tramonatana qu’engatja d’artistas gascons, italians e poloneses.
 
Passa-pòrts aculhirà tanben, coma es abitual, la nomenada Jornada deths Gafets, ont d’escolans de Comenge de Bigòrra faràn de teatre, cançons, danças e jòcs tradicionals e participaràn a un concèrt d’Alidé Sans.
 
 

---

Per mai d'informacion e inscripcions:
Tel.: +33(0)6 34 95 71 22
Email: contact@ostaucomenges...
Web: http://www.ostaucomenges.org
Pagina Facebook: @ethostau.comenges



 

fffff		fffff
	Eth programa   Divendres 5 d’abriu    10 h – 16 h: era Jornada deths Gafets  450 gafets qu’aprenguen eth occitan en classa que i participaràn. Eth maitin: presentacion d’espectacles aprestats en classa (teatre, cant, dança), mini-bal tradicionau, talhèr de quilhas ath malhet, concert Canta, gafets (concert dam era participacion de 85 escolans deth cicle 3), concert Alidé Sans, cantada finala.   20h30: taula arredona “Parla, dançar, trebalhar e esperar (Pirenèus, Itàlia, Polonha)”  Damb era participacion deths nòstis partenaris de Viva Tramontana!: Giovanni Agresti (Era lenga ena sua diversitat), Maciek Kierzkowski (Era dança e eth cant tradicionaus), Bernat Ménétrier (Erbejar e amontanhar), Fabrice Bernissan (Eth culte mariau).   Dissabde 6 d’abriu   10 h – 17 h: estagis D’acordeon diatonic (Lolita Delmonteil), de danças deras montanhas d’Euròpa (animators Viva Tramontana), de danças deths Pirenèus Catalans (Pep Lizandra e La Sonsoni), de cant vocau (Wilfried Abo, deth grop Arredalh) e de fabricacion de halhòts dera Sent Joan (Bernat Ménétrier e Philippe Reuge).   18h: bal damb La Sonsoni (danças de Catalonha e de pertot)   19h30: cantada   20h15: arrepèish comengés damb eths productors   21h: concert d'Alidé Sans   22h: bal Cance-Courtial   00h: bal Eth Chòt e compànhia.

 
Vidèo de 2018