capçalera campanha

Actualitats

Politica

Lo govèrn francés enebís las manifestacions sus la Plaça Pey-Berland de Bordèu e sus la Plaça del Capitòli de Tolosa

Aquelas mesuras arriban un mes après qu’un grop d’expèrts de l’ÒNU denoncièron de restriccions grèvas als dreches dels manifestants Gilets Jaunes

| Cathy Viatour
Lo govèrn francés enebís las manifestacions en divèrses endreches, dont la Plaça Pey-Berland de Bordèu e la Plaça del Capitòli de Tolosa. O anoncièt diluns passat lo primièr ministre Edouard Philippe coma mesura “d’estrategia de lucha contra las violéncias”. Segon Philippe, enebiràn a partir de dissabte que ven “las manifestacions dins lo quartièrs mai tocats tre que d’elements ultras seràn presents. Pensi als Aliscamps [de París], a la plaça del Capitòli de Tolosa...”, çò precisèt.
 
En mai d’aquò, lo primièr ministre tanben avancèt que prefècte de polícia de París, Michel Delpuech, seriá destituit uèi dimecres, dins una estrategia de reorganizacion del “mantenement de l’òrdre”.
 
Aquelas mesuras arriban un mes après qu’un grop d’expèrts de l’ÒNU denoncièron de restriccions grèvas als dreches dels manifestants Gilets Jaunes. “Lo drech de manifestar en França es estat restrench de manièra desproporcionada” al temps de las manifestacions dels Gilets Jaunes, e “las autoritats deurián repensar lors politicas en matèria de mantenement de l’òrdre per garentir l’exercici de las libertats”, çò afirmavan.
 
 

 
 

 
 
 


abonar los amics de Jornalet
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: SIDILLÀ

Comentaris

Pitaluga
4.

Lo govèrnament francés li demòra pas pus qu'interdire lo pòble. Aital lor casta de privilegiats, que se creson qu'an lo sang blu coma los nòbles d'autres còps, se poirà passar la vida en vacanças e a se carpinhar entre eles, mòrts de gelosiá uns dels autres.

  • 2
  • 0
Mèfi! 31
3.

Plaça del Capitòli
La plaça es pedonièira; consí se destrian, passejaires e manifestaires?
Le gilet jaune? Mas de manifestaires cargan pas de gilet jaune...
E a partir de quantes passejaires o badaires acampats i'a una manifestation?
Cal demorar dínquias a dissabte que vèn... :)

  • 2
  • 0
francesc palma
2.

Los gecs jaunes saben que fan, defensar a las classa trabalhadora. Macroneta es una titelha qu' està la praubreta a las ordres de la banca privada e de las multinacionalas capitalistas salvatges. Pot enebir lo que vulga, que davant ca seva estiga enebit de far manis, que davant los bancs qu' el fa las leis perquè pugan raubar a mans plenas al poble, sobretot paure. Las bandieras occitanas e catalans han de seguir flamentjant per las carrieras junt a las bandieras dels trabalhadors de sempre, la bandiera roja, las dels sindicats d'ensenhants....

  • 2
  • 0
Guilhèm Thomas Tolosa
1.

Servirà pas a res.

  • 1
  • 0

Escriu un comentari sus aqueste article