Rugbi Top 14. Jornada 22: Lo derbi peus baionés

Quin ambient a Baiona! Davant 17 000 personas los baionés dominèren en mesclada los de Biàrritz en fin de partida e com lo rugbi comença davant, qu'es una victòria logica.

 

Briva ne pòdet pas tornar deu Racing dab un punt de bonus defensiu. Sustot per prumèir còp de la sason, la defensa de Briva prenèt l'aiga a l'exterior dab quate ensais encaishats. Esperam per eths que s'arretrobaram abans la partida la setmana que vien a Tolosa.

 

La còla de Guy Novès voldrà se har pardonar una eliminacion prematurada en copa d'Euròpa e una navèra des·hèita a l'exterior a Perpinhan. Los catalans, eths non manquèren pas aqueth rendetz vos important dens l'encastre deu mantengut en Top 14.

 

Clarmont non sabèt pas profeitar deu navèth contra-temps tolosenc per préner la plaça simbolica de numèro 1. Ne podèren pas préner lo punt de bonus ofensiu contra l'estadi francés. 

 

Tolon es un chic en dificutat en campionat aquera fin de sason a l'exterior. Son partits d'Agen dab un entrenaire, Bernard Laporte, hòrt esmaliciat. La setmana de tribalh serà rigorosa dens lo Var.

 

Agen qu'es assegurat de jogar en Top 14 l'an que vien. Son a har una sason de grana qualitat.

La còla en forma, Montpelhièr, dab los 43 punts marcats e un hack trick de Gorgodze, comença a marcar los esperits d'aquera partida que cau estar urós de véder l'entrenaire, Eric Béchu, tornar entrenar après una abséncia de quate mes ligat a un càncer.

 

Per la partida Castras - Begla-Bordèu las duas còlas podèn aver degrèu. Com totjamei aquera sason Begla-Bordèu perpausèt jòc e marquèren enqüera dus ensais. Mès lo carton jaune de Rofes a la minuta 29 costèt car dab 10 punts marcats peus de Castras quan jogavan a 15 contra 14. Los de Castras, dab quate ensais marcats, poden tanben regretar de non aver pas marcat lo punt de bonus ofensiu.

 

Castras 44-20 Begla-Bordèu

Baiona 24-19 Biàrritz (BD)

Agen 22-13 Tolon

Clarmont 25-9 Estadi francés

Montpelhièr (BO) 43-12 Lion

Racing (BO) 40-19 Briva

Perpinhan 25-10 Tolosa

 

BO Bonus Offensiu

BD Bonus Defensiu

	Equipa	P	J	G	R	P	B	Bp	Bc	Diff
1	Estadi Tolosenc	78	23	17	1	5	8	557	389	168
2	ASMCA	78	23	17	2	4	6	546	311	235
3	RC Tolon	63	23	12	4	7	7	502	341	161
4	Montpelhièr HRC	62	23	13	1	9	8	558	447	111
5	Racing Métro	59	23	12	1	10	9	515	478	37
6	Castras O	59	23	12	3	8	5	499	449	50
7	Estadi Francés	53	23	10	2	11	9	515	522	-7
8	SU Agen	48	23	11	1	11	2	429	491	-62
9	USA Perpinhan	44	23	8	2	13	8	421	484	-63
10	Biàrritz OPB	43	23	8	2	12	7	370	479	-109
11	CA Briva	42	23	7	1	15	12	364	378	-14
12	U Begla-Bordèu	41	23	9	0	14	5	404	566	-162
13	Aviron Baionés	38	23	7	3	13	4	399	559	-160
14	Lion OU	30	23	5	3	15	4	323	508	-154

 

 

 

Grenòble n'a pas hèit dens lo detalh contra los de La Rochèla qu'aurén plan pres un punt de bonus defensiu.

 

Pau ganhèt una partida a non pas pérder contra Periguers ja relegat. Los bearnés regretaràn benlèu a la fin de la sason de non pas aver pres lo bonus ofensiu.

 

La setmana que vien, la partida La Rochèla contra la Seccion ne serà pas a mancar per préner la tresau plaça hòrt importanta dens l'amira de la fasas finalas.

 

Dab la soa victòria contra lo dusau Dacs, Carcassona continua a escríver la soa istòria per jogar la qualificacion a la fin de la sason.

Las resultas:
 

Grenòble 35-3 La Rochèla

Narbona 29-14 Tarba

Aush 28-10 Ais de Provença

Besièrs 18-11 Bourgoin

Periguers 16-22 Pau

Carcassona 34-20 Dacs

Oyonnax 29-12 Orlhac 

Lo Mont de Marsan 24-3 Albi