La comuna de Marselha farà pagar los repaisses als deslotjats, una informacion qu’a indignat lo collectiu del 5 de novembre, que l’a mençonada suls rets socials amb l’etiqueta #mairieindigne (comuna indigna).
 
A partir de diluns venent, los mai de doas mila deslotjats après lo drama de la Carrièra d’Aubanha seràn pas pus aculhits a la ciutat de las associacions mas al restaurant universitari Canebiera. Aquí lo prètz del repais serà de 3,68 èuros a la carga de la vila e de 3,80 èuros que deurà pagar lo beneficiari. Per tant, cinc meses après sa mesa en plaça, es acabada la gratuitat dels repaisses servits a miègjorn per las personas deslotjadas.
 
De ramentar que mai de cinc meses après lo drama, 2461 personas son deslotajadas de lors ostals, dont 1274 son relotjadas dins d’ostalariás.
 
La situacion es indigna e lo Collectiu del 5 de novembre se bat per interpelar los poders publics mentre qu’organiza de rescontres dins lo quartièr amb los abitants deslotjats de tota la vila, informa tot lo mond de sos dreches, denóncia las violéncias policièras, fa de vigilància ciutadana en cas d’evacuacion, entamena de cambadas juridicas, fa de comunicacion, imagina un autre projècte pel quartièr de las Noalhas e crèa de solidaritat. Se rescontran los diluns de 14h a 19h al Molotov, plaça de Pau Cesana.
 

Marseille vous informe... fin de la gratuité des repas pour les délogés #mairieindigne#marseille#délogéspic.twitter.com/ZsArBl5i5u

— Collectif-du-5-novembre (@Collectifdu5nov) 27 de març de 2019

 

#Societe - #Marseille : la Ville va faire payer les repas des délogés, le hashtag #mairieindigne lancé sur les réseaux sociaux https://t.co/0XzwlrRSwBpic.twitter.com/sFsmAtJRmq

— La Provence (@laprovence) 29 de març de 2019