Actualitats
De centenats de femnas birmanas son vendudas a de ciutadans chineses per las far enfantar
Los crompaires las tenon embarradas e las viòlan fins que vengan prenses, e puèi lo crompaire-violaire lor pren lor enfant
L’organizacion umanitària Human Rights Watch (HRW) ven de denonciar un fach esglasiant: la venda de femnas birmanas a de ciutadans chineses amb la tòca de las far procrear. Segon un rapòrt publicat aquesta setmana, de centenats de femnas son crompadas dins los camps de refugiats del nòrd de Birmania e menadas en China ont los crompaires las tenon embarradas e las viòlan fins que vengan prenses. Puèi, lo crompaire-violaire lor pren lor enfant e dins la majoritat de cases las daissa partir.
“Dona-nos un enfant e te daissarem partir”
Lo rapòrt es entitolat “Dona-nos un enfant e te daissarem partir” e amassa lo testimoniatge de 37 victimas d’aquel ret de trafec de femnas. Prometon a las filhas un emplec de l’autre costat de la frontièra. Puèi, segon çò qu’explican, las drògan durant lo viatge e se desvelhan estacadas dins una cambra barrada. Sens saber pas res sus l’emplec promés e sens poder pas comunicar amb degun, las femnas se veson somesas a la volontat del crompaire.
Segon la comission dels Dreches Umans de Birmania, en 2017 s’enregistrèron 226 cases, mas las organizacions umanitàrias que trabalhan sus plaça creson que la chifra pòt èsser fòrça pus granda.
Refugiadas de la guèrra contra los kachins
Las femnas desplaçadas devèrs los camps de refugiats son de victimas dels atacs de l’armada birmana contra los grops independentistas de Kachin. Lo pòble kachin a pas d’estat pròpri e es administrat per Birmania, China e ĺndia. Parlan la lenga jingpho.
Aquela situacion a desplaçat mai de 100 000 personas, la majoritat de femnas e d’enfants, devèrs los camps de refugiats près de la frontièra chinesa. Los òmes son al front.
Una China que manca de femnas joves
En China, la politica de l’enfant unic, impausada per l’estat chinés entre 1979 e 2015, entraïnèt l’abandon de maitas nenetas a causa de la preferéncia pel genre masculin. Per tant, segon qualques estimacions, la populacion de femnas entre 15 e 29 ans es bassa, i auriá entre 30 e 40 milions d’òmes de mai que de femnas dins aquel segment de la populacion.
Aquel problèma demografic a de consequéncias tragicas coma lo trafec de femnas d’autres païses per las far enfantar. De milièrs de familhas chinesas causisson de crompar de mainats e de femnas als rets de trafegaires.
Lo testimoniatge de Seng Moon
Demest los 37 testimoniatges que conten lo rapòrt d’HRW, mençonarem coma exemple lo de Seng Moon. La vendèt un òme de sa familha a un ciutadan chinés que la tenguèt embarrada e estacada pendent qualques meses mentre que la violava periodicament. Quand venguèt prens, l’òme li diguèt que la daissariá tornar en Birmania, mas que l’enfant demorariá amb el.
Aquel es lo raconte majoritari de las femnas que reüssisson a tornar en Birmania. Sembla que los crompaires-violaires de femnas cèrquen pas d’aver una femna mas un enfant.
HRW a publicat un vidèo sus YouTube amb lo testimoniatge de qualques unas d’aquelas joventas.
“Dona-nos un enfant e te daissarem partir”
Lo rapòrt es entitolat “Dona-nos un enfant e te daissarem partir” e amassa lo testimoniatge de 37 victimas d’aquel ret de trafec de femnas. Prometon a las filhas un emplec de l’autre costat de la frontièra. Puèi, segon çò qu’explican, las drògan durant lo viatge e se desvelhan estacadas dins una cambra barrada. Sens saber pas res sus l’emplec promés e sens poder pas comunicar amb degun, las femnas se veson somesas a la volontat del crompaire.
Segon la comission dels Dreches Umans de Birmania, en 2017 s’enregistrèron 226 cases, mas las organizacions umanitàrias que trabalhan sus plaça creson que la chifra pòt èsser fòrça pus granda.
Refugiadas de la guèrra contra los kachins
Las femnas desplaçadas devèrs los camps de refugiats son de victimas dels atacs de l’armada birmana contra los grops independentistas de Kachin. Lo pòble kachin a pas d’estat pròpri e es administrat per Birmania, China e ĺndia. Parlan la lenga jingpho.
Aquela situacion a desplaçat mai de 100 000 personas, la majoritat de femnas e d’enfants, devèrs los camps de refugiats près de la frontièra chinesa. Los òmes son al front.
Una China que manca de femnas joves
En China, la politica de l’enfant unic, impausada per l’estat chinés entre 1979 e 2015, entraïnèt l’abandon de maitas nenetas a causa de la preferéncia pel genre masculin. Per tant, segon qualques estimacions, la populacion de femnas entre 15 e 29 ans es bassa, i auriá entre 30 e 40 milions d’òmes de mai que de femnas dins aquel segment de la populacion.
Aquel problèma demografic a de consequéncias tragicas coma lo trafec de femnas d’autres païses per las far enfantar. De milièrs de familhas chinesas causisson de crompar de mainats e de femnas als rets de trafegaires.
Lo testimoniatge de Seng Moon
Demest los 37 testimoniatges que conten lo rapòrt d’HRW, mençonarem coma exemple lo de Seng Moon. La vendèt un òme de sa familha a un ciutadan chinés que la tenguèt embarrada e estacada pendent qualques meses mentre que la violava periodicament. Quand venguèt prens, l’òme li diguèt que la daissariá tornar en Birmania, mas que l’enfant demorariá amb el.
Aquel es lo raconte majoritari de las femnas que reüssisson a tornar en Birmania. Sembla que los crompaires-violaires de femnas cèrquen pas d’aver una femna mas un enfant.
HRW a publicat un vidèo sus YouTube amb lo testimoniatge de qualques unas d’aquelas joventas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Tot barbaritats, ells s'han equivocat, i després, han fet maleses i grans barbaritats.
Sempre n'hi ha algun en algun lloc del Mon, disposat a fer una destrossa.
Quan s'acabarà, ja seria hora, una mica de felicitat per tothom.
Visca la Terra...lliure!
L'Ernest, "El Tàrrega".
Las familhas molt paubras son las primieras que venon las filha, a personas que viuen a la Xina e d'altras bandas, que volen haver un filh. La missèria al mond existeis desgraciadament e lo comunisme e lo socialisme pot ajudar a que la riquesa estiga mai repartida. Emai hi ha las guerras per acabar-ho de agreutjar.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari