Un milion de personas, segon los organizaires, manifestèron dissabte passat a Londres e dins d’autras vilas del Reialme Unit per demandar un segond referendum sul Brexit. Lo blocatge politic actual e la dificultat d’aprovar l’Acòrdi de Retirament al parlament de Westminster a fach emergir la reclamacion de tornar demandar als ciutadans que vòten se vòlon la sortida del Reialme Unit de l’Union Europèa, tres ans après lo referendum.
 
La mobilizacion comencèt a Hyde Park e avancèt fins a la plaça del parlament, ont se faguèron los parladisses. Demest los manifestants i aviá lo cònsol de Londres, Sadiq Khan, del Partit Trabalhista, e la primièra ministra d’Escòcia, Nicola Sturgeon. En octòbre passat, una manifestacion contra lo Brexit amassèt ja 700 000 personas a Londres.
 
Fins ara, la primièra ministra britanica, Theresa May, refusèt en divèrsas ocasions la possibilitat de convocar un segond referendum sul Brexit. Lo cap de l’oposicion, lo trabalhista Jeremy Corbyn, diguèt ja que lo Partit Trabalhista sostendriá un segond referendum per evitar en darrièra instància un “Brexit conservator” se lo govèrn refusava de negociar amb Brussèlas una relacion mai estrecha.
 
 

This is incredible. #PeoplesVoteMarchpic.twitter.com/EkLFQtwEcO

— Zoë Paramour (@ZoeParamour) 23 de març de 2019

 

Hundreds of thousands join #PeoplesVoteMarch in central Londonhttps://t.co/wR1boHZnScpic.twitter.com/xMQnmPNwug

— BBC Politics (@BBCPolitics) 23 de març de 2019

 

Some of the media attack our judges as enemies of the people.

The Prime Minister attacks our MPs for standing up for ordinary people.

Well - we are the people - and when it comes to #Brexit we want a say over our future. #PeoplesVote#PeoplesVoteMarchpic.twitter.com/6Lh93cdb3J

— Sadiq Khan (@SadiqKhan) 23 de març de 2019