Actualitats
Torna la Macarelada
Al programa d’aquela “fèsta de la la convivéncia e del paratge” avèm de teatre en occitan, un concèrt d’Aqueles e un balèti amb Les Iretges. Rendètz-vos lo 13 d’abril a l’Avelhanet
Lo 24 de febrièr de 2018 se debanava la darrièra Macarelada a Sant Joan de Vedats (Montpelhierenc). Ara, la societat de merchandising occitanista reviscòla l’eveniment que se debanarà pel primièr còp en País d’Òlmes. Atal, la primièra Macarelada de la novèla sason aurà luòc lo 13 d’abril que ven a l’Avelhanet.
Al programa d’aquela “fèsta de la convivéncia e del paratge” i aurà de teatre en occitan, un concèrt del trio vocal Aqueles e un balèti amb Les Iretges. Tot aquò acompanhat d’un repais tirat de la saqueta e d’un estanquet assegurat per la calandreta del País de Pàmias.
L’eveniment començarà a 17h30 e se tendrà al numèro 1 del Camin de la Coma, a l’Avelhanet (vejatz la mapa).
Nòva estapa de Macarèl
Macarèl, l’entrepresa de merchandising occitanista, tampèt definitivament sa botiga de Sant Joan de Vedats (Montpelhierenc) a la fin del mes de febrièr. Ara, establits al País d’Òlmes, Evalina Houlès e Danís Cantournet an fach reviscolar la Macarelada.
Mentretant, se pòt totjorn trapar sos produches sul sit macarel.org e a la botiga de Tolosa que se tròba en Carrièra del Taur. Macarèl contunha de trabalhar amb las associacions, mas ara las comandas se devon far sus Internet.
Al programa d’aquela “fèsta de la convivéncia e del paratge” i aurà de teatre en occitan, un concèrt del trio vocal Aqueles e un balèti amb Les Iretges. Tot aquò acompanhat d’un repais tirat de la saqueta e d’un estanquet assegurat per la calandreta del País de Pàmias.
L’eveniment començarà a 17h30 e se tendrà al numèro 1 del Camin de la Coma, a l’Avelhanet (vejatz la mapa).
Nòva estapa de Macarèl
Macarèl, l’entrepresa de merchandising occitanista, tampèt definitivament sa botiga de Sant Joan de Vedats (Montpelhierenc) a la fin del mes de febrièr. Ara, establits al País d’Òlmes, Evalina Houlès e Danís Cantournet an fach reviscolar la Macarelada.
Mentretant, se pòt totjorn trapar sos produches sul sit macarel.org e a la botiga de Tolosa que se tròba en Carrièra del Taur. Macarèl contunha de trabalhar amb las associacions, mas ara las comandas se devon far sus Internet.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Òsca, sénher Cantornet! E òsca a vòstra còla!
Aqueles eveniments son tras que necessaris.
Quan vos senti que facets aquestas actuacions musicalas e manjar, m' entren unas ganas de poder hi anar.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari