CAPÇALERA PAIS INVISIBLE

Actualitats

EconomiaInternacionalPoliticaSocietat

Londres: un milion de britanics an reclamat un segond referendum sul Brexit

Fins ara, May a refusat mai d’un còp la possibilitat d’un segond referendum, que totun sostendrián los trabalhistas

Un milion de personas, segon los organizaires, manifestèron dissabte passat a Londres e dins d’autras vilas del Reialme Unit per demandar un segond referendum sul Brexit. Lo blocatge politic actual e la dificultat d’aprovar l’Acòrdi de Retirament al parlament de Westminster a fach emergir la reclamacion de tornar demandar als ciutadans que vòten se vòlon la sortida del Reialme Unit de l’Union Europèa, tres ans après lo referendum.
 
La mobilizacion comencèt a Hyde Park e avancèt fins a la plaça del parlament, ont se faguèron los parladisses. Demest los manifestants i aviá lo cònsol de Londres, Sadiq Khan, del Partit Trabalhista, e la primièra ministra d’Escòcia, Nicola Sturgeon. En octòbre passat, una manifestacion contra lo Brexit amassèt ja 700 000 personas a Londres.
 
Fins ara, la primièra ministra britanica, Theresa May, refusèt en divèrsas ocasions la possibilitat de convocar un segond referendum sul Brexit. Lo cap de l’oposicion, lo trabalhista Jeremy Corbyn, diguèt ja que lo Partit Trabalhista sostendriá un segond referendum per evitar en darrièra instància un “Brexit conservator” se lo govèrn refusava de negociar amb Brussèlas una relacion mai estrecha.
 
 

 

 

 
 
 


abonar los amics de Jornalet
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Pitaluga
2.

Los embolhs son creats dels dos costats per evitar la sortida dels angleses (los "europeans" an pro plorat sus la pèrda que serà d'aver pas pus Anglatèrra dins l'Union (mas fan pas res per que los escosseses i demòren!) per que i aja pas de dobtes sul sicut. Lo resultat del referendum deviá far sortir Anglatèrra per la pòrta e se vei que nos la tòrnan ficar dedins per la fenèstra. Coma la « constitucion » europèa refusada en 2004. Cal fòrabandir aqueles arlèris que vòlon far lo ben del pòble contra lo pòble.

  • 2
  • 0
francesc palma
1.

Conh de fachas, fins que sortís lo qu'els volen farian referendums. Colhoneras !

  • 2
  • 1

Escriu un comentari sus aqueste article