Lo ciclòn Idai a tuat mai de dos cents personas sus la còsta del sud-èst d’Africa. Diluns de ser, la chifra oficiala de mòrts èra d’84 en Zimbabwe e d’89 en Malawi. Moçambic compta almens 120 victimas del temps que se ditz que seriá la pièger tragèdia naturala que l’aja patida lo país. Lo president Filipe Nyusi parla d’un milièr de victimas.
 
Los bilances son a l’ora d’ara provisòris, perque los aigats an tocat una superfícia enòrma que ne complica lo calcul. E mai lo nivèl de l’aiga es tròp naut e las estradas e los camins de fèrre son en fòrça luòcs inutilizables.
 
La Crotz Roja Internacionala a alertat que la situacion es particularament “òrra” dins la vila de Beira, lo segond pòrt moçambican pus important, ont “lo 90% de l’airal es afectat o destruch”.
 
 

Beira, la deuxième ville du Mozambique, et ses environs ont été fortement endommagés par le cyclone Idai #AFPpic.twitter.com/aqWClnSaJu

— Agence France-Presse (@afpfr) 18 de març de 2019

 
 

BREAKING: Mozambique's president says he believes the death toll for Cyclone Idai may top 1,000. The cyclone first hit Mozambique's central port city of Beira last week, devastating the city of 500,000. https://t.co/Ph1WvktRyO

— The Associated Press (@AP) 18 de març de 2019