Actualitats
Eleccions europèas: EELV renovèla son pache amb los sobeiranistas e plaça Alfonsi en posicion elegibla
L’aliança entre ecologistas e regionalistas es abituala dempuèi 1989, mas la faguèron pas durant las darrièras eleccions europèas de 2014
Euròpa Ecologia – Los Verds (EELV) a anonciat una associacion amb la federacion de partits politics sobeiranistas nomenada Regions e Pòbles Solidaris, que lo Partit Occitan (PÒC) ne fa partida.
La lista, qu’es menada per l’ecologista Yannick Jadot, comprendrà dos sobeiranistas en posicions elegiblas: l’èx-eurodeputat còrs François Alfonsi serà a la novena posicion de la lista, del temps que la catorzena es per la bretona Lydie Massard. Seguisson los candidats del Bascoat e d’Occitània, qu’aurián pas de possibilitats d’obténer un sèti a l’eurocambra.
Lo secretari nacional d’EELV, David Cormand, a remarcat la connexion entre “regionalisme e ecologisme”, en tot defendre la sobeiranetat dels territòris. Aquela aliança entre las doas fòrças es abituala dempuèi 1989, mas la faguèron pas pendent las darrièras eleccions europèas de 2014.
Segon los sondatges, la candidatura obtendriá entre lo 6% e lo 10% dels vòtes.
La lista, qu’es menada per l’ecologista Yannick Jadot, comprendrà dos sobeiranistas en posicions elegiblas: l’èx-eurodeputat còrs François Alfonsi serà a la novena posicion de la lista, del temps que la catorzena es per la bretona Lydie Massard. Seguisson los candidats del Bascoat e d’Occitània, qu’aurián pas de possibilitats d’obténer un sèti a l’eurocambra.
Lo secretari nacional d’EELV, David Cormand, a remarcat la connexion entre “regionalisme e ecologisme”, en tot defendre la sobeiranetat dels territòris. Aquela aliança entre las doas fòrças es abituala dempuèi 1989, mas la faguèron pas pendent las darrièras eleccions europèas de 2014.
Segon los sondatges, la candidatura obtendriá entre lo 6% e lo 10% dels vòtes.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Visca l'union de los Partits Sards proguessistas. Urrà !
E son per o contre los tractats europèus que suprimisson tot dreit de debatre democraticament de la gestion economica d'Euròpa e dels sieus estats-membres ? Pausada autrament, la question val de se demandar se son per o contra lo retorn de la democracia en Euròpa, per ara unilateralament e incondicionalament liberala, es a dire de dreita dura. E la primièra de totas las questions que nos devèm pausar.
La segonda es de sabar de defendon o non los pòbles définits per sas lengas dins son dreit inalienable de se definir e de se governar (dins o fòra del liberalisme, notadament).
L'autor de l'article escriu
"La lista, qu’es menada per l’ecologista Yannick Jadot, comprendrà dos sobeiranistas en posicions elegiblas: l’èx-eurodeputat còrs François Alfonsi serà a la novena posicion de la lista, del temps que la catorzena es per la bretona Lydie Massard."
Vertat es que Nicolas Alfonsi es sobeiranista per Corsega.
Per la Lydie Massard l'informacion es falsa, es quitament una messòrga.
L'Union Democratica Bretona (UDB) es pas jamai estada sobeiranista valent a dire per l'independéncia de Bretanha. L'UDB es tot just autonomista dins l'encastre de l'estat francés e i a de monde que quitèron l'organizacion aquesta per que èran independentistas.
En Bretanha la sola personalitat plan coneguda qu'es clarament independentista es lo Cònsol de Caraez En Cristian Troadec e lo sol partit d'essencia democratica qu'es independentista es lo Partit Breton Strollad Breiz. Se n'i a d'autres los coneissi pas.
La vergonha vertadièra es d'aver Jadot en N°1.
Lo 26 de mai de 2019 per las eleccions europencas una èrsa grandassa d'abstencionisme es prevista.
Nicolas Alfonsi (Partit de la Nacion Còrsa) serà n°9 e Lydie Massard (Union Democratica Bretona) n°14 son sus la tièra EELV menada pel Yannick Jadot ...
E cal èsser contents e picar de las mans per que nos anam encara un còp far colhonar ... ?
Per que cal pas somiar los representants dels pòbles colonisats de l'estat francés seràn pas elegits.
Aguèsson plaçat Alfonsi o Massard en segonda o tresena pausicion los auriai votat e auriai fach votar.
Un conselh als bailes de RPS (Regions e Pòbles Solidaris) : Per las eleccions europencas de 2024 lo coratge politic serà d'èsser independènts de totes los partits politics franceses.
Lo vòstre sucursalisme fa fugir lo monde. L'independéncia farà tornar un fum de monde cap als burèus de vòte.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari