Actualitats
Seta: an rendut omenatge a Ives Roqueta
En preséncia de Maria Roanet, la jornada de testimònis, de rescontres, de lecturas e de projeccions se tenguèt a l’espaci Palace de la vila natala de l’escrivan
Un omenatge a Ives Roqueta (1936-2015) aguèt luòc dissabte passat, 23 de març, a Seta, dins l’encastre d’una jornada de testimònis, de rescontres, de lecturas e de projeccions. L’eveniment, organizat pel Ceucle Occitan Setòri e lo CIRDÒC, se tenguèt a l’espaci Palace de Seta.
En preséncia de Maria Roanet, l’eveniment recebèt las intervencions d’Alan Roch (animator cultural e collaborador de Jornalet), Joan Larzac (escrivan), Patrici Baccou (director d’APRENE), Miquèla Stenta (autora), Benjamin Assié (director del CIRDÒC), Charles Camberoque (fotograf) e Raphaël Ségura (pintre). Aquestes parlèron de l’òbra e de l’accion de Roqueta, escrivan de tria e actor màger de l’occitanisme del sègle XX.
Ràdio Lenga d’Òc vos en balha resson amb d’entrevistas realizadas per Bruno Cecillon.
En preséncia de Maria Roanet, l’eveniment recebèt las intervencions d’Alan Roch (animator cultural e collaborador de Jornalet), Joan Larzac (escrivan), Patrici Baccou (director d’APRENE), Miquèla Stenta (autora), Benjamin Assié (director del CIRDÒC), Charles Camberoque (fotograf) e Raphaël Ségura (pintre). Aquestes parlèron de l’òbra e de l’accion de Roqueta, escrivan de tria e actor màger de l’occitanisme del sègle XX.
Ràdio Lenga d’Òc vos en balha resson amb d’entrevistas realizadas per Bruno Cecillon.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
E òc, Piatluga : dans mon intervencion, regretèri de pas avec legit Lengadòc roge en entier, qu'un còp, l'Ives Roqueta nos contèt las aventuras de son eròi fins a la mort de Jaurès passant per las Comunas, l'emergéncia dels moviments anarquistas, 1907,……; Mas sabi pas, se çò qu'aviá dans lo cap, l'escriguèt…
Seta a mai de ser una ciutat plan polida amb son port e canals, vora Montpeller.Se veset qu'ha hagut grans artistas coma Brassens e escriptors coma Ives Roqueta. La belhesa del loc crea artistas.
E l'Ives Roqueta s'amagava pas jamai darrièr lo seu det guinhaire per dire que
- Era nacionalista occitan
- Era amic del PNO sens n'èsser sòci (en 2009 participèt a la celebracion dels 50 ans del PNO)
- Lo CIRDÒC èra emai es la Bibliotèca Nacionala Occitana.
Òsca l'Ives per tot lo trabalh qu'as agut fach per "l'Onor de la nòstra Patria mantenguér"
Un potencial d'escrivan que foguèt pas totjorn espleitat complètament. Ai totjorn regretat qu'aja pas acabada sa trilogia sul "Lengadòc Roge". D'unes dison qu'èra una mena de roman despassat. E alara? Lo primièr volum -e lo sol- es un grand plaser pel legeire. En mai d'aquò s'i aprenon un fum de causas que l'escòla nos a pas jamai dichas. E la lenga, a! la lenga d'Ives Roqueta! Quin chale!
Mercé Ives!
E mercé a Maria Roanet e a Joan Larzac de contunhar a far viure son òbra!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari